O povo de Deus
1Depois vi quatro anjos que estavam nos quatro cantos da Terra, impedindo os quatro ventos de soprarem, de modo que a superfície das águas dos mares estava lisa e nem uma folha se movia nas árvores. 2E vi surgir do oriente um anjo que trazia o selo do Deus vivo. E gritou para os quatro anjos que tinham recebido poder para fazer grandes danos na terra e no mar: 3“Esperem! Não façam ainda nenhum mal, nem à terra, nem ao mar, nem a nenhuma árvore! É preciso que antes tenhamos marcado na testa aqueles que são os servos de Deus.”
4E disseram-me o número dos que foram assinalados dessa maneira: e foram 144 000, das doze tribos do povo de Israel; 5-812 000 por cada uma das tribos: Judá, Rúben, Gad, Aser, Naftali, Manassés, Simeão, Levi, Issacar, Zebulão, José e Benjamim.
A multidão de vestes brancas
9Vi a seguir uma enorme multidão, impossível de contar, de todas as nações, tribos, povos e línguas, diante do trono e do Cordeiro, com roupas brancas e folhas de palmeira nas mãos. 10E diziam em alta voz: “A salvação vem do nosso Deus, que está no trono, e do Cordeiro!”
11E todos os anjos, nessa altura, se encontravam em volta do trono, em volta dos anciãos e dos quatro seres viventes. E inclinando-se até à terra adoraram a Deus. 12E diziam:
“Que assim seja!
Louvor e glória e sabedoria e graças e honra e poder e força
pertencem ao nosso Deus por toda a eternidade. Amém!”
13Nessa altura, um dos vinte e quatro anciãos perguntou-me: “Sabes quem são estes, com roupas brancas, e donde vêm?”
14“Não!”, respondi. “Peço-te que mo digas, pois és tu quem deve sabê-lo.”
E ele disse-me: “Estes são os que vêm da grande tribulação e que lavaram as suas roupas e as tornaram brancas no sangue do Cordeiro. 15É por isso que aqui estão diante do trono de Deus, servindo noite e dia no seu templo. Aquele que está sentado no trono os acolherá. 16E nunca mais terão nem fome, nem sede, e nunca mais sofrerão os ardores do Sol escaldante. 17Porque o Cordeiro que está diante do trono será o seu pastor e os conduzirá às fontes de água da vida. E Deus limpará as lágrimas dos seus olhos.”
144.000 Israelcunatami sellashca
1Chaicunata ricushca qʼuipaca, cai pacha chuscu esquinapi chuscu angelcuna shayacujtami ricurcani. Paicunaca, cai pacha allpaman, mama cucha yacuman, yuracunamanpish ima huaira ama pʼucuchunmi, huaira shamuna chuscu esquinacunapi jarcacurcacuna. 2Causacuj Taita Diospaj sellota apashca shujtaj angeltapishmi, inti llujshin ladomanta huichiyajta ricurcani. Chai angelca, cai pachata, mama cucha yacuta llaquichichun cachashca, caishuj chuscu angelcunatami sinchita caparishpa, 3cashna nirca: «¡Ñucanchij Taita Diosta servijcunata frentepi señalta ñucanchij churangacamaca, cai pachatapish, mama cucha yacutapish, yuracunatapish amaraj ima llaquita ruraichijchu!» nircami.
4Chai huashaca sellashcacunamanta huillajpimi, mashna cashcata uyarcani: ‘Yaya Israelpaj chunga ishqui churicunamanta mirarishca tucui aillucunamantaca, 144.000 sellashcacunami’ nijtami uyarcani.
5Judapaj aillumanta 12.000ta,
Rubenpaj aillumanta 12.000ta.
Gadpaj aillumanta 12.000ta,
6Aserpaj aillumanta 12.000ta,
Neftalipaj aillumanta 12.000ta,
Manasespaj aillumanta 12.000ta,
7Simeonpaj aillumanta 12.000ta,
Levipaj aillumanta 12.000ta,
Isacarpaj aillumanta 12.000ta,
8Zabulonpaj aillumanta 12.000ta,
Josepaj aillumanta 12.000ta,
Benjaminpaj aillumanta 12.000tami sellarca.
Yurajlla churashca achcacunatami ricushca
9Chaita ricushca qʼuipaca, pi mana yupaipaj achcacunatami ricurcani. Chaicunaca, tucui llajtacunamanta, chʼican chʼican aillucunamanta, tucui pueblocunamanta, tucui rimaicunamantapishmi carca. Tucui paicunami, jatun tiyarinapi Tiyacujpaj ñaupajpi, Malta Ovejapaj ñaupajpipish, yurajlla churanata churashca, ramoscunata maquipi aisashca shayacurcacuna. 10Paicunaca:
«¡Jatun tiyarinapi tiyacuj ñucanchij Taita Dios-huan,
Malta Ovejahuanmi ñucanchijtaca quishpichirca!» nishpami, sinchita caparircacuna.
11Shinallataj tucui angelcunami jatun tiyarinapaj, yuyajcunapaj, chuscu causaiyujcunapaj muyundijpi shayacurcacuna. Paicunaca, jatun tiyarinapi Tiyacuj Taita Diostami, pambaman tupajta cumurishpa adorarcacuna. 12Paicunaca:
«¡Chashna cachun!
Ñucanchij Taita Diostaca, huiñai huiñaita allimari cangui,
sumajmari cangui, tucuita yachajmari cangui,
pagui nishcamari cangui, jatunmari cangui,
tucui imatapish jahualla rurai tucujmari cangui.
¡Chashna cachun!» nircacunami.
13Chaimantaca, chai yuyajcunamanta shujmi ñucata tapushpaca:
—¿Chai yurajlla churanata churashcacunaca picunataj, maimantataj shamushca canga?— nirca.
14Chashna nijpi ñucaca:
—Quiquinmari yachangui, apu— nijpi, paica cashnami nirca:
—Caicunaca, jatunta llaquichicunmanta llujshimushcacunamari.
Paicunaca churanacunataca, Malta Ovejapaj yahuarpimari tajshashpa yurajllata rurarcacuna.
15Chaimantami paicunaca,
jatun tiyarinapi tiyacuj Taita Diospaj ñaupajpi
tutapish, punllapish Pai Diospaj huasipi Paita servicuncuna.
Paicunataca, jatun tiyarinapi Tiyacujmi,
Paipaj carpa huasipi huaquichinga.
16Paicunaca, ña mana yaricachingachu, mana yacunachingachu, intipish ña
mana ashtahuan rupachingachu,
ima shujtaj tʼitaipish mana tiyangachu.
17Jatun tiyarina chaupipi caj Malta Ovejami,
paicunataca michinga.
Paicunataca, causaita cuj yacucuna llujshicujmanmari ubyachingapaj pushanga.
Taita Diospish paicunapaj ñahuimantaca,
tucui huiquita pʼichangami— nircami.
