1Awo Eriku ne yeeyongera okwogera nti,
2“Muwulire ebigambo byange, mmwe abasajja ab’amagezi;
mumpulirize mmwe abayivu.
334:3 Yob 12:11Kubanga okutu kugezesa ebigambo
ng’olulimi bwe lugezesa emmere.
434:4 1Bs 5:21Leka twesalirewo ekituufu;
muleke tulondewo ekisaanidde.
534:5 a Yob 33:9 b Yob 27:2“Yobu agamba nti, ‘Siriiko musango,
naye Katonda agaanye okusala omusango gwange mu mazima.
634:6 Yob 6:4Wadde nga ndi mutuufu,
ntwalibwa okuba omulimba,
wadde nga siriiko musango,
akasaale ke kanteseeko ekiwundu ekitawonyezeka.’
734:7 Yob 15:16Musajja ki ali nga Yobu,
anywa okunyoomebwa ng’anywa amazzi?
834:8 Yob 22:15; Zab 50:18Atambula n’abakozi b’ebibi,
mukwano gw’abo abakola ebitali bya butuukirivu.
934:9 Yob 21:15; 35:3Kubanga agambye nti, ‘Omuntu talina kyaganyulwa
bw’agezaako okusanyusa Katonda.’
1034:10 a Lub 18:25 b Ma 32:4; Yob 8:3; Bar 9:14Noolwekyo mumpulirize mmwe abasajja abalina okutegeera.
Kikafuuwe Katonda okukola ebibi,
wadde Ayinzabyonna okukola ebikyamu.
1134:11 a Zab 62:12; Mat 16:27; Bar 2:6; 2Ko 5:10 b Yer 32:19; Ez 33:20Asasula omuntu olw’ekyo ky’aba akoze;
n’amutuusaako ebyo ebimusaanidde olw’empisa ze.
1234:12 Yob 8:3Weewaawo amazima gali nti, Katonda tasobya.
Ayinzabyonna tasaliriza musango.
1334:13 Yob 38:4, 6Obuyinza yabuggya eri ani okukulembera ensi?
Ani eyamuwa olukusa okufuga ensi yonna?
1434:14 Zab 104:29Singa asalawo n’atwala omwoyo gw’omuntu
awamu n’omukka gwe,
1534:15 Lub 3:19; Yob 9:22abantu bonna bandizikiriridde wamu,
era omuntu yandizzeeyo mu nfuufu.
16“Bw’oba olina okutegeera, wuliriza kino;
wuliriza kye ŋŋamba.
1734:17 a 2Sa 23:3-4 b Yob 40:8Oyo atayagala bwenkanya asobola okufuga?
Onoosalira abatuukirivu n’oyo ow’amaanyi omusango?
1834:18 Kuv 22:28Oyo si ye agamba bakabaka nti, ‘Tolina mugaso,’
n’abakungu nti, ‘Oli mukozi wa bibi,’
1934:19 a Ma 10:17; Bik 10:34 b Lv 19:15 c Yob 10:3atattira balangira ku liiso
era nga tafa ku bagagga kusinga bw’afa ku baavu,
kubanga egyo gye mirimu gy’emikono gye?
2034:20 a Kuv 12:29 b Yob 12:19Mu kaseera buseera baba bafiiridde wakati mu ttumbi.
Abantu banyeenyezebwa ne baggyibwawo.
Abo ab’amaanyi batwalibwa n’omukono ogutali gw’abantu.
2134:21 Yob 31:4; Nge 15:3“Amaaso ge gatunuulira amakubo g’abantu;
atunuulira buli kigere kye batambula.
2234:22 a Am 9:2-3 b Zab 139:12Teri kifo kikwafu wadde ekisiikirize eky’amaanyi,
ababi gye bayinza okwekweka.
2334:23 Yob 11:11Katonda teyeetaaga kwongera kwekebejja bantu
okulabika mu maaso ge okusalirwa omusango.
2434:24 a Yob 12:19 b Dan 2:21Awatali kwebuuza ku muntu yenna, amenyaamenya ab’amaanyi
n’ateekawo abalala mu kifo kyabwe.
25Olw’okubanga amanyi ebikolwa byabwe,
abamalamu amaanyi ekiro ne babetentebwa.
26Ababonereza olw’ebikolwa byabwe ebibi
abantu bonna nga balaba,
2734:27 a Zab 28:5; Is 5:12 b 1Sa 15:11kubanga baamuvaako ne balekeraawo okumugoberera
ne bataddayo kufaayo n’akatono ku makubo ge gonna.
2834:28 Kuv 22:23; Yob 35:9; Yak 5:4Baleetera abaavu okukaaba, ne kumutuukako
era n’awulira okukaaba kw’abanyigirizibwa.
29Naye bw’asalawo obutabaako ky’ayogera, ani ayinza okumunenya?
Bwakweka amaaso ge ani ayinza okumulaba?
Eggwanga n’omuntu abalinako obuyinza bwe bumu;
3034:30 Nge 29:2-12aziyiza omuntu atatya Katonda okufuga,
aleme okutega abantu emitego.
31“Singa omuntu agamba Katonda nti,
gunsinze, sikyaddayo kwonoona,
3234:32 a Yob 35:11; Zab 25:4 b Yob 33:27kye sitegeera kinjigirize,
bwe mba nga nsobezza sikyaddayo kukikola,
3334:33 Yob 41:11olwo Katonda akuddemu nga bw’oyagala,
akuleke ng’ogaanye okwenenya?
Kaakano ggwe olina okusalawo, so sinze;
noolwekyo mbuulira ggwe ky’omanyi.
34“Abantu abalina okutegeera mumbuulire,
abasajja abagezi abawulira muntegeeze,
3534:35 Yob 35:16; 38:2‘Yobu ayogeza butamanya
ebigambo bye tebiriimu kwolesebwa.’
3634:36 Yob 22:15Singa Yobu agezesebbwa okutuusa ku nkomerero,
olw’okwogera ng’abasajja abakozi b’ebibi!
3734:37 a Yob 27:23 b Yob 23:2Kubanga ku kibi kye ayongeddeko obujeemu,
n’akuba mu ngalo wakati mu ffe,
n’ayongera okwogera ng’awakanya Katonda.”
