Jesusta huañuchingapaj japinatami yuyarishcacuna
(Mat 26:1-5; Luc 22:1-2; Juan 11:45-53)
1Pascuapi levadura illajlla tandata micuna fiesta punllapajca, ishqui punllacunallami illarca. Chaimantami pushaj curacunapish, Mandashcata yachachijcunapish Jesustaca, ima shinapish umashpalla japishpa huañuchinata mashcarcacuna. 2Chaimantami: «Cai fiesta punllacunapica ama japishunchijchu, gentecunaca imatapish ningallatajmari» ninacurcacunami.
3Jesusca, Betaniapimi leproso nishca Simonpaj huasipi, meźapi tiyacurca. Chaipi tiyacujpimi shuj huarmica, alabastro botellapi mishquiman ashnacuj, achca valij nardo shuti aceiteta apashpa shamurca. Paica alabastro botellata pʼaquishpami, chai aceitetaca Jesuspaj umapi tallirca. 4Chashna rurajpimi, maijancunaca, shungullapi huañurishpa, cashna ninacurca:
—¿Ima nishpataj mishquiman ashnacujtaca cashna yanga tallinchu, imamí? 5Chaitaca, quimsa patsaj yalli denariocunapi cʼatushpamari, huajchacunaman cunchijman carca— nishpami, chai huarmitaca rimarcacuna.
6Ashtahuanpish Jesusca, cashnami nirca:
—Saquichij, ama pʼiñachijchu. Ñucapajca allitamari ruran. 7Huajchacunaca mana illangachu, paicunapaj ima allita rurasha nishpaca, ruracunguichijllami. Ashtahuanpish Ñucataca, mana cancunahuan charicunguichijllachu. 8Cai huarmica, pai rurai tucushcatami rurashca. Ñucata pambanapajmari, Ñuca aichataca ñaupaman allichishca. 9Tucui cai pachapica, maipipish cai alli huillaita huillacushpaca, cai huarmi imata rurashcatapishmi huillangacuna. Chaita uyashpaca, “Allitamari rurashca” ningacunami, chaica chashnatajmari— nircami.
10Chai qʼuipami, chunga ishquipuramanta Judas Iscarioteca, Jesusta japichisha nishpa, pushaj curacunapajman rirca. 11Pai japichisha nijpitajcarinpish paicunaca, achcata cushicushpami, cullquita cushun nircacuna. Chaimantami Judasca, ima shina japichinallata yuyacurca.
Jesusca Pai huañushcata yuyachij micuitami callarichishca
(Mat 26:17-29; Luc 22:7-23; Juan 13:21-30; 1 Cor 11:23-26)
12Levadura illaj tandata micuna fiesta callari punllapica, malta ovejata Diosman cushpa huañuchishpami, Pascua micuita rurajcuna carca. Chaimantami yachacujcunaca:
—Pascua punllapi can micuchunca, ¿maipitaj allichigrichun ningui?— nishpa tapurcacuna.
13Shina nijpimi, Paipaj yachacujcunamanta ishquita cashna nishpa cacharca:
—Jerusalenman richij. Chaiman chayajpica, yacu puñuta aparishca shuj runami tupanga. Paita catishpa ringuichijlla. 14Chai runa mai huasiman yaicujpica, chai huasiyuj runataca: “Ñucanchij Yachachijca: ‘¿Mai ucupitaj Ñuca yachacujcunandij Pascua micuitaca micusha?’ ninmi” ninguichij. 15Chashna nijpica paica, altibajopimi ña allichishca jatun ucuta ricuchinga. Ñucanchij micunapajca chaipi allichicunguichijlla— nishpami cacharca.
16Cachashca yachacujcuna puebloman chayajpica, Jesús nishca shinallataj pajtajpimi, Pascua micuita chaipi allichircacuna.
