1 Cronica 2:18-55, 1 Cronica 3:1-24, 1 Cronica 4:1-8 HLGN

1 Cronica 2:18-55

Ang mga Kaliwat ni Hezron kay Caleb kag sa Iban pa Niya nga mga Anak

Si Caleb nga anak ni Hezron may mga anak sa iya asawa nga si Azuba nga ginatawag man nga Jeriot.2:18 sa iya asawa… Jeriot: Indi klaro ang buot silingon sang Hebreo sini. Sila amo si Jesher, Shobab, kag Ardon. Pagkapatay ni Azuba ginpangasawa ni Caleb si Efrat2:19 Efrat: ukon, Efrata. kag may anak sila nga si Hur. Si Hur amay ni Uri, kag si Uri amay ni Bezalel. Sang nagaedad si Hezron sang 60 ka tuig, ginpangasawa niya ang anak ni Makir, ang utod nga babayi ni Gilead. May anak sila nga si Segub. Si Segub amay ni Jair, nga nagdumala sang 23 ka banwa sa Gilead. (Pero sang ulihi gin-agaw ni Geshur kag ni Aram ang mga banwa ni Jair2:23 mga banwa ni Jair: ukon, Havot Jair. pati ang Kenat, kag ang mga baryo sa palibot sini. 60 tanan ka lugar.) Tanan sila amo ang mga kaliwat ni Makir nga amay ni Gilead.

Wala lang dugay nga napatay si Hezron sa Caleb Efrata sang nagbata ang iya asawa nga si Abia. Ang ila bata amo si Ashur nga amay ni Tekoa.

Ang mga Kaliwat ni Hezron kay Jerameel

Amo ini sila ang mga anak nga lalaki ni Jerameel nga kamagulangan ni Hezron: Si Ram nga kamagulangan, sunod si Buna, Oren, Ozem, kag Ahia. Si Jerameel may isa pa ka asawa nga ang ngalan si Atara. Siya ang iloy ni Onam. Ang mga anak nga lalaki ni Ram nga kamagulangan ni Jerameel amo sila ni Maaz, Jamin, kag Eker.

Ang mga anak nga lalaki ni Onam amo si Shamai kag si Jada. Ang mga anak nga lalaki ni Shamai amo si Nadab kag Abishur.

Ang ngalan sang asawa ni Abishur amo si Abihail. May mga anak sila nga lalaki nga amo si Aban kag si Molid.

Ang mga anak nga lalaki ni Nadab amo si Seled kag si Apaim. Napatay si Seled nga wala sing bata.

Ang anak nga lalaki ni Apaim amo si Ishi. Si Ishi amay ni Sheshan, kag si Sheshan amay ni Alai. Ang mga anak nga lalaki ni Jada nga utod ni Shamai amo si Jeter kag si Jonatan. Napatay si Jeter nga wala sing bata. Ang mga anak nga lalaki ni Jonatan amo si Pelet kag Zaza. Ini sila ang mga kaliwat ni Jerameel.

Si Sheshan wala sing anak nga mga lalaki kundi mga babayi lang. May suluguon siya nga Egiptohanon nga ang ngalan si Jarha. Ginpaasawa ni Sheshan kay Jarha ang isa sa iya mga anak nga babayi, kag sang ulihi may anak sila nga lalaki nga si Atai. Si Atai amay ni Natan, si Natan amay ni Zabad, kag si Zabad amay ni Eflal. Si Eflal amay ni Obed, si Obed amay ni Jehu, kag si Jehu amay ni Azaria. Si Azaria amay ni Helez, si Helez amay ni Eleasa, kag si Eleasa amay ni Sismai. Si Sismai amay ni Shalum, si Shalum amay ni Jekamia, kag si Jekamia amay ni Elishama.

