መዝሙር 148 NASV - Mattiyu 148 HCB

New Amharic Standard Version

መዝሙር 148:1-14

መዝሙር 148

ፍጥረተ ዓለም ሁሉ ያመስግን

1ሃሌ ሉያ።148፥1 አንዳንዶች ከቍ 14 ጭምር እግዚአብሔር ይመስገን ይላሉ።

እግዚአብሔርን ከሰማያት አመስግኑት፤

በላይ በአርያም አመስግኑት።

2መላእክቱ ሁሉ አመስግኑት፤

ሰራዊቱ ሁሉ አመስግኑት፤

3ፀሓይና ጨረቃ አመስግኑት፤

የምታበሩ ከዋክብት ሁሉ አመስግኑት።

4ሰማየ ሰማያት አመስግኑት፤

ከሰማያትም በላይ ያላችሁ ውሆች አወድሱት።

5እርሱ ስላዘዘ ተፈጥረዋልና፣

የእግዚአብሔርን ስም ያመስግኑት።

6ከዘላለም እስከ ዘላለም አጸናቸው፤

የማይሻርም ሕግ ደነገገላቸው።

7የባሕር ውስጥ ግዙፍ ፍጥረትና ጥልቅ ውሆች ሁሉ፣

እግዚአብሔርን ከምድር አመስግኑት።

8እሳትና በረዶ፣ ዐመዳይና ጭጋግ፣

ትእዛዙንም የሚፈጽም ዐውሎ ነፋስ፣

9ተራሮችና ኰረብቶች ሁሉ፣

የፍሬ ዛፎችና ዝግቦች ሁሉ፣

10የዱር አራዊትና የቤት እንስሳት ሁሉ፣

በምድር የሚሳቡ ፍጥረታትና የሚበሩ ወፎችም፣

11የምድር ነገሥታትና ሕዝቦች ሁሉ፣

መሳፍንትና የምድር ገዦች ሁሉ፣

12ወጣት ወንዶችና ደናግል፣

አረጋውያንና ልጆች ያመስግኑት።

13ስሙ ብቻውን ከፍ ያለ ነውና፣

ክብሩም ከምድርና ከሰማይ በላይ ነውና፣

እነዚህ ሁሉ የእግዚአብሔርን ስም ያመስግኑ።

14እርሱ ለሕዝቡ ቀንድን148፥14 ቀንድ የጥንካሬ ትእምርት ሲሆን ንጉሥን ያመለክታል። አስነሥቶአል፤

ለቅዱሳኑ ሁሉ ምስጋና፣

እጅግ ቅርቡ ለሆነው ሕዝቡ፣ ለእስራኤል ልጆች።

ሃሌ ሉያ።

Hausa Contemporary Bible

Este capítulo no está disponible momentáneamente. Por favor intente nuevamente luego.