Zabbuli 79 – Luganda Contemporary Bible LCB

Luganda Contemporary Bible

Zabbuli 79:1-13

Zabbuli 79

Zabbuli ya Asafu.

179:1 a Zab 74:2 b 2Bk 25:9Ayi Katonda omugabo gwo gulumbiddwa amawanga;

boonoonye yeekaalu yo entukuvu ne Yerusaalemi kizikiriziddwa,

ne kifuuka entuumo.

279:2 Ma 28:26; Yer 7:33Emirambo gy’abaweereza bo bagifudde

mmere ya nnyonyi ez’omu bbanga,

n’emibiri gy’abatukuvu bo giweereddwa ensolo ez’omu nsiko.

379:3 Yer 16:4Omusaayi gwabwe ne guyiibwa ng’amazzi

okwetooloola Yerusaalemi,

so nga abafudde tewali muntu abaziika.

479:4 Zab 44:13; 80:6Baliraanwa baffe batuyisaamu amaaso,

era tufuuse ekisekererwa eri abo abatwetoolodde.

579:5 a Zab 74:10 b Zab 74:1; 85:5 c Ma 29:20; Zab 89:46; Zef 3:8Ayi Mukama olitusunguwalira kutuusa ddi, nnaku zonna?

Obuggya bwo bunaabuubuukanga ng’omuliro?

679:6 a Zab 69:24; Kub 16:1 b Yer 10:25; 2Bs 1:8 c Zab 14:4Obusungu bwo bubuubuukire ku mawanga

agatakumanyi,

ne ku bwakabaka

obutakoowoola linnya lyo.

7Kubanga bazikirizza Yakobo,

ne basaanyaawo ensi ye.

879:8 a Is 64:9 b Zab 116:6; 142:6Totubalira kibi kya bajjajjaffe;

tukusaba oyanguwe okutusaasira

kubanga tuli mu bwetaavu bungi nnyo.

979:9 a 2By 14:11 b Zab 25:11; 31:3; Yer 14:7Tuyambe olw’ekitiibwa ky’erinnya lyo,

Ayi Katonda ow’obulokozi bwaffe;

otuwonye era otutangiririre olw’ebibi byaffe

olw’erinnya lyo.

1079:10 a Zab 42:10 b Zab 94:1Lwaki abamawanga babuuza nti,

“Katonda waabwe ali ludda wa?”

Kkiriza okuwalana eggwanga olw’omusaayi gw’abaweereza bo ogwayiyibwa,

kumanyibwe mu mawanga gonna nga naffe tulaba.

11Wuliriza okusinda kw’omusibe;

okozese omukono gwo ogw’amaanyi

owonye abo abasaliddwa ogw’okufa.

1279:12 a Is 65:6; Yer 32:18 b Lub 4:15Ayi Mukama, baliraanwa baffe abakuduulira,

bawalane emirundi musanvu.

1379:13 a Zab 74:1; 95:7 b Zab 44:8Kale nno, ffe abantu bo era endiga ez’omu ddundiro lyo,

tulyoke tukutenderezenga emirembe gyonna;

buli mulembe gulyoke gukutenderezenga emirembe gyonna.