Zabbuli 149
1149:1 a Zab 33:2 b Zab 35:18Mutendereze Mukama!
Muyimbire Mukama oluyimba oluggya,
mumutenderereze wamu n’ekibiina ky’abatukuvu.
2149:2 a Zab 95:6 b Zab 47:6; Zek 9:9Isirayiri asanyukirenga eyamutonda;
n’abantu ba Sayuuni bajagulize Kabaka waabwe!
3149:3 Zab 81:2; 150:4Batenderezenga erinnya lye nga bwe bazina,
bamutenderezenga nga bwe bakuba ennanga n’ebitaasa.
4149:4 a Zab 35:27 b Zab 132:16Kubanga Mukama asanyukira abantu be,
n’abawombeefu abawa engule ey’obulokozi.
5149:5 a Zab 132:16 b Yob 35:10Abatuukirivu bajagulizenga mu kitiibwa kino;
bayimbire ku bitanda byabwe olw’essanyu.
6149:6 a Zab 66:17 b Beb 4:12; Kub 1:16Batenderezenga Katonda waabwe,
bakwate ekitala eky’obwogi obubiri,
7bawoolere eggwanga,
babonereze n’amawanga,
8bateeke bakabaka baago mu njegere,
n’abakungu baago babasibe amagulu n’ebyuma,
9149:9 a Ma 7:1; Ez 28:26 b Zab 148:14babasalire omusango ogwabawandiikirwa.
Kino kye kitiibwa ky’abatukuvu be bonna.
Mutendereze Mukama.