Ayubu 33:1-33, Ayubu 34:1-37 GKY

Ayubu 33:1-33

“No rĩu Ayubu-rĩ, thikĩrĩria ciugo ciakwa;

tega matũ ũigue ũrĩa wothe nguuga.

Ndĩ hakuhĩ gũtumũra kanua gakwa;

ciugo ciakwa irĩ o rũrĩmĩ-inĩ rwakwa.

33:3 1Ath 3:6; Ayub 6:28Ciugo ciakwa ciumĩte ngoro nũngĩrĩru;

mĩromo yakwa yaragia ĩtarĩ na ũhinga.

33:4 Kĩam 1:2; Ndar 16:22Roho wa Mũrungu nĩwe ũnyũmbĩte;

mĩhũmũ ya Mwene-Hinya-Wothe nĩyo ĩĩheaga muoyo.

Nawe njookeria, akorwo nĩũkũhota;

wĩhaarĩrie ũũngʼethere.

Niĩ haana o tawe maitho-inĩ ma Mũrungu;

o na niĩ ndombirwo na rĩũmba.

33:7 Ayub 9:34; 2Akor 2:4Kwĩĩndigĩra gũtigakũmakie,

kana guoko gwakwa gũkũritũhĩre.

“No rĩrĩ, nĩuugĩte ngĩiguaga,

ngaigua ciugo icio ũkiuga atĩ,

33:9 Ayub 10:7‘Ndĩ mũtheru na ndirĩ na mehia;

ndiĩkĩte ũũru, na ndirĩ na mahĩtia.

No Ngai nĩanyonete na mahĩtia;

anduĩte thũ yake.

33:11 Ayub 13:27; Isa 30:21Nĩanjohaga magũrũ na mĩnyororo;

arangagĩra njĩra ciakwa ciothe.’

“No ngũkwĩra atĩrĩ, ũhoro-inĩ ũyũ wee ndũrĩ na kĩhooto,

nĩgũkorwo Ngai nĩ mũnene gũkĩra mũndũ.

33:13 Isa 45:9Ũramũtetia nĩkĩ,

atĩ ndacookagia kiugo kĩa mũndũ o na kĩmwe?

33:14 Thab 62:11; Ayub 4:12Nĩgũkorwo Mũrungu nĩaaragia,

rĩmwe na njĩra ĩmwe, na rĩngĩ akaaria na njĩra ĩngĩ,

o na gũtuĩka mũndũ no aage gũkũũrana.

33:15 Ayub 4:13; Kĩam 15:1Rĩmwe akaaragia kĩroto-inĩ na kĩoneki-inĩ gĩa ũtukũ,

rĩrĩa andũ mahĩtĩtwo nĩ toro mũnene marĩ ũrĩrĩ,

33:16 Ayub 36:10, 15no amaarĩrie matũ-inĩ mao,

na amamakie nĩguo amakaanie,

nĩguo agarũre mũndũ atige kũhĩtia,

na atigane na mwĩtĩĩo,

33:18 Thab 28:1; Math 26:52nĩguo agitĩre roho wake kuuma gĩkuũ-inĩ,

na agitĩre muoyo wake ndũkaniinwo na rũhiũ rwa njora.

33:19 Kĩam 17:1; Isa 38:13Ningĩ mũndũ no arũithio na gũkomio ũrĩrĩ wa ruo,

akorwo na thĩĩna wa mahĩndĩ ũtathiraga,

o nginya ngoro yake ĩgathũũra irio,

na roho wake ũgathũũra irio iria njega mũno.

33:21 Ayub 16:8Nyama cia mwĩrĩ wake ihĩnjaga igathirĩrĩkĩra,

na mahĩndĩ make marĩa mataroonekaga makoimĩra.

Roho wake ũgakuhĩrĩria mbĩrĩra,

na muoyo wake ũgakuhĩrĩria arĩa mareehage gĩkuũ.

33:23 Agal 3:19; Mik 6:8“No rĩrĩ, angĩkorwo harĩ na mũraika mwena wake arĩ mũiguithania,

ũmwe harĩ ngiri, wa kwĩra mũndũ ũndũ ũrĩa ũmwagĩrĩire,

nake amũkinyĩrie wega wake na oige atĩrĩ,

‘Mũhonokie ndagatuĩke wa gũikũrũka mbĩrĩra-inĩ;

nĩnyonete gĩa kũmũkũũra nakĩo,’

33:25 Thab 103:5; 2Ath 5:14hĩndĩ ĩyo nyama cia mwĩrĩ wake igeethĩha ta cia mwana;

igaacooka ta ũrĩa ciarĩ matukũ-inĩ ma wĩthĩ wake.