17Ña tutayamucujpimi, chunga ishqui yachacujcunandij shamurcacuna. 18Ña meźapi micushpa tiyacushpami, Jesusca:
—Ñucahuan micucuj, cancunapurallataj shujmi Ñucata japichinga, chaica chashnatajmi— nircami.
19Chashna nijpica llaquirinacushpami, caishuj chaishuj:
—¿Ñucachu cani?— nijpica, caishujpish —¿Ñucachu cani?— nishpa huashan tapurcacuna.
20Chaimantami Jesusca, cashna nirca:
—Chunga ishquipuramanta shujca, Ñucahuan cai platollapitajmi tandata llutacun. Paimi Ñucata japichinga. 21Runa Aichayujca, Paimanta Quillcashcapi nishca shinallatajmi tucunga. Ashtahuanpish Runa Aichayujta japichij runaca, ¡ai, imachari tucunga! Chai runaca mana huacharishca cashpachari, alli canman carca— nircami.
22Micucushpami Jesusca tandata japishpa, Diosta pagui nishpaca, chaupishpa cushpaca:
—Japichij, caica Ñuca aichami— nirca.
23Shinallataj ubyanatapish japishpa, Diosta pagui nishpa cujpica, chaitapish tucuicunami ubyarcacuna. 24Chaita ubyacujpimi cashna nirca:
—Caica, achcacunata quishpichingapaj, ari ninacushca mushuj ruranamanta jichana Ñuca yahuarta ricuchijmi. 25Dios mandacujpi ubyana punllacama uvas vinotaca, cutinca mana ubyashachu. Chaica chashnatajmi— nircami.
26Salmocunata cantashca qʼuipami, Olivos urcuman llujshircacuna.
Jesusca Pedro Paita ‘Mana rijsinichu’ ninatami huillashca
(Mat 26:30-35; Luc 22:31-34; Juan 13:36-38)
27Chaipimi Jesusca, cashna nirca:
—Cunan tutaca, tucuicunami Ñucataca shitahuanguichij. Dios Quillcachishcapica: “Michijtaca chugrichishami, ovejacunaca caita chaitami ringacuna” nicunmi. 28Ashtahuanpish causarishca qʼuipaca, cancunapaj ñaupami Galileaman risha— nircami.
29Chashna nijpimi, Pedroca:
—Tucuicuna pʼiñarishpa saquijpipish, ñucatajca manataj saquishachu— nircami.
30Shina nijpi, Jesusca:
—Cancarin cunan tutallatajmi, gallo ishqui cutin cantanapajca, quimsa cutin Ñucataca, “Mana rijsinichu” ningui— nircami.
31Ashtahuan sinchiyarishpami, Pedroca:
—Quiquinhuan huañuna cashpapish, ñucatajca manataj chashna nishachu— nirca.
Pai chashna nijpica, caishujcunapish, tucuicunami chashnallataj nircacuna.
Getsemaní huertapimi Jesús Diosta mañashca
(Mat 26:36-46; Luc 22:39-46)
32Chai qʼuipami, Getsemaní huertaman chayamurcacuna. Chaipimi Jesusca, Paipaj yachacujcunataca: «Diosta Ñuca mañangacama, caillapi tiyacuichij» nircami.
33Shina nishpa Pedrota, Jacobota, Juantapish pushashpaca, achcata llaquirishpami chujchui callarirca. 34Chaimantami paicunataca: «Ñuca almaca llaquihuan huañucunmari. Caillapi chaparashpa shuyacuichij» nircami.
35Jesusca chaimanta ashallata rishpaca, pambacama cumurishpami, ‘Ñuca apana cai llaquitaca, ima shinamanta anchuchinguimanpishchari’ nishpa, Diosta cashna mañarca: 36«“¡Abba! Ñuca Yayito, Quiquinpajca tucui imapish jahuallami. Cai ubyanataca, Ñucamanta anchuchipai. Ñuca shina nijpipish, ama Ñuca munashca shinaca rurapaichu, Can munashca shina rurapailla”» nircami.
