โยบ 38 – TNCV & GKY

Mĩario ya Jehova

138:1 Thaam 14:21; Ayub 40:6Nake Jehova agĩcookeria Ayubu ũhoro arĩ kĩhuhũkanio-inĩ, akĩmwĩra atĩrĩ:

2“Nũũ ũyũ ũrekĩra kĩrĩra gĩakwa nduma

na ciugo itarĩ na ũmenyo?

338:3 Ayub 40:7; Mar 11:29Wĩhotore ta mũndũ mũrũme;

nĩngũkũũria ciũria, nawe ũkĩnjookerie.

438:4 1Sam 2:8; Thim 30:4“Warĩ kũ rĩrĩa ndaakire mũthingi wa thĩ?

Njĩĩra akorwo ũrĩ na ũũgĩ wa kũmenya.

538:5 Thab 102:25; Jer 31:37Nũũ wathimire mũigana wayo? Ti-itherũ wee nĩũũĩ!

Nũũ watambũrũkirie rũrigi rwa gũthima igũrũ rĩayo?

638:6 Ayub 26:7Mĩthingi yayo yahandirwo igũrũ rĩa kĩĩ,

kana nũũ wahaandire ihiga rĩayo rĩa koine,

7hĩndĩ ĩrĩa njata cia rũciinĩ ciainire hamwe,

na araika othe makĩanĩrĩra nĩ gũkena?

838:8 Thim 8:29; Kĩam 1:9-10“Nũũ wahingĩrĩirie iria na mĩrango

rĩrĩa rĩatumũkire kuuma nda,

9rĩrĩa ndatuire matu nguo ciarĩo,

na ngĩrĩoha nduma nene ta taama warĩo,

1038:10 Ayub 28:25; Neh 3:3rĩrĩa ndarĩkĩrĩire mĩhaka, na ngĩrĩhingĩra na mĩrango yarĩo,

na ngĩĩkĩra mĩgĩĩko handũ hayo,

1138:11 Thab 89:9rĩrĩa ndoigire atĩrĩ, ‘Ũkinyage o haha na ndũkanahakĩre;

makũmbĩ maku macio metĩĩi-rĩ, hau nĩho marĩĩkinyaga’?

1238:12 Thab 57:8; Amos 5:8“Kuuma o kĩambĩrĩria-rĩ, ũrĩ waathana atĩ rũciinĩ rũgĩe ho,

kana ũkĩonereria ũtheri wa rũciinĩ harĩa ũkuumĩrĩra,

13nĩguo ũhote kũnyiita thĩ na mĩthia yaguo,

nao arĩa aaganu maribaribwo moime kuo?

1438:14 Thaam 28:11Thĩ ĩhaanaga ta rĩũmba rĩhũrĩtwo mũhũũri;

mũonekere wayo ũtariĩ ta mũhianĩre wa nguo.

1538:15 Gũcook 28:29; Kĩam 17:14Andũ arĩa aaganu nĩmaimagwo ũtheri wao,

na guoko kwao kũrĩa kuoetwo na igũrũ gũkoinwo.

16“Ũrĩ wathiĩ rũgendo nginya kũrĩa iria rĩtherũkagĩra,

kana ũgaceera itwe-inĩ cia ndia kũrĩa kũriku mũno?

1738:17 Math 16:18; Ayub 7:9Ũrĩ wonio ihingo cia gĩkuũ?

Ũrĩ wona ihingo cia kĩĩruru gĩa gĩkuũ?

18Ũrĩ wamenya ũnene wa wariĩ wa thĩ?

Njĩĩra akorwo nĩũũĩ maũndũ macio mothe.

1938:19 Kĩam 1:4“Njĩra ya gũthiĩ kũrĩa ũtheri ũtũũraga nĩĩrĩkũ?

Nayo nduma ĩikaraga kũ?

20No ũcitware gwacio?

Nĩũũĩ tũcĩra twa gũthiĩ kũrĩa itũũraga?

