Salmo 14:1-7 APSD-CEB

Salmo 14:1-7

Salmo 1414:0 Salmo 14 Ang ulohan sa Hebreo: Ang awit alang sa maestro sa mga mag-aawit. Sulat kini ni David.

Ang Kadaotan sa mga Tawo

(Salmo 53)

Nagaingon ang mga buang-buang sa ilang kaugalingon, “Walay Dios!”

Daotan silang tanan ug ngil-ad ang ilang ginahimo.

Walay bisan usa kanila nga nagahimo ug maayo.

Didto sa langit nagatan-aw ang Ginoo sa mga tawo aron pagsusi kon aduna bay nakasabot sa kamatuoran ug nagadangop kaniya.

Ang tanan misimang sa tinuod nga dalan ug nahimong daotan.

Wala gayoy bisan usa nga naghimo ug maayo.

Wala ba makahibalo kining daotang mga tawo sa ilang ginahimo? Siyempre nakahibalo!

Nanginabuhi sila pinaagi sa pagpangilkil sa akong mga katawhan,

ug wala sila nagaampo sa Ginoo.

Apan mangalisang gayod sila,

kay labanan sa Dios ang mga matarong.

Gipakaulawan nila ang mga plano sa mga kabos,

apan ang Dios mao ang manalipod sa mga kabos.

Hinaut nga moabot na gikan sa Zion ang moluwas sa Israel.

Unsa kaha ka malipayon ang mga Israelinhon, ang katawhan sa Ginoo,

kon pauswagon sila sa Ginoo pag-usab!

Read More of Salmo 14