Ang Iban pa nga mga Kaliwat ni Hezron kay Caleb

Ang kamagulangan nga anak nga lalaki ni Caleb nga utod ni Jerameel amo si Mesha nga amay ni Zif. Ang ikaduha niya nga anak amo si Maresha nga amay ni Hebron.2:42 Ang ikaduha… Hebron: Indi klaro ang buot silingon sang Hebreo sini. Ang mga anak nga lalaki ni Hebron amo sila ni Kora, Tapua, Rekem, kag Shema. Si Shema amay ni Raham, kag si Raham amay ni Jorkeam. Si Rekem amay ni Shamai, si Shamai amay ni Maon, kag si Maon amay ni Bet Zur.

Ang isa pa ka asawa ni Caleb amo si Efa nga iloy nila ni Haran, Moza, kag Gazez. Si Haran may anak nga si Gazez man ang ngalan.

Ang mga anak nga lalaki ni Jahdai amo sila ni Regem, Jotam, Geshan, Pelet, Efa, kag Shaaf.

Ang isa pa gid ka asawa ni Caleb amo si Maaca. May mga anak sila nga lalaki nga sila ni Sheber, Tirhana, Shaaf (nga amay ni Madmana), kag Sheva (nga amay ni Macbena kag ni Gibea). Ang anak nga babayi ni Caleb amo si Acsa. Amo ini sila ang mga kaliwat ni Caleb.

Ang mga Kaliwat sang Anak ni Caleb nga si Hur

Si Hur ang kamagulangan nga anak ni Caleb kag ni Efrata. Ang mga anak nga lalaki ni Hur amo sila ni Shobal nga amay ni Kiriat Jearim, si Salma nga amay ni Betlehem, kag si Haref nga amay ni Bet Gader. Ang mga kaliwat ni Shobal nga amay ni Kiriat Jearim amo ang mga katawhan sang Haroe, ang katunga sang mga pumuluyo sang Menuhot2:52 mga pumuluyo sang Menuhot: ukon, mga Manahatnon. kag ang mga lahi ni Kiriat Jearim nga amo ang mga Itranon, Puthanon, Shumatnon kag Mishranon. Sila ang ginhalinan sang mga Zoratnon kag mga Eshtaolinhon.

Ang mga kaliwat ni Salma amo ang mga taga-Betlehem, ang mga taga-Netofa, ang mga taga-Atrot Bet Joab, ang katunga sang mga Manahatnon, ang mga Zorhanon, kag ang mga lahi sang mga eksperto sa pagsulat sang mga dokumento nga nagaestar sa banwa sang Jabez nga amo ang mga Tiratnon, Shimeatnon, kag Sucatnon. Amo ini sila ang mga Kenhanon nga naghalin kay Hammat, nga nagpundar sang Bet Recab.2:55 nagpundar sang Bet Recab: ukon, ginhalinan sang pamilya ni Recab.

Read More of 1 Cronica 2

1 Cronica 3:1-24

Ang mga Anak nga Lalaki ni David

Amo ini ang mga anak nga lalaki ni David nga nagkalatawo sa Hebron: Ang kamagulangan amo si Amnon nga anak niya kay Ahinoam nga taga-Jezreel. Ang ikaduha amo si Daniel3:1 Daniel: ukon, Kileab. nga anak niya kay Abigail nga taga-Carmel. Ang ikatatlo amo si Absalom nga anak niya kay Maaca nga anak ni Haring Talmai sang Geshur. Ang ikaapat amo si Adonia nga anak niya kay Hagit. Ang ikalima amo si Shefatia nga anak niya kay Abital. Kag ang ikaanom amo si Itream nga anak niya kay Egla. Ini sila nga anom natawo sa Hebron, nga sa diin naghari si David sa sulod sang pito ka tuig kag anom ka bulan.

Naghari si David sa Jerusalem sa sulod sang 33 ka tuig. Kag amo ini ang iya mga anak nga natawo didto: si Shimea, Shobab, Natan, kag Solomon. Ini sila nga apat anak ni David kay Batsheba3:5 Batsheba: ukon, Batshua. nga anak ni Amiel. May siyam pa gid siya ka anak nga amo sila ni Ibhar, Elishua,3:6 Elishua: ukon, Elishama. Elifelet, Noga, Nefeg, Jafia, Elishama, Eliada, kag Elifelet. Amo ini sila ang mga anak nga lalaki ni David, luwas sa iban pa niya nga mga anak nga lalaki sa iban pa niya nga mga asawa. May anak man si David nga babayi nga si Tamar.

