128:1 a 2Bk 7:7 b Lv 26:17; Zab 53:5 c Zab 138:3Abakozi b’ebibi badduka nga tewali abagoba,
naye abatuukirivu babeera n’obuvumu ng’empologoma.
2Eggwanga bwe lijeema, liba n’abafuzi bangi,
naye olw’omuntu alina okutegeera n’okumanya obutebenkevu budda nate mu nsi.
3Omufuzi anyigiriza abaavu,
afaanana nga enkuba etonnya ezikiriza n’eterekaawo birime.
4Abo abava ku mateeka ga Mukama batendereza aboonoonyi,
naye abo abagakuuma babawakanya.
5Abantu abakozi b’ebibi tebategeera bwenkanya,
naye abo abanoonya Mukama babutegeerera ddala bulungi.
628:6 Nge 19:1Omuntu omwavu atambulira mu butuukirivu,
asinga omugagga ow’amakubo amakyamu.
728:7 Nge 23:19-21Oyo akuuma amateeka ga Mukama mwana eyeegendereza,
naye mukwano gw’ab’omululu akwasa kitaawe ensonyi.
828:8 a Kuv 18:21 b Yob 27:17; Nge 13:22 c Zab 112:9; Nge 14:31; Luk 14:12-14Ayongera ku bugagga bwe mu bukumpanya,
abukuŋŋaanyiza omulala anaayinza okuba ow’ekisa eri abaavu.
928:9 Zab 66:18; 109:7; Nge 15:8; Is 1:13Atassaayo mwoyo kuwulira mateeka ga Mukama,
n’okusaba kwe tekukkirizibwa.
1028:10 Nge 26:27Buli akyamya abatuukirivu mu kkubo ebbi,
aligwa mu katego ke ye,
naye abatuukirivu balisikira ebirungi.
11Omugagga alowooza nti mugezi,
naye omwavu alina okutegeera, amunyooma.
1228:12 a 2Bk 11:20 b Nge 11:10; 29:2Abatuukirivu bwe bawangula wabaawo okujaguza okw’amaanyi,
naye abakakanyalira mu kukola ebikyamu bwe bafuna obuyinza abantu beekweka.
1328:13 a Yob 31:33 b Zab 32:1-5; 1Yk 1:9Oyo akweka ebibi bye, talifuna mukisa kukulaakulana,
naye buli abyatula n’abireka, alisaasirwa.
14Alina omukisa omuntu atya Mukama ebbanga lyonna,
naye oyo akakanyaza omutima gwe abonaabona.
15Ng’empologoma ewuluguma oba eddubu eritiisatiisa,
bw’abeera omufuzi omubi atulugunya abateesobola.
16Omufuzi nantagambwako tafuga na bwenkanya,
naye oyo akyawa amagoba agafuniddwa mu bukyamu alibeera n’essanyu ery’obulamu obuwangaazi.
1728:17 Lub 9:6Omuntu alumirizibwa olw’okutta munne,
alibeera mu kutegana okutuusa okufa,
tewabanga n’omu amuyamba.
1828:18 Nge 10:9Omuntu atambulira mu bugolokofu alinunulibwa talibeerako kabi,
naye oyo ow’amakubo amabi aligwa mbagirawo.
1928:19 Nge 12:11Omuntu alima ennimiro ye aliba n’emmere nnyingi,
naye oyo ali mu birowoozo ebitaliimu alifa bwavu.
2028:20 nny 22; Nge 10:6; 1Ti 6:9Omusajja omwesigwa aliweebwa emikisa mingi,
naye oyo ayanguyiriza okugaggawala talirema kubonerezebwa.
2128:21 a Nge 18:5 b Ez 13:19Okuttira abantu ku liiso ng’osala emisango si kirungi,
naye ate olw’okunoonya akookulya omuntu ayinza okuzza omusango.
2228:22 nny 20; Nge 23:6Omusajja omukodo yeegomba okugaggawala,
naye nga tamanyi nti obwavu bumulindiridde.
2328:23 Nge 27:5-6Oyo anenya omuntu, oluvannyuma aliganja,
okusinga oyo awaaniriza n’olulimi.
2428:24 a Nge 19:26 b Nge 18:9Buli anyaga kitaawe, oba nnyina,
n’agamba nti, “Si nsonga,” afaanana n’oyo azikiriza.
2528:25 Nge 29:25Omuntu ow’omululu aleeta oluyombo,
naye oyo eyeesiga Mukama aligaggawazibwa.
2628:26 Zab 4:5; Nge 3:5Eyeesiga omutima gwe, musirusiru,
naye oyo atambulira mu magezi alifuna emirembe.
2728:27 Ma 15:7; 24:19; Nge 19:17; 22:9Agabira abaavu talibaako ne kye yeetaaga,
naye abakodowalira anaabanga n’ebikolimo bingi.
2828:28 nny 12Abakozi b’ebibi bwe babeera mu buyinza, abantu beekweka,
naye abakozi b’ebibi bwe bazikirira, abatuukirivu bakulaakulana.
