መዝሙር 36 NASV - Mattiyu 36 HCB

New Amharic Standard Version

መዝሙር 36:1-12

መዝሙር 36

የኀጥኡ ክፋት፣ የእግዚአብሔር በጎነት

ለመዘምራን አለቃ፤ የእግዚአብሔር ባሪያ የዳዊት መዝሙር

1ክፉውን ሰው፣

በደል በልቡ ታናግረዋለች፤36፥1 ወይም … ኀጢአት ከኀጥእ ይመነጫል

እግዚአብሔርን መፍራት፣

በፊቱ የለም፤

2በደሉ ግልጽ ወጥቶ እንዳይጠላ፣

ራሱን በራሱ እጅግ ይሸነግላልና።

3ከአንደበቱ የሚወጣው የክፋትና የተንኰል ቃል ነው፤

ማስተዋልንና በጎ ማድረግን ትቶአል።

4በመኝታው ላይ ክፋትን ያውጠነጥናል፤

ራሱን በጎ ባልሆነ መንገድ ይመራል፤

ክፋትንም አያርቅም።

5እግዚአብሔር ሆይ፤ ምሕረትህ እስከ ሰማያት ይደርሳል፤

ታማኝነትህም እስከ ጠፈር ይመጥቃል።

6ጽድቅህ እንደ ታላላቅ ተራሮች፣

ፍርድህም እጅግ ጥልቅ ነው፤

እግዚአብሔር ሆይ፤ አንተ ሰውንም እንስሳንም ታድናለህ።

7አምላክ ሆይ፤ ምሕረትህ እንዴት ክቡር ነው!

የሰዎች ልጆች ሁሉ፣

በክንፎችህ ጥላ ሥር መጠጊያ ያገኛሉ።

8ከቤትህ ሲሳይ ይመገባሉ፤

ከበረከትህም ወንዝ ይጠጣሉ።

9የሕይወት ምንጭ ከአንተ ዘንድ ነውና፤

በብርሃንህም ብርሃንን እናያለን።

10ለሚያውቁህ ምሕረትህ፣

ልባቸውም ለቀና ጽድቅህ ዘወትር አይቋረጥባቸው።

11የትዕቢተኛ እግር በላዬ አይምጣ፤

የክፉውም ሰው እጅ አያሳደኝ።

12ክፉ አድራጊዎች እንዴት እንደ ወደቁና እንደ ተጋደሙ፣

ቍልቍልም እንደ ተወረወሩና መነሣት እንደማይችሉ ተመልከት!

Hausa Contemporary Bible

Este capítulo no está disponible momentáneamente. Por favor intente nuevamente luego.