Hosea 3:1-5, Hosea 4:1-19, Hosea 5:1-15 GKY

Hosea 3:1-5

Hosea na Mũtumia Wake Kũiguana Rĩngĩ

3:1 Hos 1:2; 2Sam 6:19Ningĩ Jehova akĩnjĩĩra atĩrĩ, “Thiĩ, wonie mũtumia waku wendo rĩngĩ, o na gũtuĩka nĩendetwo nĩ mũndũ ũngĩ na nĩ mũtharia. Mwende o ta ũrĩa Jehova endete andũ a Isiraeli, o na gũtuĩka nĩmagarũrũkagĩra ngai ingĩ na makenda keki iria nyamũre cia thabibũ nyũmũ.”

Nĩ ũndũ ũcio ngĩmũgũra na thogora wa cekeri ikũmi na ithano3:2 nĩ ta giramu 170 cia betha, na ta homeri na letheku ĩmwe3:2 nĩ ta kilo 330 ya cairi. Ngĩcooka ngĩmwĩra atĩrĩ, “Nĩũgũtũũrania na niĩ matukũ maingĩ, na no nginya ũtige ũmaraya na ndũkendane na mũndũ ũngĩ, na niĩ nĩngũtũũrania nawe.”

3:4 Dan 11:31; Hos 2:11Nĩgũkorwo andũ a Isiraeli nĩmegũtũũra matukũ maingĩ matarĩ na mũthamaki kana mũnene, na matarĩ na igongona kana mahiga maamũre, na matarĩ na ebodi kana mũhianano. 3:5 Gũcook 4:29; Jer 50:4-5Thuutha ũcio andũ a Isiraeli nĩmagacooka na marongorie Jehova Ngai wao na Daudi mũthamaki wao. Nĩmagooka makĩinainaga kũrĩ Jehova na kũrĩ irathimo ciake matukũ-inĩ ma mũthia.

Read More of Hosea 3

Hosea 4:1-19

Thitango ya Gũũkĩrĩra Isiraeli

Iguai ũhoro wa Jehova, inyuĩ andũ a Isiraeli,

tondũ Jehova nĩekũmũthitanga,

inyuĩ mũtũũraga thĩinĩ wa bũrũri ũyũ:

“Nĩ ũndũ-rĩ, gũtirĩ na wĩhokeku kana wendo,

kana kũmenya Ngai thĩinĩ wa bũrũri ũyũ.

4:2 Isa 59:3; Hos 7:1; 2Ath 21:6Kĩrĩa kũrĩ no kũrumana, na kũheenania, na ũragani,

na ũici, na ũtharia;

maũndũ macio makaingĩha mũno,

na ũiti wa thakame ũkarũmĩrĩra ũiti wa thakame.

4:3 Jer 4:28; Ezek 38:20; Zef 1:3Nĩ ũndũ wa gĩtũmi kĩu bũrũri nĩũracakaya,

na arĩa othe matũũraga thĩinĩ waguo makahinyara;

nyamũ cia gĩthaka, na nyoni cia rĩera-inĩ,

na thamaki cia iria-inĩ nĩgũkua irakua.

“No rĩrĩ, ndũkareke mũndũ arehe thitango,

mũndũ ndagathitange ũrĩa ũngĩ,

nĩgũkorwo andũ anyu mahaana andũ arĩa

mathitangaga mũthĩnjĩri-Ngai.

4:5 Ezek 7:19; Hos 2:2Mũhĩngagwo mũthenya na ũtukũ,

na anabii makahĩngwo hamwe na inyuĩ.

Nĩ ũndũ ũcio nĩnganiina maitũguo.

4:6 Thim 10:21; Mal 2:7-8Andũ akwa maniinagwo nĩ ũndũ wa kwaga ũmenyo.

“Tondũ nĩmũregete ũmenyo,

o na niĩ nĩndĩmũregete mũtuĩke athĩnjĩri-Ngai akwa;

tondũ nĩmũtiganĩirie watho wa Ngai wanyu,

o na niĩ nĩngatiganĩria ciana cianyu.

