ميخا 2 – NAV & LCB

12:1 Zab 36:4Zibasanze mmwe abateesa okukola ebitali bya butuukirivu

era abateesa okukola ebibi nga bali ku buliri bwabwe;

Obudde bwe bukya ne batuukiriza entegeka zaabwe,

kubanga kiri mu nteekateeka yaabwe.

22:2 a Is 5:8 b Yer 22:17Beegomba ebyalo ne babitwala,

ne beegomba ennyumba nazo ne bazitwala.

Banyigiriza omuntu ne batwala amaka ge olw’amaanyi,

ne bamubbako ebyobusika bwe.

32:3 a Yer 18:11; Am 3:1-2 b Is 2:12Mukama kyava agamba nti,

“Laba, ndireeta akabi ku bantu abo,

ke mutagenda kweggyamu.

Temuliddayo kubeera n’amalala nate

kubanga kiriba kiseera kya mitawaana.

42:4 Yer 4:13Olwo abantu balikusekerera;

Balikuyeeyereza nga bayimba oluyimba luno olw’okukungubaga nti:

‘Tugwereddewo ddala;

ebintu by’abantu bange bigabanyizibbwamu.

Mukama anziggirako ddala ettaka lyange,

n’aliwa abo abatulyamu enkwe.’ ”

52:5 Yos 18:4Noolwekyo tewalisigalawo muntu n’omu mu kuŋŋaaniro lya Mukama,

aligabanyaamu ettaka ku bululu.

62:6 a Mi 6:16 b Am 2:12Bannabbi baabwe boogera nti, “Temuwa bunnabbi,

Temuwa bunnabbi ku bintu ebyo;

tewali kabi kagenda kututuukako.”

72:7 a Zab 119:65 b Zab 15:2; 84:11Ekyo kye ky’okuddamu ggwe ennyumba ya Yakobo?

Olowooza Omwoyo wa Mukama asunguwalira bwereere, si lwa bulungi bwo?

Ebigambo bye tebiba birungi eri abo abakola obulungi?

8Ennaku zino abantu bange bannyimukiddeko

ng’omulabe.

Basika ne bambula eminagiro emirungi

ne baggigya ku migongo gy’abayise ababa beetambulira mu mirembe,

ng’abasajja abakomawo okuva mu lutabaalo.

92:9 Yer 10:20Bakazi b’abantu bange mubagoba

mu mayumba gaabwe amalungi,

abaana baabwe ne mubaggyirako ddala buli mukisa

oguva eri Katonda.

102:10 a Ma 12:9 b Lv 18:25-29; Zab 106:38-39Muyimuke mugende,

kubanga kino tekikyali kiwummulo kyammwe;

olw’ebikolwa ebibi bye mukijjuzza,

kyonoonese obutaddayo kuddaabirizika.

112:11 a Yer 5:31 b Is 30:10Omuntu bw’ajja n’omwoyo ogw’obulimba, n’agamba nti,

“Ka mbabuulire ku ssanyu ly’omwenge gwe baagala era gwe banoonya,”

oyo y’aba nnabbi w’abantu abo.

122:12 Mi 4:7; 5:7; 7:18“Ddala ddala ndibakuŋŋaanya mwenna, ggwe Yakobo;

ndikuŋŋaanya abo abaasigalawo ku Isirayiri.

Ndibakuŋŋaanya ng’akuŋŋaanya endiga ez’omu ddundiro,

ng’ekisibo mu ddundiro lyakyo,

ekifo kirijjula abantu.

132:13 Is 52:12Oyo aggulawo ekkubo alibakulembera okubaggya mu buwaŋŋanguse,

abayise mu mulyango abafulumye.

Era kabaka waabwe alibakulembera,

Mukama alibakulembera.”