Isaaya 22 – LCB & NSP

Obunnabbi Obufa ku Yerusaalemi

122:1 a Is 13:1 b Zab 125:2; Yer 21:13; Yo 3:2, 12, 14Obunnabbi obukwata ku Kiwonvu ky’Okwolesebwa:

Kiki ekikutawanya kaakano,

n’okulinnya n’olinnya waggulu ku busolya,

222:2 Is 32:13ggwe ekibuga ekijjudde oluyoogaano,

ggwe ekibuga eky’amasanyu era eky’ebinyumu?

Abantu bo abattibwa,

tebaafa kitala newaakubadde okufiira mu lutalo.

3Abakulembeze bo bonna baddukidde wamu;

bawambiddwa awatali kulwana.

Bonna baakwatibwa ne batwalibwa wamu nga basibe,

kubanga badduka.

422:4 a Is 15:3; Luk 19:41 b Yer 9:1Kyenava njogera nti, “Munveeko,

mundeke nkaabire ddala nnyo.

Temugezaako kunsaasira

olw’okuzikirizibwa kw’omuwala w’abantu bange.”

522:5 Kgb 1:5Mukama, Mukama Katonda ow’Eggye alina olunaku

olw’akatabanguko,

olw’okulinyirirwa n’entiisa mu Kiwonvu ky’Okwolesebwa;

olunaku olw’okumenya bbugwe,

n’okukaabirira ensozi.

622:6 a Is 21:2 b Yer 49:35 c 2Bk 16:9Eramu ayambalidde omufuko gw’obusaale,

n’atwala n’abavuzi b’amagaali ge n’embalaasi,

Kiri22:6 Kiri Kifo ekisangibwa mu Bwasuli asabuukulula engabo.

722:7 2By 32:1-2Ebiwonvu byo ebisinga obulungi bijjudde amagaali,

n’abeebagala embalaasi bassibbwa ku wankaaki.

822:8 a 2By 32:5 b 1Bk 7:2Okwerinda kwa Yuda kuggyiddwawo.

Ku lunaku olwo watunuulira

ebyokulwanyisa eby’omu Lubiri olw’Ekibira.

922:9 2By 32:4Walaba amabanga agaali mu kwerinda

kw’Ekibuga kya Dawudi,

wakuŋŋaanya amazzi

mu Kidiba eky’Emmanga.

10Wabala ebizimbe mu Yerusaalemi

n’omenya amayumba okusobola okunyweza bbugwe.

1122:11 a 2Bk 25:4; Yer 39:4 b 2By 32:4Wasima ekidiba omuterekebwa amazzi wakati w’ebisenge ebibiri,

n’okuŋŋaanya ag’ekidiba ekikadde,

naye tewatunuulira Oyo eyakisima,

wadde okussaamu ekitiibwa Oyo eyakiteekateeka mu biro eby’edda.

1222:12 a Yo 2:17 b Mi 1:16 c Yo 1:13Ku lunaku olwo Mukama Katonda ow’Eggye

yalangirira okukaaba n’okukuba ebiwoobe,

n’okwemwako enviiri

n’okwambala ebibukutu.

1322:13 a Is 5:22; 28:7-8; 56:12; Luk 17:26-29 b 1Ko 15:32*Naye laba, ssanyu na kujaguza,

okubaaga ente n’okutta endiga,

okulya ennyama n’okunywa envinnyo.

Mwogere nti, “Leka tulye, era tunywe

kubanga enkya tunaafa.”

1422:14 a Is 5:9 b Is 13:11; 26:21; 30:13-14; Ez 24:13Mukama ow’Eggye akimbikulidde n’aŋŋamba nti, “Ekibi kino tekirisonyiyibwa wadde okuggyibwawo okutuusa lw’olifa,” bw’ayogera Mukama Katonda ow’Eggye.

1522:15 2Bk 18:18; Is 36:3Bw’ati bw’ayogera Mukama Katonda ow’Eggye nti,

“Genda eri omuwanika oyo,

eri Sabuna avunaanyizibwa olubiri omugambe nti,

1622:16 Mat 27:60Okola ki wano era ani yakuwadde olukusa

okwetemera entaana wano,

n’otema n’amaanyi entaana yo waggulu mu lwazi,

ne weerongoosereza eyo ekifo eky’okuwummuliramu?

17“Weegendereze Mukama Katonda anaatera okukuvumbagira,

akuggyewo ggwe omusajja ow’amaanyi.

1822:18 Is 17:13Alikuzingazingako,

n’akukanyuga mu nsi engazi, nga bwe yandikanyuze omupiira ogusambwa.

Eyo gy’olifiira,

era eyo amagaali go ag’ekitiibwa gye galisigala,

ggwe ensonyi ez’ennyumba ya Mukama wo.

19Ndikuggya ku ntebe yo,

era oliggyibwa mu kifo kyo.

2022:20 2Bk 18:18; Is 36:3“Mu biro ebyo nditumya omuweereza wange Eriyakimu mutabani wa Kirukiya. 21Ndimwambaza ekyambalo kyo, ne munyweza n’olukoba lwo, ne mukwasa obuyinza bwo. Aliba kitaawe w’abo ababeera mu Yerusaalemi, n’eri ennyumba ya Yuda. 2222:22 a Kub 3:7 b Is 7:2 c Yob 12:14Ndimukwasa ekisumuluzo ky’ennyumba ya Dawudi; bw’aliggulawo tewaliba aggalawo, bw’aliggalawo tewaliba aggulawo. 2322:23 a Zek 10:4 b Ezr 9:8 c 1Sa 2:7-8; Yob 36:7Ndimunyweza mu kifo ng’enkondo ennene, era aliba ntebe ya kitiibwa eri ennyumba ya kitaawe. 24Ekitiibwa ky’ennyumba ye kiribeera ku nnyumba ye, ne ku zadde lye ne ku nda ye yonna, ne ku bintu bye ebinywerwamu, okuva ku bibya okutuuka ku nsumbi.”

2522:25 a nny 23 b Is 46:11; Mi 4:4Bw’ati bw’ayogera Katonda ow’Eggye nti, “Ku lunaku olwo, enkondo ennene eyakomererwa mu kifo n’enywera erisalibwa, n’eneguka, n’egwa, n’omugugu gw’ekutte gulisarwako.” Mukama ayogedde.