Zabbuli 113
1113:1 Zab 135:1Mutendereze Mukama!
Mumutendereze, mmwe abaweereza be,
mutendereze erinnya lya Mukama.
2113:2 Dan 2:20Erinnya lya Mukama litenderezebwe
okuva leero n’okutuusa emirembe gyonna.
3113:3 Is 59:19; Mal 1:11Enjuba weeviirayo okutuusa bw’egwa,
erinnya lya Mukama litenderezebwenga.
4113:4 a Zab 99:2 b Zab 8:1; 97:9Mukama agulumizibwa okusinga amawanga gonna,
era n’ekitiibwa kye kisinga eggulu.
5113:5 a Zab 89:6 b Zab 103:19Ani afaanana nga Mukama Katonda waffe,
atuula ku ntebe ye ey’obwakabaka eri waggulu ennyo,
6113:6 Zab 11:4; 138:6; Is 57:15ne yeetoowaza
okutunuulira eggulu n’ensi?
7113:7 a 1Sa 2:8 b Zab 107:41Abaavu abayimusa n’abaggya mu nfuufu;
n’abali mu kwetaaga n’abasitula ng’abaggya mu vvu,
8113:8 Yob 36:7n’abatuuza wamu n’abalangira,
awamu n’abalangira abo abafuga abantu be.
9113:9 1Sa 2:5; Zab 68:6; Is 54:1Omukazi omugumba amuwa abaana,
n’abeera mu maka ge n’ezzadde lye ng’ajjudde essanyu.
Mutendereze Mukama!