Zabbuli 33
Zabbuli ya Dawudi.
133:1 a Zab 147:1 b Zab 32:11Muyimbire Mukama n’essanyu mmwe abatuukirivu;
kisaanira abalongoofu okumutenderezanga.
233:2 Zab 92:3Mutendereze Mukama n’ennanga,
mumukubire ennyimba ku ntongooli ey’enkoba ekkumi.
333:3 Zab 96:1Mumuyimbire oluyimba oluggya;
musune enkoba ze ntongooli n’amagezi nga bwe muyimba mu ddoboozi ery’omwanguka olw’essanyu.
433:4 Zab 19:8Kubanga ekigambo kya Mukama kituufu era kya mazima;
mwesigwa mu buli ky’akola.
533:5 a Zab 11:7 b Zab 119:64Mukama ayagala obutuukirivu n’obwenkanya.
Ensi ejjudde okwagala kwa Mukama okutaggwaawo.
633:6 Beb 11:3Mukama yayogera kigambo, eggulu ne likolebwa;
n’assiza omukka mu kamwa ke eggye lyonna ery’omu ggulu ne litondebwa.
7Yakuŋŋaanya amazzi g’ennyanja mu ntuumu,
agayanja n’agasibira mu masitoowa gaago.
833:8 Zab 67:7; 96:9Ensi yonna esaana etyenga Mukama,
n’abantu ab’omu mawanga gonna bamussengamu ekitiibwa;
933:9 Lub 1:3; Zab 148:5kubanga yayogera bwogezi n’etondebwa,
n’alagira n’eyimirira nga nywevu.
1033:10 Is 8:10Mukama asansulula enteekateeka y’amawanga;
alemesa abantu okutuukiriza bye bagenderera.
1133:11 Yob 23:13Naye enteekateeka za Mukama zibeerawo nga nywevu emirembe gyonna;
n’ebigendererwa by’omutima gwe bya lubeerera.
1233:12 a Zab 144:15 b Kuv 19:5; Ma 7:6Lirina omukisa eggwanga eririna Katonda nga ye Mukama waalyo,
ng’abantu baalyo yabalonda babeere bantu be.
1333:13 Yob 28:24; Zab 11:4Mukama asinziira mu ggulu
n’alaba abaana b’abantu bonna;
1433:14 1Bk 8:39asinziira mu kifo kye mw’abeera
n’alaba abantu bonna abali ku nsi.
1533:15 a Yob 10:8 b Yer 32:19Ye y’ategeka ebirowoozo byabwe bonna
ne yeetegereza byonna bye bakola.
1633:16 Zab 44:6Tewali kabaka asobola kuwona olw’obunene bw’eggye lye;
era tewali mulwanyi ayinza kuwona olw’amaanyi ge amangi.
1733:17 Zab 20:7; Nge 21:31Okusuubira embalaasi yokka okukuwanguza olutalo kuteganira bwerere;
newaakubadde erina amaanyi mangi naye tesobola kulokola.
1833:18 a Yob 36:7; Zab 34:15 b Zab 147:11Naye amaaso ga Mukama galabirira abo abamutya;
abalina essuubi mu kwagala kwe okutaggwaawo,
1933:19 Yob 5:20abawonya okufa,
era abawonya enjala.
2033:20 Zab 130:6Tulindirira Mukama nga tulina essuubi,
kubanga ye mubeezi waffe era ye ngabo yaffe.
2133:21 Zek 10:7; Yk 16:22Mu ye emitima gyaffe mwe gijaguliza,
kubanga twesiga erinnya lye ettukuvu.
22Okwagala kwo okutaggwaawo kubeerenga mu ffe,
Ayi Mukama, ng’essuubi lyaffe bwe liri mu ggwe.