Zabbuli 20
Ya Mukulu wa Bayimbi. Zabbuli ya Dawudi.
120:1 a Zab 46:7, 11 b Zab 91:14Mukama akwanukulenga ng’oli mu buzibu.
Erinnya lya Katonda wa Yakobo likukuumenga.
220:2 Zab 3:4Akuweerezenga obuyambi obuva mu kifo kye ekitukuvu;
akudduukirirenga okuva ku lusozi Sayuuni.
320:3 a Bik 10:4 b Zab 51:19Ajjukirenga ssaddaaka zo zonna z’omuwa,
era asiimenga ebiweebwayo byo ebyokebwa.
420:4 Zab 21:2; 145:16, 19Akuwenga omutima gwo bye gwetaaga,
era atuukirizenga by’oteekateeka byonna.
520:5 a Zab 9:14; 60:4 b 1Sa 1:17Tulijaganya olw’obuwanguzi bwo,
ne tuwuuba ebendera zaffe mu linnya lya Katonda waffe.
Mukama akuwenga byonna by’omusaba.
620:6 Zab 28:8; 41:11; Is 58:9Kaakano ntegedde nga Mukama awanguza oyo gwe yafukako amafuta,
amwanukula ng’amuwa obuwanguzi n’omukono gwe ogwa ddyo,
ng’asinziira mu ggulu lye ettukuvu.
720:7 a Zab 33:17; Is 31:1 b 2By 32:8Abamu beesiga amagaali, n’abalala beesiga embalaasi,
naye ffe twesiga erinnya lya Mukama Katonda waffe.
820:8 a Mi 7:8 b Zab 37:23Batalantuka ne bagwa wansi ne balemerawo,
naye ffe tugolokoka ne tuyimirira nga tuli banywevu.
920:9 Zab 3:7; 17:6Ayi Mukama, lokola kabaka,
otwanukule bwe tukukoowoola.
