Isaaya 28 – Luganda Contemporary Bible LCB

Luganda Contemporary Bible

Isaaya 28:1-29

Zikusanze Efulayimu

128:1 a nny 3; Is 9:9 b Is 9:4 c Kos 7:5Zikusanze engule ey’amalala g’abatamiivu aba Efulayimu,

zikusanze ekimuli ekiwotoka28:1 Ekimuli ekiwotoka, ye Samaliya. eky’obulungi bw’ekitiibwa kye,

ekiri ku mutwe gw’ekiwonvu ekigimu,

Zikusanze ekibuga ky’abo abatamiivu.

228:2 a Is 40:10 b Is 30:30; Ez 13:11 c Is 29:6 d Is 8:7Laba, Mukama wa maanyi mangi ddala,

ng’embuyaga ey’omuzira n’embuyaga ezikiriza,

ng’enkuba ey’amaanyi ereeta amataba,

bwe ndisuula ekibuga ekyo n’amaanyi mangi.

328:3 nny 1Engule ey’amalala ey’abatamiivu ba Efulayimu

aligibetenta n’ebigere bye.

428:4 a nny 1 b Kos 9:10; Nak 3:12Ekimuli ekyo ekiwotoka eky’obulungi bw’ekitiibwa kye

ekiri waggulu w’ekiwonvu ekigimu,

kiriba ng’ettiini erisooka okwengera nga n’amakungula tegannatuuka,

era omuntu bw’aliraba alinoga n’alirya.

528:5 Is 62:3Mu biro ebyo Mukama Katonda ow’Eggye

aliba ngule ya kitiibwa,

engule ennungi

ey’abantu be abaasigalawo.

628:6 a Is 11:2-4; 32:1, 16 b Yk 5:30 c 2By 32:8Aliba n’omwoyo ogw’okusala ensonga mu bwenkanya

oyo atuula n’asala emisango,

Aliba nsibuko ya maanyi

eri abo abawoza olutabaalo ku wankaaki.

728:7 a Is 22:13 b Is 56:10-12 c Is 24:2 d Is 9:15 e Is 29:11; Kos 4:11Ne bano nabo batagala olw’omwenge,

era bawabye olw’ekitamiiza;

Bakabona ne bannabbi batagala olw’ekitamiiza,

era bawabye olw’omwenge;

bawabye olw’ekitamiiza,

batagala ne bava mu kwolesebwa,

era tebasalawo nsonga.

828:8 Yer 48:26Weewaawo emmeeza zonna ziriko ebisesemye,

tewakyali kifo kiyonjo.

928:9 a nny 26; Is 30:20; 48:17; 50:4; 54:13 b Zab 131:2 c Beb 5:12-13“Ani gw’agezaako okuyigiriza?

Ani gw’annyonnyola obubaka bwe?

Abaana abaakalekayo okuyonka

oba abo abaakaggibwa ku mabeere?

10Kubanga kola okole, kola okole

Ekiragiro ku kiragiro, ekiragiro ku kiragiro,

Wano katono na wali katono.”

1128:11 a Is 33:19 b 1Ko 14:21*Weewaawo, Katonda alyogera eri abantu abo

n’emimwa emigenyi mu lulimi olugwira,

1228:12 Is 11:10; Mat 11:28-29abo be yagamba nti,

Kino kye kifo eky’okuwummuliramu eri oyo akooye,

era kye kifo eky’okuwerera

naye ne bagaana okuwuliriza.

1328:13 a Mat 21:44 b Is 8:15Noolwekyo ekigambo kya Mukama kyekiriva kibeera gye bali

kola okole, kola okole,

ekiragiro ku kiragiro, ekiragiro ku kiragiro,

wano katono na wali katono,

balyoke bagende bagwe kya bugazi,

era balitegebwa, era ne batuukako ebisago ne bawambibwa.

1428:14 Is 1:10Noolwekyo muwulire ekigambo kya Mukama Katonda mmwe abantu abanyoomi,

mmwe abafuga abantu ababeera mu Yerusaalemi ne mubanyooma.

