ኢሳይያስ 35 – NASV & GKY

Gĩkeno kĩa arĩa Mahonoketio

1Atĩrĩ, werũ ũtarĩ kĩndũ na bũrũri ũrĩa mũũmũ nĩigakena;

werũ nĩũgakena na ũcanũke.

O ta mahũa ma nyeki-inĩ, 235:2 Kĩam 21:6; 1Maũ 27:29werũ nĩũkaruta kĩro kĩingĩ;

nĩũgakena mũno, na wanĩrĩre nĩ gũkena.

Nĩũkaheo riiri o ta wa Lebanoni,

na ũheo ũkengi o ta wa Karimeli, na wa Sharoni;

nĩmakona riiri wa Jehova,

na mone ũkengi wa Ngai witũ.

335:3 Ayub 4:4; Ahib 12:12Ĩkĩrai hinya moko marĩa maregeru,

na maru marĩa maregerete mũtũme marũgame wega;

435:4 Gũcook 20:3; Kũg 22:12andũ arĩa marĩ na guoya ngoro meerei atĩrĩ,

“Mwĩyũmĩrĩriei, tigai gwĩtigĩra;

atĩrĩ, Ngai wanyu nĩagooka,

na agooka na ũhoro wa kũrĩhanĩria;

nĩwe ũgooka na iherithia rĩa Ngai,

ooke kũmũhonokia.”

535:5 Joh 9:6-7; Isa 29:18Hĩndĩ ĩyo maitho ma atumumu nĩmakahingũka,

na matũ ma andũ arĩa mataiguaga macooke kũigua.

635:6 Math 15:30; 2Sam 22:34; Joh 7:38Hĩndĩ ĩyo mũndũ ũrĩa ũthuaga nĩakarũgarũga ta thwariga,

na rũrĩmĩ rũrĩa rũtaaragia rwanĩrĩre nĩ gũkena.

Namo maaĩ nĩmagatherũka kuuma werũ-inĩ,

natuo tũrũũĩ tũtherere werũ-inĩ wa mũthanga.

735:7 Thab 68:6; Ayub 8:11Mũthanga ũrĩa mũhiũ ũgaatuĩka karia ka maaĩ,

nayo thĩ ĩyo ngʼaru ĩtherũke ithima cia maaĩ.

Imamo iria cianakomwo nĩ mbwe-rĩ,

igaakũra nyeki, na ithanjĩ, o na marura.

835:8 Math 7:13-14Nakuo kũu nĩgũkagĩa barabara njariĩ;

nayo ĩgeetagwo Njĩra ĩrĩa Nyamũre.

Andũ arĩa matarĩ atheru matikamĩgera;

ĩgaakorwo ĩrĩ Njĩra ya andũ arĩa mamĩgeraga;

nĩ ũndũ ũcio o na andũ akĩĩgu matikamĩhĩtia.

935:9 Isa 30:6; Thaam 6:6Gũtirĩ mũrũũthi ũgaakorwo njĩra-inĩ ĩyo,

o na kana nyamũ o yothe ndĩani ĩmĩgerere;

nyamũ icio itikoonekana njĩra-inĩ ĩyo.

No rĩrĩ, andũ arĩa makũũrĩtwo nĩo oiki makaamĩgerera,

1035:10 Ayub 19:25; Isa 30:19nao andũ arĩa akũũre a Jehova nĩmagacooka.

Magaatoonya Zayuni makĩinaga;

nao nĩmageekĩrwo thũmbĩ ya gĩkeno gĩa tene na tene.

Magaakena na macanjamũke,

nakĩo kĩeha o na mũcaayo nĩigathira biũ.