37Chai qʼuipa tigramushpaca, dormicujta japishpami, Pedrotaca cashna nirca: «Simón, ¿dormicunguillachu? ¿Manachu ashallatapish rijcharishca cai tucungui? 38Mana alli yuyaicuna ama japichun chaparaichij, mañaraichij. Cancunapaj espirituca mañanata yuyacunmari, ashtahuanpish aichapica shaicushcamari canguichij» nircami.
39Cutin mañanaman rishpaca, ñaupaman nishca shinallatajmi mañarca. 40Chaimanta tigramushpaca, cutinllatajmi dormicujta japirca. Dorminaihuan ñahuicunapish huichcaricujpimi, imata mana ni tucurcacuna. 41Caihuanca, ña quimsa cutin tigramushpaca, cashnami nirca: «Cancunatajca, dormicunguichij, samaricunguichijllami. Riquichij, ñamari Runa Aichayujtaca juchayujcunapaj maquipi churana pajtamushca. 42¡Jatarichij! ¡Jacuchij! ¡Ñucata japichij runaca, ñami chayamucun!» nircami.
Jesustaca Judasmi japichishca
(Mat 26:47-56; Luc 22:47-53; Juan 18:2-11)
43Jesús rimacujpirajmi, Judasca ña chayamurca. Paica, chunga ishquipuramanta shujmi carca. Paihuanca, achca runacunami espadacunahuan, caspicunahuan shamurcacuna. Paicunaca pushaj curacuna, Mandashcata yachachijcuna, cunaj yuyajcuna cachajpimi shamurcacuna. 44Jesusta japichijca: «Maijantami ñuca muchani, chaita ricuranguichij. Paitaca japishpa, alli charirashpa apanguichijlla» nishpami yachachishca carca.
45Ña chayamushpaca, Jesuspajman cʼuchuyashpami:
—Yachachij, Yachachij— nishpa mucharca.
46Chaita ricushpaca, huaicashpami japircacuna. 47Ashtahuanpish chaipi cajcunamanta shujca, espadata surcushcahuanmi, curacunata mandaj curapaj servijtaca, shuj rinrinta pʼitirca. 48Cutin Jesusca, cashnami nirca:
—¿Ñucataca shuhuata shinachu espadacunahuan, caspicunahuan japij shamunguichij? 49Illu Diospaj huasipica, punllantamari cancunataca yachachicurcani. Chaipica mana japircanguichijca. Ashtahuanpish Dios Quillcachishca pajtachunmi, chashnaca ruranguichij— nircami.
50Chashna nijpica tucui yachacujcuna, shitashcahuanmi miticushpa rircacuna. 51Shuj mosoca, linsohuan pillurishcallami, Jesusta caticushca carca. Paitapish japircacunami. 52Ashtahuanpish paica, pillurishca linsota shitashpami, lluchulla miticugrirca.
Tandanacushca mandajcunapajmanmi Jesusta apashcacuna
(Mat 26:57-68; Luc 22:54-55; Juan 18:12-14, 19-24)
53Jesustaca, curacunata mandajpajmanmi pushamurcacuna. Chaimanca, pushaj curacunapish, cunaj yuyajcunapish, Mandashcata yachachijcunapishmi tandanacurcacuna. 54Pedroca, huasha huashalla catishpami, curacunata mandaj curapaj huasi canllacama rirca. Chaipimi, huasita cuidajcunahuan tandalla ninapi cunushpa tiyacurca.
55Pushaj curacunapish, tucui tandanacushca mandajcunapish, Jesusta huañuchingapajmi, ima juchachina shinata pi ricushca uyashca cashpaca huillachun mashcarcacuna. Ashtahuanpish imata mana juchachi tucurcacunachu. 56Achcacuna llullashpalla Jesusta juchachishpapish, shujta shujtami nircacuna. 57Chaimantami shujcunaca, ñapish shayarishpa, cashna llullashpa juchachircacuna:
58—Ñucanchijca: “Diosta yuyaringapaj maquillahuan rurashca cai huasitaca urmachishami. Chaipaj randica, shujtajtami quimsa punllallapi shayachisha. Chaitaca, mana maquihuan rurashachu” nijtami uyarcanchij— nircacunami.
