Babilonia jatun pueblomi urmashca
1Chaita ricushca qʼuipaca, jahua pachamanta shujtaj angeltami, imatapish rurai tucuj uriyamucujta ricurcani. Chai angelca, achijlla shamushpami, cai pachatapish achijyachirca. 2Paica, sinchita caparishpami, cashna nirca:
«Babilonia jatun puebloca urmashcamari, urmashcamari.
Supaicuna causana huasi,
mapayachij espiritucuna paca tucushpa tiyana,
pʼiñana, millanana pajarocuna tʼaźinashpa causanapajllamari saquirishca.
3Tucui llajtacunamari, yuyai chingachishpa huainayachij vinotaca,
chai huarmipaj maquimanta ubyarcacuna.
Cai pacha jatun mandajcunapish,
paihuanmi huainayashpa causarcacuna.
Cai pachapi randishpa cʼatushpa purijcunapish,
chai huarmi tucui laya achca sumajcunata randijpimi,
paiman cʼatushpa achcata charijyarcacuna» nircami.
4Chai qʼuipaca, jahua pachamantaca shujtajmi cashna nirca:
«Ñuca agllashcacuna, chai pueblomanta llujshimuichij.
Chaimanta llujshishpami,
paicuna rurashca juchacunatapish mana ruranguichij,
paicunata japij llaquicunatapish mana apana tucunguichij.
5Chai huarmipaj juchacunaca,
jahua pachacamami chayashca.
Chai huarmi millaita rurashcacunatami,
Taita Diosca yuyarishca.
6Chai huarmimanca, cancunaman pai cushca shinallataj cuichij,
pai rurashcamantaca chaupihuan yallitapish tigrachichij.
Cancunaman ubyachingapaj pai chagrushpa allichij cashca vasollapitaj,
paimancarin ashtahuan ubyanacunata chagrushpa ubyachichigari.
7Paica, jatun tucushpa, munarishcata rurashpami,
achcata cushicushpa causarca.
Cunanca, chai shinallataj jatunta llaquichishpa huacachichigari.
Paipaj shungupica:
“Ñucaca, jatun mandaj huarmi shinamari mandashpa tiyacuni.
Ashta mana viuda huarmichu cani.
Imamanta huacanata mana charishachu” nirishpami tiyacun.
8Chaimanta paitaca, shuj punllallapimi,
paita japina cai tucui llaquicuna japinga:
Ungüicuna, llaquicuna, yaricaimi japinga.
Paitaca, ninahuan rupachishpami tucuchinga.
Pai imallata rurashcamanta juchachij Mandaj Taita Diosca,
Tucuita Rurai Tucuj cashpami, chashna llaquichinga» nircami.
9Chai huarmihuan huainayashpa, achcata cushicushpa causacuj, cai pacha jatun mandajcunapish, paita rupachishca cushni llujshicujta ricushpaca, jatunta llaquirishpami huacangacuna. 10Chai llaquita manchashcamanta, paicunaca carullamanta ricushpami:
«¡Ai, ai, jatun sinchi Babilonia pueblolla!
¡Shuj horasllapimari, canta llaquichinaca chayamushca!» ningacunami.
11Shinallataj cai pachapi randishpa cʼatushpa purijcunaca, paicuna apamushcata pi randij ña mana tiyajpimi, chai pueblomantaca jatunta llaquirishpa huacangacuna. 12Paicunaca: Curita, cullquita, sumaj rumicunata, sumaj perlasta, alli lino linsocunata, sedata, morado, puca linsocunatapish, mishquita ashnaj chʼican chʼican caspicunatapish, marfilmanta rurashca tucui laya sumajcunata, alli caspicunamanta rurashca tucui laya sumajcunata, cobreta, fierrota, marmolta, 13canelata, mishquita ashnacujcunata, inciensota, mirrata, olíbano nishcata, vinota, aceiteta, ashtahuan ñutu cutata, trigota, huagracunata, ovejacunata, caballocunata, carrocunata, randishca gentecunatapishmi, almandij cʼatungapaj apamujcuna carca.
14Paicunaca, chai pueblotaca: «Can tucuita yalli munashca sumaj micunataca, ña mana micunguichu. Achcata charishcatapish, sumajta cushicunatapish canca tucuimari chingachishcangui, cunanca ña manataj cutinca japinguichu» ningacunami.
15Tucui chaicunata cʼatushpa, randishpa chai pueblopi achcata charijyajcunaca, chai llaquita manchashcamanta carullamanmi jatunta llaquirishpa, caparirishpa huacashpa shayacungacuna.
Paicunaca, cashnami ningacuna:
16«¡Ai, ai, chai jatun pueblolla!
Alli lino churanata, morado, amsa puca churanacunata churashca,
curihuan, sumaj rumicunahuan, sumaj perlas-huanpish sumajyachishpa allichirishcami carca.
17Pai achcata charishcacunaca, shuj horallapimari tucui chingarishca» ningacunami.
Shinallataj barcocunata purichijcunata mandajcunapish, barcopi purijcunapish, jatun barcota purichijcunapish, mama cuchapi imacunata rurajcunapish carullamanmi shayarircacuna. 18Chai jatun pueblo rupacuj cushnita ricushpaca: «¿Ima shujtaj pueblotaj cai jatun pueblo shinaca tiyarcari?» nishpami caparircacuna. 19Chashna jatunta llaquirishpami, allpata umapi shitarishpa, pechopi huajtarishpa:
«¡Ai, ai, chai jatun pueblolla!
Pai achcata charishcahuanmari, mama cuchapi jatun barcocunahuan purijcunapish achcata charijyarcacuna.
¡Cungaimantamari ñapish tucui shitashca saquirishca!» nishpa huacarcacuna.
