Zabbuli 38
Zabbuli ya Dawudi, ey’okujjukiza.
138:1 Zab 6:1Ayi Mukama tonnenya ng’okyaliko obusungu,
oba okunkangavvula ng’oliko ekiruyi.
238:2 Yob 6:4; Zab 32:4Kubanga obusaale bwo bunfumise,
n’omuggo gwo gunkubye nnyo.
338:3 Zab 6:2; Is 1:6Obusungu bwo bundwazizza nzenna,
n’amagumba gange gonna gansagala olw’ebyonoono byange.
438:4 Ezr 9:6Omusango gwe nzizizza guyitiridde,
gunzitoowerera ng’omugugu omunene oguteetikkika.
538:5 Zab 69:5Ebiwundu byange bitanye era biwunya,
olw’okwonoona kwange okw’obusirusiru.
638:6 Yob 30:28; Zab 35:14; 42:9Nkootakoota era mpweddemu ensa,
ŋŋenda nsinda obudde okuziba.
738:7 Zab 102:3Omugongo gunnuma nnyo,
ne mu mubiri gwange temukyali bulamu.
838:8 Zab 22:1Sikyalimu maanyi era nzenna mmenyesemenyese;
nsinda buli bbanga olw’obulumi mu mutima.
938:9 Yob 3:24; Zab 6:6; 10:17Mukama, bye neetaaga byonna obimanyi,
n’okusinda kwange okuwulira.
1038:10 a Zab 31:10 b Zab 6:7Omutima gumpejjawejja, amaanyi gampweddemu;
n’okulaba sikyalaba.
1138:11 Zab 31:11Mikwano gyange ne be nayitanga nabo banneewala olw’amabwa gange;
ne bannange tebakyansemberera.
1238:12 a Zab 140:5 b Zab 35:4; 54:3 c Zab 35:20Abaagala okunzita bantega emitego,
n’abo abangigganya bateesa okummalawo.
Buli bbanga baba bateesa kunkola kabi.
13Ndi ng’omuggavu w’amatu, atawulira;
nga kiggala, atayogera.
14Nfuuse ng’omuntu atalina ky’awulira,
atasobola kwanukula.
1538:15 a Zab 39:7 b Zab 17:6Ddala ddala nnindirira ggwe, Ayi Mukama,
onnyanukule, Ayi Mukama Katonda wange.
1638:16 a Zab 35:26 b Zab 13:4Tobakkiriza kunneeyagalirako,
oba okunneegulumirizaako ng’ekigere kyange kiseeredde.
17Kubanga nsemberedde okugwa,
era nga nnumwa buli kiseera.
1838:18 Zab 32:5Ddala ddala njatula ebyonoono byange;
nnumirizibwa ekibi kyange.
1938:19 a Zab 18:17 b Zab 35:19Abalabe bange bangi era ba maanyi;
n’abo abankyayira obwereere bangi nnyo.
2038:20 Zab 35:12; 1Yk 3:12Abalabe bange bankyawa olw’okuba omulongoofu,
era bwe nkola ebirungi banjogerako ebitasaana.
2138:21 Zab 35:22Ayi Mukama, tonjabulira;
tobeera wala nange, Ayi Katonda wange.
2238:22 a Zab 40:13 b Zab 27:1Ayi Mukama Omulokozi wange,
yanguwa okumbeera.
