Zabbuli 36 – Luganda Contemporary Bible LCB

Luganda Contemporary Bible

Zabbuli 36:1-12

Zabbuli 36

Ya Mukulu wa Bayimbi. Zabbuli ya Dawudi.

136:1 Bar 3:18*Nnina obubaka mu mutima gwange

obukwata ku bwonoonyi bw’omukozi w’ebibi.

N’okutya

tatya Katonda.

2Ye nga bw’alaba yeewaanawaana n’atasobola kutegeera

oba okukyawa ekibi kye.

336:3 a Zab 10:7 b Zab 94:8 c Yer 4:22Ebigambo ebiva mu kamwa ke biba bibi era nga bya bulimba;

takyalina magezi era takyakola birungi.

436:4 a Nge 4:16; Mi 2:1 b Is 65:2 c Zab 52:3; Bar 12:9Ne ku kitanda kye afumiitiriza ebibi by’anaakola;

amalirira okutambuliranga mu kkubo ekyamu,

era ebitali bituufu tabyewala.

5Okwagala kwo, Ayi Mukama, kutuuka ne ku ggulu;

obwesigwa bwo butuuka ku bire.

636:6 Yob 11:8; Zab 77:19; Bar 11:33Obutuukirivu bwo bugulumivu ng’agasozi aganene,

n’obwenkanya bwo buwanvu nnyo ng’ennyanja ennene ennyo.

Ayi Mukama, olabirira abantu n’ebisolo.

736:7 Lus 2:12; Zab 17:8Okwagala kwo okutaggwaawo nga tekugeraageranyizika.

Ab’ebitiibwa n’abatali ba bitiibwa

baddukira mu biwaawaatiro byo.

836:8 a Zab 65:4 b Yob 20:17; Kub 22:1Balya ku bingi eby’omu nnyumba yo ne bakkuta;

obawa ebyokunywa by’omugga gwo ogwesiimisa.

936:9 a Yer 2:13 b 1Pe 2:9Kubanga gw’olina ensulo ey’obulamu,

era gw’otwakiza omusana.

10Yongeranga okwagala abo abakutegeera,

era n’obutuukirivu bwo eri abo abalina emitima emirongoofu.

11Ab’amalala baleme okunninnyirira,

wadde ababi okunsindiikiriza.

1236:12 Zab 140:10Laba, ababi nga bwe bagudde!

Basuuliddwa wansi era tebasobola na ku golokokawo.