Ebigambo by’Abagezi n’Abasirusiru
1Eyeggya ku banne aba yeerowoozako yekka,
era tawuliriza magezi gamuweebwa.
218:2 Nge 12:23Omusirusiru tasanyukira kutegeera,
ky’asanyukira kyokka kwe kwogera by’alowooza.
3Okukola ekibi bwe kujja n’okunyooma kujjirako,
era awali okuyisaamu omuntu amaaso wabaawo okunyoomoola.
4Ebigambo by’omu kamwa k’omuntu mazzi ga buziba,
naye ensulo ey’amagezi mugga ogukulukuta.
518:5 a Lv 19:15; Nge 24:23-25; 28:21 b Zab 82:2; Nge 17:15Si kirungi kuttira mubi ku liiso,
oba okusaliriza omutuukirivu.
6Akamwa k’omusirusiru kamuleetera entalo
era akamwa ke kamuleetera okukubwa emiggo.
718:7 a Zab 140:9 b Zab 64:8; Nge 10:14; 12:13; 13:3; Mub 10:12Akamwa k’omusirusiru ke kamuleetera okuzikirira,
era n’emimwa gye mutego eri emmeeme ye.
818:8 Nge 26:22Ebigambo by’omuntu ageya biri ng’emmere ewoomerera,
bigenda mu bitundu by’omubiri eby’ewala.
918:9 Nge 28:24Omuntu omugayaavu mu mirimu gy’akola,
waluganda n’oyo azikiriza.
1018:10 2Sa 22:3; Zab 61:3Erinnya lya Mukama kigo ky’amaanyi,
omutuukirivu addukira omwo n’afuna emirembe.
1118:11 Nge 10:15Obugagga bw’omugagga, kye kibuga kye ekiriko bbugwe ow’amaanyi,
era mu kulaba kwe, kigo kye ekigumu ekitarinnyika.
1218:12 Nge 11:2; 15:33; 16:18Omuntu nga tannagwa, omutima gwe gwegulumiza, naye okwetoowaza kumuweesa ekitiibwa.
1318:13 Nge 20:25; Yk 7:51Oyo addamu amangu mu nsonga gy’ateetegerezza,
buba busirusiru bwe era buswavu.
1418:14 Nge 15:13; 17:22Omwoyo gw’omuntu gumuwanirira mu bulwadde,
naye emmeeme eyennyise ani ayinza okugigumiikiriza?
1518:15 Nge 15:14Omutima gw’omwegendereza guyiga okumanya,
amatu g’omuntu omugezi gawuliriza.
1618:16 Lub 32:20Ekirabo ky’omuntu kimuseguliza,
era kimutuusa ne mu maaso g’abeekitiibwa.
17Asooka okweyogerako y’afaanana ng’omutuufu,
okutuusa omulala lw’amubuuza ebibuuzo.
1818:18 Nge 16:33Okukuba akalulu kimalawo empaka,
era kisalawo eggoye wakati w’abawakana ab’amaanyi.
19Kyangu okuwamba ekibuga ekiriko bbugwe ow’amaanyi, okusinga okukomyawo owooluganda anyiize,
era ennyombo ziba ng’empagi z’ekigo.
2018:20 Nge 12:14Omuntu anakkutanga ebigambo ebiva mu kamwa ke;
ebibala ebijjula akamwa ke bye binamukkusanga.
2118:21 Nge 13:2-3; Mat 12:37Olulimi lulina obuyinza okuwa obulamu oba okutta,
era n’abo abalwagala balirya ebibala byalwo.
2218:22 a Nge 12:4 b Nge 19:14; 31:10Azuula omukazi omulungi ow’okuwasa aba azudde ekirungi,
era aganja eri Mukama.
23Omwavu yeegayirira,
naye omugagga addamu na bbogo.
2418:24 Nge 17:17; Yk 15:13-15Akwana emikwano emingi yeereetera okuzikirira,
naye wabaawo ow’omukwano akwagala ennyo okusinga owooluganda.
