อิสยาห์ 27 – TNCV & LCB

Okununulibwa kwa Isirayiri

127:1 a Is 34:6; 66:16 b Yob 3:8 c Zab 74:13Mu biro ebyo,

Mukama Katonda alibonereza n’ekitala kye,

ekitala kye eky’amaanyi, ekikambwe era ekinene,

alibonereza Lukwata omusota ogwekulungula,

Lukwata omusota ogwezinga,

atte n’ogusota gw’ennyanja.

227:2 Yer 2:21Mu biro ebyo

“Yimba oluyimba ku bibala eby’ennimiro ey’emizabbibu ebaze ebibala.

327:3 Is 58:11Nze Mukama Katonda, ennimiro nze ngirabirira

era nze ngifukirira buli kiseera.

Ngikuuma emisana n’ekiro

Waleme kubaawo n’omu agikola akabi.

427:4 Is 10:17; Mat 3:12; Beb 6:8Siri munyiivu.

Singa katazamiti n’amaggwa binnumba,

nandibitabadde mu lutalo?

Byonna nandibyokezza omuliro.

527:5 a Is 25:4 b Yob 22:21; Bar 5:1; 2Ko 5:20Oba si weewaawo ajje gye ndi afune obuddukiro, tutabagane,

weewaawo tutabagane.”

627:6 a Kos 14:5-6 b Is 37:31Mu biro ebijja Yakobo alisimba emirandira,

Isirayiri aliroka n’amulisa

n’ajjuza ensi yonna ebibala.

727:7 Is 37:36-38Mukama amukubye omuggo

ng’akuba abo abaamukuba?

Attiddwa

nga be yatta, bwe battibwa?

827:8 Is 50:1; 54:7Olwanagana naye n’omusobola,

n’omuwaŋŋangusa, omugoba n’okuwuuma okw’amaanyi,

ng’embuyaga ey’ebuvanjuba bw’efuuwa ku lunaku lwayo.

927:9 a Bar 11:27* b Kuv 34:13Ekyo kye kiriggyawo omusango gwa Yakobo,

era ekyo kye kiriba ekibala ekijjuvu ekiriggyawo ekibi kye.

Bw’aliddira amayinja gonna ag’ekyoto okuba amayinja ag’ennoni

agayasiddwayasiddwa,

tewaliba Baasera newaakubadde ebyoto eby’okwoterezaako obubaane

ebirisigala biyimiridde.

1027:10 a Is 32:14; Yer 26:6 b Is 17:2Ddala ddala ekibuga ekyaliko enkomera kaakano matongo,

ekirekeddwa awo ng’eddungu.

Eyo ennyana gy’eriira era gy’egalamira,

n’erya amalagala gonna ku matabi gaago.

1127:11 a Ma 32:28; Is 1:3; Yer 8:7 b Ma 32:18; Is 43:1, 7, 15; 44:1-2, 21, 24 c Is 9:17Amatabi gaakyo bwe gakala,

gamenyebwako, abakazi ne bagakuŋŋaanya ne bagakumisa omuliro.

Bano bantu abatategeera,

eyamukola tamusaasira,

n’eyamutonda tamukwatirwa kisa.

1227:12 a Lub 15:18 b Ma 30:4; Is 11:12; 17:6Mu biro ebyo Mukama alikusengejja okuva mu mazzi agakulukuta ag’Omugga Fulaati okutuuka ku mugga gw’e Misiri we guyiwa, era mmwe abaana ba Isirayiri mulikuŋŋaanyizibwa kinnoomu. 1327:13 a Lv 25:9; Mat 24:31 b Is 19:21, 25Era mu biro ebyo ekkondeere eddene lirivuga, n’abo abaali boolekedde okuzikiririra mu nsi y’e Bwasuli, n’abo abaali baawaŋŋangusizibbwa mu Misiri balikomawo ne basinza Mukama ku lusozi olutukuvu e Yerusaalemi.