Ang mga Hari sang Juda

Amo ini ang mga kaliwat ni Solomon nga nangin hari: Rehoboam, Abia, Asa, Jehoshafat, Jehoram,3:11 Jehoram: ukon, Joram. Ahazia, Joash, Amazia, Azaria,3:12 Azaria: ukon, Uzia. Jotam, Ahaz, Hezekia, Manase, Amon, kag Josia.

Amo ini sila ang mga anak ni Josia: ang kamagulangan si Johanan, ang ikaduha si Jehoyakim, ang ikatatlo si Zedekia, kag ang ikaapat si Shalum. Ang nagbulos kay Jehoyakim bilang hari amo si Jehoyakin3:16 Jehoyakin: ukon, Jeconia. nga iya anak. Kag ang nagbulos kay Jehoyakin amo si Zedekia nga iya tiyo.3:16 tiyo: ukon, utod.

Ang mga Kaliwat ni Jehoyakin

Amo ini ang mga anak nga lalaki ni Jehoyakin, ang hari nga ginbihag sa Babilonia: si Shealtiel, Malkiram, Pedaya, Shenazar, Jekamia, Hoshama, kag si Nedabia. Ang mga anak nga lalaki ni Pedaya amo si Zerubabel kag si Shimei. Ang mga anak nga lalaki ni Zerubabel amo si Meshulam kag si Hanania. Ang ila utod nga babayi amo si Shelomit. May lima pa ka anak nga lalaki si Zerubabel nga amo sila ni Hashuba, Ohel, Berekia, Hasadia, kag Jushab Hesed. Ang mga anak nga lalaki ni Hanania amo si Pelatia kag si Jeshaya. Si Jeshaya amay ni Refaya, si Refaya amay ni Arnan, si Arnan amay ni Obadias, kag si Obadias amay ni Shecania. Ang mga kaliwat ni Shecania amo si Shemaya kag ang mga anak ni Shemaya nga sila ni Hatush, Igal, Baria, Nearia, kag Shafat—anom sila tanan. Ang mga anak nga lalaki ni Nearia amo sila ni Elioenai, Hizkia, kag Azrikam—tatlo sila tanan. Ang mga anak nga lalaki ni Elioenai amo sila ni Hodavia, Eliashib, Pelaya, Akub, Johanan, Delaya, kag Anani—pito sila tanan.

Read More of 1 Cronica 3

1 Cronica 4:1-8

Ang Iban pa nga mga Kaliwat ni Juda

Amo ini ang iban pa nga mga kaliwat ni Juda: si Perez, Hezron, Carmi, Hur, kag Shobal. Ang anak ni Shobal nga si Reaya amo ang amay ni Jahat. Si Jahat amo ang amay ni Ahumai kag ni Lahad. Sila ang mga pamilya sang mga Zoratnon.

Amo ini ang mga anak 4:3 mga anak: Amo ini sa iban nga mga kopya sang Septuagint. Sa Hebreo, amay. ni Etam: si Jezreel, Ishma, kag Idbash. Ang ngalan sang ila utod nga babayi amo si Hazelelponi.

Si Penuel ang amay ni Gedor, kag si Ezer ang amay ni Husha. Ini sila mga kaliwat ni Hur, ang kamagulangan nga anak ni Efrata. Si Hur amo ang katigulangan sang mga taga-Betlehem.

Si Ashur nga amay ni Tekoa may duha ka asawa, si Hela kag si Naara. Amo ini sila ang mga anak nga lalaki ni Naara kag ni Ashur: Ahuzam, Hefer, Temeni, kag Haahashtari. Ang mga anak iya ni Hela kag ni Ashur amo sila ni Zeret, Izhar,4:7 Izhar: ukon, Zohar. Etnan, kag Koz. Si Koz nga ini amay ni Anub kag ni Hazobeba, kag siya ang ginhalinan sang pamilya ni Aharhel nga anak ni Harum.

Read More of 1 Cronica 4