Enkomerero Etuuse
1Awo ekigambo kya Mukama ne kinzijira nti, 27:2 a Am 8:2, 10 b Kub 7:1; 20:8“Omwana w’omuntu, bw’ati bw’ayogera Mukama Katonda eri ensi ya Isirayiri nti:
“ ‘Enkomerero! Enkomerero etuuse
ku nsonda ennya ez’ensi.
3Enkomerero ebatuuseeko
era ndibasumulurira obusungu bwange,
ne mbasalira omusango ng’engeri zammwe bwe ziri
era ndibabonereza ng’ebikolwa byammwe eby’ekkive byonna bwe biri.
47:4 Ez 5:11Siribatunuulira na liiso lya kisa
newaakubadde okubasonyiwa;
naye ndibasasula ng’engeri zammwe,
n’ebikolwa byammwe eby’ekkive bwe biri mu mmwe.
Mulyoke mumanye nga nze Mukama.’
57:5 2Bk 21:12“Bw’ati bw’ayogera Mukama Katonda nti:
“ ‘Okuzikirizibwa okutali kumu
laba kujja.
6Enkomerero etuuse,
enkomerero etuuse!
Ebagolokokeddeko
era ejja.
77:7 Ez 12:23; Zef 1:14Akabi kabajjidde,
mmwe abatuuze.
Ekiseera kituuse era olunaku luli kumpi,
olunaku olw’okutya so si olw’okujaguliriza ku nsozi.
87:8 a Is 42:25; Ez 9:8; 14:19; Nak 1:6 b Ez 20:8, 21; 36:19Nnaatera okubalaga obusungu bwange,
n’ekiruyi kyange.
Ndibasalira omusango ng’enneeyisa yammwe bw’eri,
ne mbasasula ng’ebikolwa byammwe byonna eby’ekkive bwe biri.
9Siribatunuulira na liiso lya kisa
newaakubadde okubasonyiwa.
Ndibabonereza ng’engeri zammwe bwe ziri
n’ebikolwa byammwe eby’ekkive bwe biri mu mmwe.
Mulyoke mumanye nga nze Mukama Katonda, era mbonereza.
107:10 Zab 89:32; Is 10:5“ ‘Olunaku luuluno
lutuuse.
Akabi kabajjidde,
obutali bwenkanya bumeze,
n’amalala gamulisizza.
117:11 Yer 16:6; Zef 1:18Obusungu bweyongedde
ne bufuuka omuggo okubonereza obutali butuukirivu;
tewaliba n’omu alisigalawo;
tewaliba n’omu ku kibiina
newaakubadde ku byobugagga byabwe,
newaakubadde eky’omuwendo.
127:12 nny 7; Is 5:13-14; Ez 30:3Ekiseera kituuse,
n’olunaku lutuuse.
Agula aleme okusanyukirira,
n’oyo atunda aleme okunakuwala,
kubanga obusungu bubuubuukidde ku kibiina kyonna.
137:13 Lv 25:24-28Atunda taliddizibwa
kintu kye yatunda,
bombi bwe banaaba nga bakyali balamu.
Kubanga okubonerezebwa kuli ku kibiina kyonna
so tekukyajulukuka.
Era olw’ebibi byabwe tewaliba n’omu
aliwonya obulamu bwe.
14“ ‘Ne bwe balifuuwa ekkondeere
ne bateekateeka buli kimu,
tewaliba n’omu aligenda mu lutalo,
kubanga obusungu bwange bubuubuukidde ku kibiina kyonna.
157:15 Ma 32:25; Yer 14:18; Kgb 1:20; Ez 5:12Ebweru waliyo ekitala
ne munda waliyo kawumpuli n’enjala.
Abali ku ttale
balifa kitala,
abali mu kibuga
balimalibwawo kawumpuli n’enjala.
167:16 a Is 59:11 b Ezr 9:15; Ez 6:8N’abo abaliwonawo
baliddukira mu nsozi,
nga bakaaba nga bukaamukuukulu
obw’omu biwonvu,
buli omu olw’ebibi bye.
177:17 Is 13:7; Ez 21:7; 22:14Emikono gyonna giriremala,
n’amaviivi gonna galiba ng’amazzi.
187:18 a Zab 55:5 b Is 15:2-3; Ez 27:31; Am 8:10Balyambala ebibukutu,
ne bakwatibwa ensisi;
baliswala,
n’emitwe gyabwe girimwebwa.
197:19 a Ez 13:5; Zef 1:7, 18 b Ez 14:3 c Nge 11:4“ ‘Balisuula effeeza yaabwe mu nguudo,
ne zaabu yaabwe eriba ekitali kirongoofu;
effeeza yaabwe ne zaabu yaabwe
tebiriyinza kubalokola
ku lunaku lwa Mukama olw’obusungu bwe.
Era tebalikkuta
newaakubadde okukkusibwa.
Ebyo bye byabaleetera okugwa mu kibi.
207:20 Yer 7:30Ebintu byabwe eby’omuwendo byabaleetera amalala,
era ekyavaamu kwe kukola bakatonda abalala ab’emizizo
n’ebintu ebirala eby’ekivve,
era kyendiva mbifuula ebitali birongoofu gye bali.
217:21 2Bk 24:13Ndibiwaayo byonna eri bannamawanga
n’eri abakozi b’ebibi ab’omu nsi okuba omunyago
era balibyonoona.
227:22 Ez 39:23-24Ndikyusa amaaso gange ne si batunuulira,
era balyonoona ekifo kyange eky’omuwendo;
n’abanyazi balikiyingiramu
ne bakyonoona.
237:23 2Bk 21:16“ ‘Muteeketeeke enjegere
kubanga ensi ejjudde omusango ogw’okuyiwa omusaayi,
n’ekibuga kijjudde effujjo.
247:24 a Ez 24:21 b 2By 7:20; Ez 28:7Ndireeta eggwanga erisingirayo ddala okuba ebbi,
ne batwala ennyumba zaabwe,
era ndikomya amalala gaabwe
n’ebifo byabwe ebitukuvu biryonoonebwa.
257:25 Ez 13:10, 16Entiisa bw’erijja,
balinoonya emirembe naye tebaligifuna.
267:26 a Yer 4:20 b Is 47:11; Ez 20:1-3; Mi 3:6Akabi kalyeyongera ku kabi,
ne ŋŋambo ne zeeyongera;
balinoonya okwolesebwa okuva eri nnabbi,
naye okuyigirizibwa kwa kabona kulibula
n’okubuulirira kw’abakadde kulyerabirwa.
277:27 a Zab 109:19; Ez 26:16 b Ez 18:20 c nny 4Kabaka alikaaba,
n’omulangira alijjula obuyinike,
n’emikono gy’abantu mu ggwanga girikankana olw’entiisa.
Ndibakolako ng’enneeyisa yaabwe bw’eri,
era ndibasalira omusango ng’ensala yaabwe bw’eri.
Balyoke bamanye nga nze Mukama Katonda.’ ”