20¡Chai pueblo chashna tucushcamantaca, jahua pachapish,
cancunapish, Diospajlla cajcunapish, huillagrichun mingashcacunapish, Dios ima nishcata huillajcunapish, cushicuichij!
¡Cancunata llaquichishcamantami, Taita Diosca cancunamanta shayarishpa, paitapish chashna llaquichishca!
21Chai qʼuipaca, imatapish rurai tucuj angelmi, molino rumi shina jatun rumita marcashpa, cashna nishpa mama cuchapi shitarca:
«Babilonia jatun pueblolla,
canpish cai rumita shinallatajmi shitashca cangui.
Chaimantaca, cutinca manataj ricuringuichu.
22Cai pueblopica, arpapi tocajcunapish,
flautapi tocajcunapish, trompetapi tocajcunapish
ña manataj ashtahuan uyaringachu.
Canpi causacuj tucui imata rurajcunapish
ña mana ashtahuan tiyangachu,
molino cutashcapish ña manataj ashtahuan uyaringachu.
23Caipica, achijyachij lamparacunapish,
ña mana ashtahuanca tiyangachu.
Novio, novia caźarashpa cushicushcapish,
ña manataj ashtahuan uyaringachu.
Ñaupaca, caipi randishpa, cʼatushpa causajcunami,
tucui llajtacunata yalli charijcuna carca.
Canca brujiashpami,
tucui llajtacunapi causajcunata umashpa causarcangui.
24Dios ima nishcata huillajcunapaj yahuarpish,
Diospajlla cajcunapaj yahuarpish,
tucui cai pachapi huañuchishcacunapaj yahuarta jichashcapish,
canpica ricunallami siricun» nircami.
Weeping When Babylon Falls
1After these things I saw another angel coming down from heaven. He had great authority. His glory filled the earth with light. 2With a mighty voice he shouted,
“ ‘Fallen! Babylon the Great has fallen!’ (Isaiah 21:9)
She has become a place where demons live.
She has become a den for every evil spirit.
She has become a place where every ‘unclean’ bird is found.
She has become a place where every ‘unclean’ and hated animal is found.
3All the nations have drunk
the strong wine of her terrible sins.
The kings of the earth took part in her evil ways.
The traders of the world grew rich from her great wealth.”
Warning to Run From Babylon’s Judgment
4Then I heard another voice from heaven. It said,
“ ‘Come out of her, my people.’ (Jeremiah 51:45)
Then you will not take part in her sins.
You will not suffer from any of her plagues.
5Her sins are piled up to heaven.
God has remembered her crimes.
6Do to her as she has done to others.
Pay her back double for what she has done.
Pour her a double dose of what she has poured for others.
7Give her as much pain and suffering
as the glory and wealth she gave herself.
She brags to herself,
‘I rule on a throne like a queen.
I am not a widow.
I will never mourn.’ (Isaiah 47:7,8)
8But she will be plagued by death, sadness and hunger.
In a single day she will suffer all these plagues.
She will be burned up by fire.
That’s because the Lord God who judges her is mighty.
How Terrible When Babylon Falls!
9“The kings of the earth who committed terrible sins with her will weep. They will mourn because they used to share her riches. They will see the smoke rising as she burns. 10They will be terrified by her suffering. They will stand far away from her. And they will cry out,
“ ‘How terrible! How terrible it is for you, great city!
How terrible for you, mighty city of Babylon!
In just one hour you have been destroyed!’
11“The traders of the world will weep and mourn over her. No one buys what they sell anymore. 12Here is what they had for sale.
“Gold, silver, jewels, pearls.
Fine linen, purple, silk, bright red cloth.
Every kind of citron wood.
All sorts of things made out of ivory, valuable wood, bronze, iron, marble.
13Cinnamon, spice, incense, myrrh, frankincense.
Wine, olive oil, fine flour, wheat.
Cattle, sheep, horses, carriages, and human beings sold as slaves.
14“The merchants will say, ‘The pleasure you longed for has left you. All your riches and glory have disappeared forever.’ 15The traders who sold these things became rich because of Babylon. When she suffers, they will stand far away. Her suffering will terrify them. They will weep and mourn. 16They will cry out,
“ ‘How terrible! How terrible it is for you, great city,
dressed in fine linen, purple and bright red!
How terrible for you, great city, gleaming with gold, jewels and pearls!
17In just one hour your great wealth has been destroyed!’
“Every sea captain and all who travel by ship will stand far away. So will the sailors and all who earn their living from the sea. 18They will see the smoke rising as Babylon burns. They will ask, ‘Was there ever a city like this great city?’ 19They will throw dust on their heads. They will weep and mourn. They will cry out,
“ ‘How terrible! How terrible it is for you, great city!
All who had ships on the sea
became rich because of her wealth!
In just one hour she has been destroyed!’
20“You heavens, be glad for this!
You people of God, be glad!
You apostles and prophets, be glad!
God has judged her
with the judgment she gave to you.”
Babylon’s Judgment Is Final
21Then a mighty angel picked up a huge rock. It was the size of a large millstone. He threw it into the sea. Then he said,
“That is how
the great city of Babylon will be thrown down.
Never again will it be found.
22The songs of musicians will never be heard in you again.
Gone will be the music of harps, flutes and trumpets.
No worker of any kind
will ever be found in you again.
The sound of a millstone
will never be heard in you again.
23The light of a lamp
will never shine in you again.
The voices of brides and grooms
will never be heard in you again.
Your traders were among the world’s most important people.
By your magic spell all the nations were led astray.
24You were guilty of the murder of prophets and God’s holy people.
You were guilty of the blood of all who have been killed on the earth.”