21Ti-itherũ wee nĩũũĩ, nĩgũkorwo warĩ mũciare!

Wee-rĩ, nĩũtũũrĩte mĩaka mĩingĩ!

2238:22 Ayub 37:6“Ũrĩ watoonya makũmbĩ kũrĩa tharunji ĩigĩtwo,

kana ũkĩona makũmbĩ kũrĩa mbura ya mbembe ĩigĩtwo,

2338:23 Isa 30:30; Ezek 13:13o icio njigĩte nĩ ũndũ wa mahinda ma thĩĩna,

ngaciiga nĩ ũndũ wa matukũ ma mbaara na ma kũrũa.

24Njĩra ya gũthiĩ kũrĩa ũtheri ũgayanagĩrio nĩĩrĩkũ,

kana ya gũthiĩ kũrĩa rũhuho rwa irathĩro rũhurunjagĩrwo gũkũ thĩ?

25Nũũ wenjagĩra mbura ya kĩboboto mũtaro wa kũgerera,

kana agatemera mbura ya marurumĩ njĩra,

2638:26 Ayub 36:27; Isa 41:18nĩguo mbura yure bũrũri ũtatũũraga mũndũ,

na yure werũ kũrĩa gũtarĩ mũndũ,

2738:27 Thab 104:14nĩguo ĩhũũnagie kũu gũtiganĩrie gũgakira ihooru,

na ĩtũme kũmere nyeki?

28Mbura nĩĩrĩ ithe?

Nũũ mũciari wa matata ma ime?

29Tharunji yumaga nda ya ũ?

Nũũ ũciaraga mbaa ĩrĩa yumaga igũrũ,

30rĩrĩa maaĩ momaga ta ihiga,

rĩrĩa maaĩ marĩa marĩ igũrũ wa iria magwatana?

3138:31 Ayub 9:9“Wee-rĩ, wahota kuohania njata iria thaka cia Kĩrĩmĩra?

Wahota kuohora mĩkanda ya njata iria ciĩtagwo Karaũ?

3238:32 2Ath 23:5; Jer 19:13Wahota kuumagaragia njata iria ciĩtagwo Mazarothu o mahinda maacio maakinya,

kana wahota gũtongoria Nduba na ciana ciayo?

33Nĩũũĩ mawatho ma igũrũ?

No ũhote kũhaanda wathani wa Ngai ũrũme gũkũ thĩ?

3438:34 Ayub 5:10“Wahota kwanĩrĩra nginya mũgambo waku ũkinye matu-inĩ

nĩguo kuure wĩhumbĩre na kĩguũ kĩa maaĩ?

35Wee nĩwe ũtũmaga heni ithiĩ na njĩra ciacio?

Nĩikũrehagĩra ũhoro igakwĩra atĩ, ‘Tũrĩ haha’?

3638:36 Jak 1:5Nũũ waheire ngoro ũũgĩ,

kana akĩhe meciiria ũmenyo?

37Nũũ ũrĩ na ũũgĩ wa gũtara matu?

Nũũ ũngĩhota kũinamia ndigithũ cia maaĩ cia igũrũ

3838:38 Alaw 26:19; 1Ath 18:45rĩrĩa rũkũngũ rwatondora,

nayo ndoro ĩkooma ĩkanyiitana?

3938:39 Kĩam 49:9“Nĩwe ũguĩmagĩra mũrũũthi wa mũgoma wone gĩa kũrĩa,

kana nĩwe ũniinagĩra mĩrũũthi ngʼaragu

40rĩrĩa ĩkomereire imamo-inĩ ciayo,

kana rĩrĩa ĩikaraga yoheirie nyamũ ihinga-inĩ?

4138:41 Math 6:26; Kĩam 8:7Nũũ ũheaga ihuru irio

rĩrĩa tũcui twarĩo tũgũkaĩra Mũrungu

tũkĩũrũũraga nĩ kwaga irio?