59Chashna huillashpapish, manataj shujlla yuyaiman chayarcacunachu. 60Chaimantami curacunata mandaj curaca, chaupipi shayarishcahuan Jesustaca:
—Canta cai tucuita juchachicujpipish, ¿manachu imata cutichingui?— nishpami tapurca.
61Ashtahuanpish Paica, imata mana nircachu. Curacunata mandajca cutinllatajmi:
—¿Canca, sumaj Diospaj Churi, Quishpichij Cristochu cangui?— nishpa tapurca.
62Chashna nijpimi Jesusca:
—Ñucaca, chaitajmi cani. Runa Aichayuj Ñucataca, Tucuita Rurai Tucuj Diospaj alli ladopi tiyacujtapish, jahua pachamanta pʼuyupi shamucujtapishmi ricunguichij— nircami.
63Shina nijpica, curacunata mandajca, paipaj quiquin churanata lliquishpami cashna nirca:
—Paita juchachishpa, pi shujtaj huillajcunataca, ña mana ninchijchu. 64Dios tucushpa chashna rimaricujtaca, cancunapaj rinrinhuantajmi uyashcanguichij. Cunanca, ¿imatataj yuyanguichij?— nircami.
Chashna nijpica tucuicunami: “¡Cai runaca huañunatajmi can!” nishpa juchachircacuna.
65Chaimantami maijancunaca, Jesusta ñahuipi chʼucashpa, linsohuan ñahuita huatashpa huajtarcacuna.
Chaimantaca:
—Huillaiari, ¿maijantaj huajtanchij?— nircacunami.
Huasita cuidajcunapish, ñahuipi huajtarcacunami.
Pedromi Jesustaca ‘Mana rijsinichu’ nishca
(Mat 26:69-75; Luc 22:56-62; Juan 18:15-18, 25-29)
66Pedro huasi canllapi cajpimi, curacunata mandaj curapaj servij huarmicunamanta shujca shamurca. 67Paica, Pedro cunucujta ricushpami, paipaj ñahuita chaparashpa:
—Canpish, Nazaretmanta Jesus-huanmari puricurcangui— nirca.
68Ashtahuanpish Pedroca:
—Pipishchari, mana rijsinichu. Imatapishchari nicungui, mana yachanichu— nircami.
Chashna nishpa huasi canlla punguman llujshijpica, galloca cantarcallami. 69Chai huarmillataj cutin ricushpaca:
—Cai runaca paicunapuratajmari— nishpami, chaipi cajcunaman huillai callarirca.
70Pedropish cutinllatajmi, ‘Mana rijsinichu’ nirca. Chai qʼuipallami, chaipi cajcunaca cutintaj Pedrotaca:
—Cashcatatajmari nicunchij, canpish paicunapuratajmari cangui. Rimaipish rijsinallamari, galileocuna shinallatajmari rimangui— nircacuna.
71Chaimantami Pedroca:
—Ñuca llullajpica, ima llaquipish japichunlla. ¡Chai runataca mana rijsinichu, pitapishchari nicunguichij, mana rijsinichu!— nircami.
72Pedro chashna nicujpica, galloca ñapish cati cuti cantarcallami. Chaipimi Pedroca: «Gallo cati cuti cantanapajca, quimsa cutinmi Ñucataca ‘Mana rijsinichu’ nihuangui» nishpa, Jesús nishcata yuyarirca. Chaita yuyarishpami, Pedroca huacacurca.