Ahooyaga Ngai ageekwo wega nĩwe,

oonaga ũthiũ wa Ngai akaanĩrĩra nĩ gũkena;

agacookio ũthingu-inĩ wake nĩ Ngai.

33:27 Luk 15:21; Arom 6:21Nake agacooka agathiĩ kũrĩ andũ akameera atĩrĩ,

‘Nĩndehirie, na ngĩogomia ũndũ ũrĩa warĩ wa ma,

no ndiigana kũherithio ũrĩa ndaagĩrĩirwo nĩkũherithio.

Nĩakũũrire roho wakwa ndũkaharũrũkio mbĩrĩra,

na niĩ ngũtũũra ngenagĩra ũtheri ũcio.’

33:29 Aef 1:11; Afil 2:13“Mũrungu nĩekaga mũndũ maũndũ macio mothe,

maita meerĩ o na kana matatũ,

33:30 Thab 56:13; Isa 60:1nĩguo agarũre roho wake ndũkaharũrũkio mbĩrĩra,

nĩgeetha ũtheri ũcio wa muoyo ũmũtherere.

33:31 Jer 23:18“Atĩrĩrĩ Ayubu, tega matũ na ũũthikĩrĩrie;

kira ki na niĩ njarie.

Wakorwo ũrĩ na ũndũ wa kuuga-rĩ, njĩĩra;

aria, nĩgũkorwo ingĩenda woneke ndwĩhĩtie.

33:33 Ayub 32:10; Thim 10:8No akorwo ti ũguo-rĩ, wee gĩthikĩrĩrie;

kira ki, na nĩngũkũruta ũũgĩ.”

Read More of Ayubu 33

Ayubu 34:1-37

Ningĩ Elihu akiuga atĩrĩ:

“Iguai ciugo ciakwa, inyuĩ andũ aya oogĩ;

thikĩrĩriai, inyuĩ amenyi a maũndũ.

34:3 Ayub 12:11Nĩgũkorwo gũtũ gũthuuranagia ciugo

o ta ũrĩa rũrĩmĩ rũcamaga irio.

34:4 Ahib 5:14; 1Athe 5:21Nĩtwĩkũũranĩrei ithuĩ ene ũndũ ũrĩa wagĩrĩire;

nĩtwĩrute tũrĩ hamwe ũndũ ũrĩa mwega.

“Ayubu aroiga atĩrĩ, ‘Niĩ ndihĩtĩtie,

no Mũrungu nĩanjagithĩtie kĩhooto gĩakwa.

34:6 Ayub 6:28; Jer 10:19O na gũtuĩka ndĩraria ũrĩa kũrĩ,

ndĩratuuo mũheenania;

o na gũtuĩka ndirĩ na mahĩtia,

mũguĩ wake ũngurarĩtie kĩronda gĩtangĩhona.’

34:7 Ayub 15:16Nĩ mũndũ ũrĩkũ ũhaana ta Ayubu,

mũndũ ũnyuuaga kĩnyũrũri taarĩ maaĩ aranyua?

Atwaranaga na andũ arĩa mekaga ũũru;

agĩĩaga thiritũ na andũ arĩa aaganu.

Nĩgũkorwo oigaga atĩrĩ, ‘Gũtirĩ uumithio mũndũ onaga

rĩrĩa arageria gũkenia Ngai.’

34:10 Ayub 32:10; Kĩam 18:25“Nĩ ũndũ ũcio gĩĩthikĩrĩriei, inyuĩ andũ aya mũrĩ na ũtaũku.

Ũhoro wa kwĩhia ũroaga kuoneka harĩ Mũrungu,

Mwene-Hinya-Wothe aroaga gwĩka ũũru.

34:11 Math 16:27; Ezek 33:20Arĩhaga mũndũ kũringana na ũrĩa ekĩte;

akamũrehere o kĩrĩa kĩringaine na mĩthiĩre yake.

34:12 Ahib 6:18; Ayub 8:3Gũtingĩhoteka atĩ Mũrungu no eeke mahĩtia,

atĩ ũrĩa Mwene-Hinya-Wothe no ogomie kĩhooto.

34:13 Ahib 1:2; Isa 40:14Nũũ wamũtuire mũrori wa thĩ?

Nũũ wamũtuire mũrũgamĩrĩri wa thĩ yothe?

34:14 Kĩam 6:3; Ndar 16:22Korwo aagĩa na muoroto

wa kweheria roho wake na mĩhũmũ-rĩ,

34:15 Mal 3:6; Thab 90:10andũ othe mangĩthiranĩra hamwe,

nake mũndũ acooke rũkũngũ-inĩ.

