1“Kino kikankanya omutima gwange,
ne gubuuka okuva mu kifo kyagwo.
237:2 Zab 29:3-9Wuliriza okubwatuka kw’eddoboozi lye,
n’okuwuluguma okuva mu kamwa ke.
3Asumulula eggulu ne limyansa wansi w’eggulu wonna,
n’aliragira ligende ku nkomerero y’ensi.
4Kino oluggwa, okuwuluguma kw’eddoboozi lye kwe kuddako,
abwatuka n’eddoboozi lye ery’omwanguka,
era eddoboozi lye bwe liwulirwa,
tewabaawo kisigala nga bwe kibadde.
537:5 Yob 5:9Eddoboozi lya Katonda libwatuka mu ngeri ey’ekitalo;
akola ebintu ebikulu ebisukka okutegeera kwaffe.
637:6 a Yob 38:22 b Yob 36:27Agamba omuzira nti, ‘Ggwa ku nsi,’
ate eri enkuba etonnya nti, ‘Ttonnya nnyo.’
737:7 Yob 12:14Emirimu gya buli muntu giyimirira,
buli omu n’alyoka amanya amaanyi ga Katonda.
837:8 Yob 38:40; Zab 104:22Ensolo ne ziryoka zessogga empuku zaazo,
ne zigenda zeekukuma.
9Omuyaga ne gulyoka guva mu nnyumba yaagwo,
n’obunnyogovu ne buva mu mpewo ekuŋŋunta.
1037:10 Yob 38:29-30; Zab 147:17Omuzira ne guva mu mukka gwa Katonda
n’amazzi amangi ne gekwata kitole.
1137:11 Yob 36:27, 29Ebire abijjuza amatondo g’amazzi,
n’asaasaanya okumyansa kw’eggulu.
1237:12 Zab 148:8Byetooloolatooloola nga y’abiragira,
ne bituukiriza byonna by’abiragira,
ku nsi yonna okubeera abantu.
1337:13 a 1Sa 12:17 b Kuv 9:18; 1Bk 18:45; Yob 38:27Bwe kuba kubonereza, oba okufukirira ensi
oba okulaga okwagala kwe, atonnyesa enkuba.
14“Wuliriza kino Yobu;
sooka oyimirire olowooze ku bikolwa bya Katonda eby’ettendo.
15Omanyi Katonda engeri gy’alagiramu ebire,
n’aleetera eggulu okumyansa?
1637:16 Yob 36:4Omanyi engeri ebire gye bituulamu mu bbanga,
amakula g’emirimu gy’oyo eyatuukirira mu kumanya?
17Ggwe alina ebyambalo ebibuguma,
ensi bw’eba ng’ekkakkanyizibbwa embuyaga ez’obukiikaddyo,
1837:18 Yob 9:8; Zab 104:2; Is 44:24oyinza okumwegattako ne mubamba eggulu,
eryaguma ne libeera ng’endabirwamu ensanuuse?
19“Tubuulire kye tunaamugamba;
tetusobola kuwoza nsonga zaffe gy’ali olw’ekizikiza kye tulimu.
20Asaanidde okubuulirwa kye njagala okwogera?
Eriyo omuntu yenna ayinza okusaba okumalibwawo?
21Kaakano tewali n’omu ayinza kutunula mu njuba,
olw’engeri gy’eyakamu ku ggulu,
ng’empewo emaze okuyita, n’eyelula ebire.
22Mu bukiikakkono evaayo zaabu;
Katonda ajja mu kitiibwa eky’amaanyi.
2337:23 a Yob 9:4; 36:4; 1Ti 6:16 b Yob 8:3 c Is 63:9; Ez 18:23, 32Ayinzabyonna tatuukikako era agulumidde mu maanyi,
mu bwenkanya bwe era ne butuukirivu bwe, tawaliriza muntu yenna.
2437:24 a Mat 10:28 b Mat 11:25Noolwekyo abantu bamutya,
takitwala ng’ekikulu olw’abo abeerowooza okuba abagezi mu mitima gyabwe.”