謀害耶穌
1再過兩天就是逾越節和除酵節，祭司長和律法教師正暗暗地找機會拘捕、殺害耶穌。
2他們說：「我們不能在節期那天下手，以免在百姓中引起騷亂。」
耶穌受膏
3耶穌在伯大尼村患過痲瘋病的西門家裡吃飯，有個女人帶了一瓶極貴重的純哪噠香膏進來，把玉瓶打破，將香膏倒在耶穌頭上。 4有些人生氣地彼此議論說：「為什麼這樣浪費？ 5這瓶香膏可以賣三百多個銀幣14·5 「三百多個銀幣」相當於當時人們一年的工錢。來賙濟窮人。」他們就責備那女人。
6耶穌說：「隨她吧！何必為難她呢？她在我身上做的是一件美事。 7因為你們身邊總會有窮人，你們隨時都可以幫助他們，可是你們身邊不會總有我。 8她做了自己能做的。她是為我的安葬做準備，提前用香膏抹了我的身體。 9我實在告訴你們，無論福音傳到世界哪個角落，人們都會傳揚這女人的事蹟，紀念她。」
猶大出賣耶穌
10十二門徒當中的加略人猶大去見祭司長，要把耶穌出賣給他們。 11他們聽了喜出望外，答應給他酬金。於是猶大伺機出賣耶穌。
最後的晚餐
12除酵節的第一天，就是宰殺逾越節羔羊的那天，門徒問耶穌：「我們該到什麼地方為你準備逾越節的晚餐呢？」
13耶穌就派了兩個門徒，並囑咐他們：「你們進城會看到一個人帶著一瓶水迎面而來，你們就跟著他。 14他進哪一家，你們也跟著進去，對那家的主人說，『我們的老師問你，祂的客房在哪裡，祂要和門徒在裡面吃逾越節的晚餐。』 15主人會帶你們到樓上一間布置整齊的大房間，你們就在那裡準備吧。」
16兩個門徒出去，進了城，所遇見的果然和耶穌所說的一樣。他們預備了逾越節的晚餐。
17傍晚時分，耶穌帶著十二門徒來了。 18用餐的時候，耶穌說：「我實在告訴你們，你們中間有一個人要出賣我，他現在正和我同桌吃飯。」
19他們聽了都感到不安，一個一個地問耶穌：「不是我吧？」 20耶穌說：「是你們十二個人中的一個，他現在正和我一起在盤子裡蘸餅吃。 21人子一定會受害，正如聖經的記載，但出賣人子的人有禍了，他還不如不生在這世上！」
22他們吃的時候，耶穌拿起餅來，祝謝後，便掰開，分給門徒，說：「拿去吃吧！這是我的身體。」 23接著又拿起杯來，祝謝後，遞給他們，他們都喝了。 24耶穌說：「這是我為萬人所流的立約之血。 25我實在告訴你們，從今天起，一直到我在上帝的國喝新酒的那天之前，我不會再喝這葡萄酒。」
26他們唱完詩歌，就出門去了橄欖山。
預言彼得不認主
27耶穌對他們說：「你們都要背棄我，因為聖經上說，
『我要擊打牧人，
羊群將四散。』
28但我復活後，要先你們一步去加利利。」
29彼得說：「即使所有人都背棄你，我也決不會背棄你！」
30耶穌說：「我實在告訴你，就在今天晚上雞叫兩次以前，你會三次不認我。」
31彼得鄭重地說：「就算要我跟你一起死，我也不會不認你。」其他門徒也都這樣說。
客西馬尼園的禱告
32他們到了客西馬尼園，耶穌對門徒說：「你們坐在這裡，我要去禱告。」
33於是耶穌帶著彼得、雅各和約翰向前走。祂覺得極其難過，非常傷痛， 34說：「我心裡非常憂傷，幾乎要死，你們留在這裡警醒。」 35耶穌往前走了不遠，俯伏在地禱告，如果可以，不要讓那時刻臨到祂。
