Yeremiya 12 – LCB & CCB

Okwemulugunya kwa Yeremiya

112:1 a Ezr 9:15 b Yer 5:27-28Bulijjo oba mutuukirivu, Ayi Mukama Katonda,

bwe nkuleetera ensonga yange.

Noolwekyo nnaaleeta ensonga yange gy’oli.

Lwaki abakozi b’ebibi baba mu kwesiima?

Lwaki abalimbalimba bonna baba mu bulamu obw’emirembe?

212:2 a Yer 11:17 b Is 29:13; Yer 3:10; Mat 15:8; Tit 1:16Wabasimba, emirandira ne ginywera,

bakula ne baleeta ebibala.

Tova ku mimwa gyabwe bulijjo

wadde ng’oliwala n’emitima gyabwe.

312:3 a Zab 7:9; 11:5; 139:1-4; Yer 11:20 b Yer 17:18Ate ng’ommanyi Ayi Mukama Katonda,

ondaba era otegeera bye nkulowoozaako.

Sika otwale abasajja bano ababi ng’endiga ezigenda okuttibwa.

Bategekere olunaku lwe balisanjagirwako.

412:4 a Yer 4:28 b Yo 1:10-12 c Yer 4:25; 9:10Ensi erikoma ddi okwonooneka,

n’omuddo mu buli nnimiro okukala?

Kubanga abo abali mu nsi bakozi ba bibi,

ensolo n’ebinyonyi bizikiridde,

kubanga abantu bagamba nti,

“Katonda taalabe binaatutuukako.”

Katonda Addamu

512:5 Yer 49:19; 50:44“Bw’oba owakana n’abaddusi b’embiro

n’oggwaamu amaanyi

oyinza otya okudduka n’embalaasi?

Obanga mu nsi entereevu weesitadde n’ogwa bugwi,

onoosobolayo otya mu nsiko y’oku Yoludaani?

612:6 a Nge 26:24-25; Yer 9:4 b Zab 12:2Ne baganda bo n’ab’omu nnyumba ya kitaawo

nabo bennyini bakwefuukidde,

beegasse ku abo abawowoggana nga bakulangiriza.

Tobeesiga

wadde nga bakwogerako bulungi.”

Ennaku ya Mukama olw’Abantu be

712:7 Yer 7:29“Njabulidde ennyumba yange,

ne ndeka omugabo gwange;

mpaddeyo abo emmeeme yange b’eyagala,

mu mikono gy’abalabe baabwe.

812:8 Kos 9:15; Am 6:8Abantu bange be nalonda

banfuukidde ng’empologoma eri mu kibira;

empulugumira,

noolwekyo mbakyaye.

912:9 Is 56:9; Yer 15:3; Ez 23:25Abantu bange be nalonda

tebanfuukidde ng’ennyonyi erya ginnaazo ey’amabala,

ebinyonyi ebirala ebirya binaabyo gye bizingiza ne bigirumba?

Mugende mukuŋŋaanye ensolo zonna ez’omu nsiko

muzireete zirye.

1012:10 a Yer 23:1 b Is 5:1-7Abasumba bangi

boonoonye ennimiro yange ey’emizabbibu,

balinnyiridde ennimiro yange,

ensi yange ennungi bagirese njereere.

1112:11 nny 4; Is 42:25; Yer 23:10Eyonooneddwa efuuse ddungu

esigadde awo ng’enkaabirira.

Ensi yonna efuuse matongo

kubanga tewali muntu n’omu agifaako.

1212:12 a Yer 47:6 b Yer 3:2Abanyazi bazze

batuuse ku nsozi zonna ez’omu ddungu,

kubanga ekitala kya Mukama kijja kulya

okuva ku nsonda emu ey’ensi okutuuka ku ndala,

awataliiwo n’omu kuwona.

1312:13 a Lv 26:20; Ma 28:38; Mi 6:15; Kag 1:6 b Yer 4:26Basize eŋŋaano, ne bakungula amaggwa.

Bakooyedde bwereere ne bataba na kebaggyamu.

Bakwatiddwa ensonyi olw’ebibala bye bakunguddeyo,

kubanga ebyo Mukama y’abikoze olw’obusungu bwe obungi.”

1412:14 Zek 2:7-9Bw’ati bw’ayogera Mukama nti, “Ebikwata ku baliraanwa bange ababi nga bifa ku mugabo gwe nawa abantu bange Isirayiri okuba ogwabwe, laba ndibasiguukulula okuva mu nsi yaabwe, era ndiggya ennyumba ya Yuda mu bo. 1512:15 Am 9:14-15Naye nga mmaze okubasiguukululamu, ndibakwatirwa ekisa ne mbakomyawo buli omu eri omugabo gwe mu nsi ye. 1612:16 a Yer 4:2 b Yos 23:7 c Is 49:6; Yer 3:17Era nga bwe bayigiriza abantu bange okulayirira mu linnya lya Baali bwe batyo balikwatira ddala empisa z’abantu bange, okulayirira mu linnya lyange nga boogera nti, ‘Nga Mukama bw’ali omulamu,’ olwo balizimbibwa wakati mu bantu bange. 1712:17 Is 60:12Naye eggwanga bwe litalissaayo mwoyo, ndirisiguukulula ne ndisaanyizaawo ddala,” bw’ayogera Mukama.