1528:15 a nny 2, 18; Is 8:7-8; 30:28; Dan 11:22 b Is 9:15 c Is 29:15Weewaawo mwewaana nga bwe mugamba nti, “Twakola endagaano n’okufa, era twalagaana n’amagombe. Ekikangabwa eky’amaanyi ne bwe kijja, tekirina kye kiyinza kutukola, kubanga tufudde obulimba ekiddukiro kyaffe, era mu bukuusa mwe twekwese.”

1628:16 a Zab 118:22; Is 8:14-15; Mat 21:42; Bik 4:11; Bef 2:20 b Bar 9:33*; 10:11*; 1Pe 2:6*Mukama Katonda Ayinzabyonna kyava agamba nti,

“Laba, nteeka mu Sayuuni ejjinja,

ejjinja eryagezesebwa, ery’oku nsonda,

ery’omuwendo, okuba omusingi;

oyo alyesiga taliterebuka.

1728:17 a Is 5:16 b 2Bk 21:13Ndifuula obwenkanya okuba omuguwa ogupima,

n’obutuukirivu okuba omuguwa ogutereeza,

era omuzira gulyera ekiddukiro ekyobulimba,

n’amazzi galyanjaala ku kifo eky’okwekwekamu.

1828:18 a Is 7:7 b nny 15 c Dan 8:13N’endagaano gye walagaana n’okufa erijjulukuka,

n’endagaano gye walagaana n’amagombe terinywera.

Ekikangabwa eky’amaanyi bwe kirijja,

kiribagwira.

1928:19 a 2Bk 24:2 b Yob 18:11Weewaawo buli lwe kinaayitanga,

kinaabagwiranga

buli lukya emisana n’ekiro.”

Era okutegeera obubaka buno

kirireeta ntiisa njereere.

2028:20 Is 59:6Weewaawo ekitanda kimpi okwegololerako,

ne bulangiti nnyimpi okwebikka.

2128:21 a 1By 14:11 b Yos 10:10, 12; 1By 14:16 c Is 10:12; Luk 19:41-44Weewaawo Mukama aligolokoka nga bwe yagolokoka ku Lusozi Perazimu,

era alisunguwala nga bwe yasunguwalira mu Kiwonvu eky’e Gibyoni,

alyoke akole omulimu gwe, omulimu gwe ogwewuunyisa,

atuukirize omulimu gwe, omulimu gwe ogwewuunyisa.

2228:22 a Is 10:22 b Is 10:23Noolwekyo mulekeraawo okunyooma, enjegere zammwe zireme kweyongera kubazitoowerera.

Nawulira okuva eri Mukama Katonda ow’Eggye

ng’awa ekiragiro ekizikiriza ensi yonna.

23Muwulirize, era muwulire eddoboozi lyange;

Musseeyo omwoyo, muwulire kye ŋŋamba.

24Omulimi bw’alima nga yeetegekera okusimba, alima lutata?

Alima bw’ayimirira n’atema amavuunike mu ttaka?

2528:25 a Mat 23:23 b Kuv 9:32Bw’amala okulyanjaala, tasigamu mpinnamuti, n’asaasaanya kumino?

Tasiga ŋŋaano mu kifo kyayo,

ne sayiri mu kibanja kyayo,

n’omukyere mu nnimiro yaagwo?

26Katonda we amuwa ebiragiro,

n’amuyigiriza ekkubo etuufu.

27Empinnamuti teziwuulibwa na luso,

newaakubadde okunyiga kumino ne nnamuziga w’eggaali.

Empinnamuti zikubibwa na muggo

ne kumino n’ekubibwa n’oluga.

28Empeke eteekwa okuseebwa okuvaamu omugaati,

So n’omuntu tagiwuula butamala.

Newaakubadde ng’agitambulizaako nnamuziga w’eggaali lye eriwuula,

Embalaasi ze si zeezigisa.

2928:29 a Is 9:6 b Bar 11:33Bino byonna nabyo biva eri Mukama Katonda ow’Eggye,

ow’ekitalo mu kuteesa ebigambo,

asinga amagezi.