Zabbuli 10 – LCB & KLB

Zabbuli 10

110:1 a Zab 22:1, 11 b Zab 13:1Lwaki otwekwese, Ayi Mukama?

Lwaki otwekwese mu biseera eby’emitawaana?

2Omubi, mu malala ge, ayigganya abanafu;

muleke agwe mu nkwe ezo z’asaze.

310:3 Zab 94:4Kubanga omubi yeewaana ng’anyumya ku bibi ebiri mu mutima gwe,

agabula aboomululu n’avuma Mukama.

410:4 Zab 14:1; 36:1Omubi mu malala ge

tanoonya Katonda.

5Buli ky’akola kimugendera bulungi.

Amateeka go tagafaako,

era n’abalabe be abanyooma.

610:6 Kub 18:7Ayogera mu mutima gwe nti, “Sikangibwa,

nzija kusanyuka emirembe gyonna.”

710:7 a Bar 3:14* b Zab 73:8 c Zab 140:3Mu kamwa ke mujjudde okukolima n’obulimba awamu n’okutiisatiisa;

ebigambo bye bya mutawaana era bibi.

810:8 Zab 94:6Yeekukuma mu byalo

okutemula abantu abataliiko musango.

Yeekweka ng’aliimisa b’anatta.

910:9 Zab 17:12; 59:3; 140:5Asooba mu kyama ng’empologoma,

ng’alindirira okuzinduukiriza abateesobola.

Abakwasa n’abatwalira mu kitimba kye.

10B’abonyaabonya bagwa wansi

ne babetentebwa ng’amaanyi g’omubi gabasukkiridde.

1110:11 Yob 22:13Ayogera mu mutima gwe nti, “Katonda yeerabidde, amaaso ge agakwese,

era takyaddayo kubiraba.”

1210:12 a Zab 17:7; Mi 5:9 b Zab 9:12Golokoka, Ayi Mukama, ozikirize omubi, Ayi Katonda;

abanaku tobeerabiranga.

13Omuntu omubi ayinza atya okukunyooma, Ayi Katonda,

n’agamba mu mutima gwe nti

“Sigenda kwennyonnyolako?”

1410:14 a Zab 22:11 b Zab 37:5 c Zab 68:5Naye ggwe, Ayi Katonda, ennaku zaabwe n’okubonaabona kwabwe obiraba

era ojja kubikolako.

Ateesobola yeewaayo mu mikono gyo,

kubanga gwe mubeezi w’abatalina bakitaabwe.

1510:15 Zab 37:17Malawo amaanyi g’omwonoonyi,

muyite abyogere ebyo

ebibadde bitajja kuzuulwa.

1610:16 a Zab 29:10 b Ma 8:20Mukama ye Kabaka emirembe n’emirembe.

Amawanga galizikirizibwa mu nsi ye.

1710:17 1By 29:18; Zab 34:15Mukama awulira okwetaaga kw’ababonyaabonyezebwa, ogumye emitima gyabwe;

otege okutu kwo obaanukule.

1810:18 a Zab 82:3 b Zab 9:9Olwanirira abataliiko bakitaabwe n’abajoogebwa;

omuntu obuntu ow’oku nsi n’ataddayo kubatiisa.