4:7 Hab 2:16; Hos 10:1, 6O ũrĩa athĩnjĩri-Ngai maingĩhaga,

noguo maakĩragĩrĩria kũnjĩhĩria;

nao magĩkũũrania riiri wao na kĩndũ gĩa thoni.

Mehũũnagia na mehia ma andũ akwa,

na magakenera waganu wao.

4:9 Isa 24:2; Hos 9:9Na nĩgũgatuĩka atĩrĩ: O ta ũrĩa andũ makaahaana,

no taguo athĩnjĩri-Ngai makaahaana.

Nĩngamaherithia othe nĩ ũndũ wa mĩthiĩre yao,

na ndĩmarĩhe kũringana na ciĩko ciao.

4:10 Alaw 26:26; Mik 6:14“Makaarĩĩaga no matikahũũna,

makaahũũraga ũmaraya no matikaingĩha,

tondũ nĩmatiganĩirie Jehova

nĩguo meheane kũrĩ ũmaraya,

na kũnyua ndibei ĩrĩa ngũrũ na ya mũhihano,

iria cieheragia ũmenyo 4:12 Jer 2:27; Ndar 15:39; Thab 73:27wa andũ akwa.

Mahooyaga kĩrĩra kuuma kũrĩ mũhianano mũicũhie,

naruo rũthanju rwa ũragũri rũkamacookeria ũhoro.

Roho wa ũmaraya nĩũmahĩtithagia njĩra;

makaaga kwĩhokeka kũrĩ Ngai wao.

4:13 Isa 1:29; Hos 2:13Marutagĩra igongona irĩma igũrũ,

na magacinĩra maruta ma njino tũrĩma-inĩ,

na rungu rwa mũtĩ wa mũgandi, na wa mũribina, o na mũceceni,

tondũ kĩĩruru kĩayo nĩ kĩega.

Nĩkĩo airĩtu anyu mahũũraga ũmaraya,

na atumia a ariũ anyu magatharia.

“Ndikaherithia airĩtu anyu maahũũra ũmaraya,

kana herithie atumia a ariũ anyu maatharia,

tondũ arũme o ene mathiiaga thiritũ na maraya,

na makarutaga igongona hamwe na maraya ma mahooero-inĩ:

nĩ ũndũ ũcio andũ matarĩ ũmenyo nĩmakanangĩka!

“Atĩrĩ wee Isiraeli, o na gũtuĩka nĩũtharagia-rĩ,

Juda nĩagĩtige kwĩhia.

“Ndũgathiĩ Giligali;

o na ndũkambate Bethi-Aveni.4:15 Bethi-Aveni rĩarĩ rĩĩtwa rĩa kũnyũrũria Betheli, tondũ Bethi-Aveni nĩ kuuga “Nyũmba ya waganu”, naguo Betheli nĩ kuuga “Nyũmba ya Ngai”.

Na ndũkehĩte uuge atĩrĩ, ‘Ti-itherũ o ta ũrĩa Jehova atũũraga muoyo!’

Andũ a Isiraeli mangʼathĩtie

o ta moori ngʼathia.

Kũngĩhoteka atĩa Jehova amarĩithie

ta tũgondu tũrĩ nyeki-inĩ nduru?

Efiraimu nĩegwatanĩtie na mĩhianano;

tiganai nake!

O na rĩrĩa kĩndũ kĩao gĩa kũnyua gĩthirĩte-rĩ,

no mathiiaga na mbere na ũmaraya wao;

aathani ao nĩmendete mũno njĩra cia thoni.

4:19 Hos 12:1; Isa 1:29Kĩhuhũkanio kĩnene gĩkaamahaata kĩmombũkie,

na magongona mao nĩmakamaconorithia.

Read More of Hosea 4

Hosea 5:1-15

Isiraeli Gũtuĩrwo Ciira

5:1 Ayub 10:2; Hos 6:9“Iguai ũhoro ũyũ, inyuĩ athĩnjĩri-Ngai!

Tegai matũ, inyuĩ andũ a Isiraeli!

Thikĩrĩria, wee nyũmba ya ũthamaki!