“Akorwo ũrĩ mũndũ ũrĩ na ũtaũku-rĩ, igua ũhoro ũyũ;

thikĩrĩria ũrĩa nguuga.

34:17 2Sam 23:3-4; Arom 3:5-6Mũndũ ũthũire kĩhooto-rĩ, no ahote gwathana?

Ũrĩa ũrĩ kĩhooto, o Ũcio kĩhoti-rĩ, no ũmũtue mwĩhia?

34:18 Thaam 22:28Githĩ ti we wĩraga athamaki atĩrĩ, ‘Inyuĩ mũtirĩ kĩene,’

na akeera arĩa marĩ igweta atĩrĩ, ‘Inyuĩ mũrĩ aaganu,’

o ũcio ũtatĩagĩra anene maũthĩ,

na ndendaga arĩa atongu gũkĩra arĩa athĩĩni,

nĩgũkorwo othe nĩ wĩra wa moko make?

34:20 Thaam 11:4; Ayub 12:19Makuuaga o rĩmwe, o ũtukũ gatagatĩ;

andũ mainainaga magakua;

arĩa marĩ hinya meeheragio matahutĩtio nĩ guoko kwa mũndũ.

34:21 Jer 32:19; Ahib 4:13“Maitho make maikaraga macũthĩrĩirie mĩthiĩre ya andũ;

nĩonaga mĩthiĩre yao yothe.

Gũtirĩ handũ harĩ nduma, kana handũ harĩ kĩĩruru kĩnene,

hangĩĩhithwo nĩ arĩa meekaga ũũru.

Mũrungu ndabatairio nĩgũthuthuuria ndeto cia andũ makĩria,

atĩ nĩguo moke mbere yake maciirithio.

34:24 Dan 2:21Ahehenjaga arĩa marĩ ũhoti atekũũria mũndũ

na akarũgamia andũ angĩ ithenya rĩao.

Tondũ we nĩamenyaga maũndũ marĩa meekaga,

amangʼaũranagia ũtukũ magathuthĩka.

34:26 Kĩam 6:5; Jer 44:5Amaherithagĩria waganu wao

makĩonagwo nĩ mũndũ o wothe,

34:27 Thab 14:3; 1Sam 15:11tondũ nĩmagarũrũkire magĩtiga kũmũrũmĩrĩra,

na matirũmbũyagia njĩra yake o na ĩrĩkũ.

34:28 Thaam 22:23Nĩmatũmire kĩrĩro kĩa arĩa athĩĩni gĩkinye hau mbere yake,

nĩ ũndũ ũcio akĩigua kĩrĩro kĩa arĩa abatari.

34:29 Thab 28:1; Arom 8:34No rĩrĩ, angĩikara akirĩte-rĩ, nũũ ũngĩmũtua muhĩtia?

Angĩhitha ũthiũ wake-rĩ, nũũ ũngĩmuona?

Nowe arĩ igũrũ rĩa mũndũ na igũrũ rĩa rũrĩrĩ o ũndũ ũmwe,

nĩguo agirie mũndũ ũtarĩ na ũngai gwathana,

amũgirie kũigĩra kĩrĩndĩ mĩtego.

34:31 Luk 15:21; 1Joh 1:8, 10“Korwo mũndũ no ere Mũrungu atĩrĩ,

‘Nĩnjĩhĩtie no ndikehia rĩngĩ.

34:32 Thaam 33:13; Luk 19:8Nduta menye ũrĩa itarahota kuona;

ingĩkorwo nĩnjĩkĩte ũũru-rĩ, ndigacooka gwĩka ũguo rĩngĩ.’

34:33 2Ath 17:13; Thim 17:23Ngai-rĩ, no agĩkũrĩhe kũringana na ũrĩa wee ũkwenda

rĩrĩa ũregete kwĩrira?

No nginya we ũtue itua, no ti niĩ;

nĩ ũndũ ũcio kĩnjĩĩre ũrĩa ũũĩ.

“Andũ arĩa marĩ na ũtaũku maroiga atĩrĩ,

nao andũ acio oogĩ maiguĩte ngĩaria manjĩĩrĩte atĩrĩ,

34:35 Ayub 35:16‘Ayubu aaragia atarĩ na ũmenyo;

ciugo ciake nĩciagĩte ũũgĩ.’

34:36 Ayub 22:15Hĩ, naarĩ korwo Ayubu aagerio nginya mũthia,

nĩ ũndũ macookio make nĩ ta ma mũndũ mwaganu!

Nĩongereire ũremi harĩ mehia make;

atũhũũragĩra hĩ cia kĩnyũrũri,

na akaingĩhia ciugo ciake cia gũũkĩrĩra Mũrungu.”

Read More of Ayubu 34