36祂說：「阿爸，父啊，你無所不能，求你撤去此杯。然而，願你的旨意成就，而非我的意願。」
37祂回來，見他們都睡著了，就對彼得說：「西門，你在睡覺嗎？你不能警醒一時嗎？ 38你們要警醒禱告，免得陷入誘惑。你們的心靈雖然願意，肉體卻很軟弱。」
39耶穌又去禱告，所祈求的跟上次一樣。 40祂回來時見他們又睡著了，因為他們睏得眼皮發沉，也不知道對祂說什麼。 41祂第三次禱告回來後，對他們說：「你們還在睡覺休息嗎？夠了，時候到了，看啊，人子要被出賣、交在罪人的手裡了。 42起來，我們走吧。看啊，出賣我的人已經來了！」
耶穌被捕
43耶穌還在說話的時候，十二門徒之一的猶大已帶了一群人拿著刀棍迎面而來。他們奉了祭司長、律法教師和長老之命來捉拿耶穌。 44出賣耶穌的猶大預先和他們定了暗號，說：「我親吻誰，誰就是耶穌，你們把祂抓起來，小心押走。」
45猶大隨即走到耶穌跟前說：「老師。」然後就親吻耶穌。 46其他人就下手捉拿耶穌。 47站在旁邊的一個門徒拔出刀朝大祭司的奴僕砍去，削掉了他一隻耳朵。
48耶穌問那群人：「你們像對付強盜一樣拿著刀棍來抓我嗎？ 49我天天和你們在一起，在聖殿裡教導人，你們沒有來抓我。你們現在這樣做是要應驗聖經的話。」
50那時，門徒都撇下耶穌，各自逃命去了。 51只有一個身上披著一塊麻布的青年跟著耶穌。他們上去捉他， 52他丟了那塊麻布，赤身逃走了。
大祭司審問耶穌
53他們把耶穌押到大祭司那裡，眾祭司長、長老和律法教師都來了。 54那時彼得遠遠地跟著耶穌，一直來到大祭司的院子，與衛兵們坐在一起烤火。 55祭司長和全公會的人正在尋找證據控告耶穌，要定祂死罪，只是找不到。 56不少人作偽證控告祂，他們的證詞卻不一致。 57後來，有幾個人站起來作偽證說： 58「我們聽見祂說，『我要拆毀這座人手建造的聖殿，三天內不靠人力另造一座。』」 59即使這樣，他們的證詞也不一致。
60最後，大祭司在眾人面前站起來質問耶穌：「你不回答嗎？這些人作證控告你的是什麼呢？」
61耶穌還是沉默不語，什麼也不答。大祭司又問祂：「你是那當受稱頌者的兒子基督嗎？」 62耶穌說：「我是！將來你們要看見人子坐在全能上帝的右邊，駕著天上的雲降臨。」
63大祭司便撕裂衣服，說：「我們還需要什麼證人呢？ 64你們聽見祂說褻瀆的話了，你們看怎麼辦？」他們都判祂死罪。
65有幾個人向祂吐唾沫，蒙上祂的眼睛，揮拳打祂，嘲笑祂說：「你說預言吧！」衛兵押祂下去時，也打祂。
彼得三次不認耶穌
66那時，彼得仍在院子裡，大祭司的一個婢女走過來， 67見彼得在烤火，打量了他一番，說：「你也是那個拿撒勒人耶穌的同夥。」
68「我不知道也不明白你在說什麼！」彼得一邊否認，一邊躲到外院去。那時，雞叫了。
69一會兒，那婢女又看見彼得，就對旁邊的人說：「他是跟他們一夥的！」 70彼得又加以否認。
再過了一會兒，旁觀的人也指著彼得說：「你一定是跟他們一夥的，因為你也是加利利人！」
71彼得又賭咒又發誓，說：「我根本不認識你們說的這個人。」 72就在這時候，雞又叫了。彼得突然想起耶穌曾對他說：「在雞叫兩次以前，你會三次不認我」，忍不住痛哭起來。