Nĩ inyuĩ mũgũtuĩrwo ciira ũyũ:

Mũkoretwo mũrĩ mũtego kũu Mizipa,

na mũrĩ wabu ya gũtegana yarĩtwo kũu Taboru.

Aregi a watho nĩmarikĩire ũragani-inĩ.

Niĩ nĩngamaherithia othe.

Niĩ nĩnjũũĩ maũndũ mothe ma Efiraimu;

Isiraeli ndahithĩtwo kuuma kũrĩ niĩ.

Wee Efiraimu, rĩu nĩũhũrĩte ũmaraya;

Isiraeli nake nĩathũkĩte.

5:4 Hos 4:11; Jer 4:28“Ciĩko ciao itingĩmetĩkĩria

gũcookerera Ngai wao.

Roho wa ũmaraya ũrĩ ngoro-inĩ ciao,

nao makaaga kũmenya Jehova.

Mwĩtĩĩo wa Isiraeli nĩũrutaga ũira wa kũmookĩrĩra;

andũ a Isiraeli na Efiraimu mahĩngagwo nĩ mehia mao;

Juda o nake akahĩngwo hamwe nao.

5:6 Mik 6:6-7; Thim 1:28Hĩndĩ ĩrĩa magaathiĩ na ndũũru ciao cia mbũri na cia ngʼombe

kũrongooria Jehova-rĩ,

matikamuona; we nĩamehereire.

5:7 Isa 24:16; Hos 2:11-12Nĩmagĩte kwĩhokeka harĩ Jehova;

nao magaciara ciana itarĩ na ũngai.

Na rĩrĩ, ciathĩ ciao cia Karũgamo ka Mweri

nĩikaamameria, o hamwe na mĩgũnda yao.

5:8 Ndar 10:2; Atiir 19:12; Isa 10:29“Huhai karumbeta kũu Gibea,

na mũhuhe coro kũu Rama.

Muuge mbu ya gwĩtana mbaara kũu Bethi-Aveni;

wee Benjamini, wĩhũũge.

Efiraimu nĩgũgakira ihooru

mũthenya ũcio wa ituĩro.

Gatagatĩ-inĩ ka mĩhĩrĩga ya Isiraeli-rĩ,

niĩ ngwanĩrĩra ũrĩa kũrĩ.

5:10 Gũcook 19:14; Ezek 7:8Atongoria a Juda mahaana

andũ arĩa meheragia mahiga ma mĩhaka.

Nĩngamaitĩrĩria mangʼũrĩ makwa,

taarĩ kĩguũ kĩa maaĩ.

5:11 Mik 6:16Efiraimu nĩmũhinyĩrĩrie,

akarangĩrĩrio ituĩro-inĩ rĩa ciira,

nĩ ũndũ wa kwenda kũrũmĩrĩra mĩhianano.

Niĩ haana memenyi kũrĩ Efiraimu,

na ngahaana ta ũbuthu kũrĩ andũ a Juda.

5:13 Isa 7:16; Hos 7:11“Rĩrĩa Efiraimu oonire ndwari yake,

nake Juda akĩona ironda ciake-rĩ,

hĩndĩ ĩyo Efiraimu agĩthiĩ kũrĩ Ashuri,

na agĩtũmana kũrĩ mũthamaki ũcio mũnene nĩguo amũteithie.

Nowe ndangĩhota gũkũhonia,

o na kana ahonie ironda ciaku.

5:14 Ayub 10:16; Amos 3:4; Mik 5:8Niĩ ngaatuĩka ta mũrũũthi kũrĩ Efiraimu,

nduĩke ta mũrũũthi ũrĩ hinya kũrĩ Juda.

Ngaamatambuuranga, njooke ndĩthiĩre;

ngaamataha, na gũtirĩ mũndũ ũkaamahonokia.

5:15 Alaw 26:40; Thab 24:6; Jer 2:27Ningĩ niĩ nĩngacooka gwakwa,

nginya rĩrĩa magetĩkĩra mahĩtia mao.

Nao nĩmakarongooria ũthiũ wakwa;

nao mona mathĩĩna nĩmakanongoria na kĩo.”

Read More of Hosea 5