111:1 a Lv 19:36; Ma 25:13-16; Nge 20:10, 23 b Nge 16:11Minzaani eteri ya mazima ya muzizo eri Mukama,
naye ebipimo ebituufu bye bimusanyusa.
211:2 a Nge 16:18 b Nge 18:12; 29:23Amalala bwe gajja, ng’obuswavu butuuse,
naye obwetoowaze buleeta amagezi.
311:3 Nge 13:6Obwesimbu bw’abatuukirivu bubaluŋŋamya,
naye enkwe z’abatali beesigwa zibazikirizisa.
411:4 a Ez 7:19; Zef 1:18 b Lub 7:1; Nge 10:2Obugagga tebugasa ku lunaku olw’okusalirwako omusango,
naye obutuukirivu buwonya okufa.
511:5 Nge 5:21-23Obutuukirivu bw’abalongoofu bubatambuliza mu kkubo eggolokofu
naye abakozi b’ebibi bagwa olw’ebikolwa byabwe ebibi.
6Obutuukirivu bw’abagolokofu bubawonya,
naye abatali beesigwa bagwa mu mutego olw’okwegomba ebibi.
711:7 Nge 10:28Omukozi w’ebibi bw’afa, essuubi lye libula,
ne byonna bye yasuubira mu maanyi bikoma.
811:8 Nge 21:18Omutuukirivu aggyibwa mu mitawaana,
naye jjijjira omukozi w’ebibi.
9Akamwa k’oyo atatya Katonda, kazikiriza muliraanwa,
naye olw’okumanya, abatuukirivu bawona.
1011:10 Nge 28:12Abatuukirivu bwe bakulaakulana ekibuga kijaguza;
abakozi b’ebibi bwe bazikirira wawulirwawo amaloboozi ag’essanyu.
1111:11 Nge 29:8Omukisa gw’abatuukirivu gukulaakulanya ekibuga:
naye olw’akamwa k’abakozi b’ebibi, ekibuga kizikirizibwa.
Abeesigwa n’Abatambuza Eŋŋambo
1211:12 Nge 14:21Omuntu atalina magezi anyooma muliraanwa we,
naye omuntu ategeera akuuma olulimi lwe.
1311:13 Lv 19:16; Nge 20:19; 1Ti 5:13Aseetula olugambo atta obwesigwa,
naye omuntu omwesigwa akuuma ekyama.
1411:14 a Nge 20:18 b Nge 15:22; 24:6Awatali kuluŋŋamizibwa eggwanga lidobonkana,
naye abawi b’amagezi abangi baleeta obuwanguzi.
1511:15 Nge 6:1Eyeeyimirira omuntu gw’atamanyiko alibonaabona,
naye oyo akyawa okweyimirira aliba bulungi.
1611:16 Nge 31:31Omukazi ow’ekisa aweebwa ekitiibwa,
naye abasajja ab’amawaggali bakoma ku bugagga bwokka.
17Omusajja alina ekisa aganyulwa,
naye alina ettima yeereetako akabi.
1811:18 Kos 10:12-13Omukozi w’ebibi afuna empeera ey’obukuusa,
naye oyo asiga eby’obutuukirivu akungula empeera eya nnama ddala.
19Omuntu omutuukirivu ddala alifuna obulamu,
naye oyo akola ebitali bya butuukirivu alifa.
2011:20 1By 29:17; Zab 119:1; Nge 12:2, 22Mukama akyawa abantu abalina emitima emikyamu,
naye ab’amakubo amagolokofu be bamusanyusa.
2111:21 Nge 16:5Mutegeerere ddala ng’abakozi b’ebibi tebalirema kubonerezebwa,
naye bazzukulu b’abatuukirivu tebalibaako musango.
22Ng’empeta ya zaabu mu nnyindo y’embizzi,
bw’atyo bw’abeera omukazi omulungi atalaba njawulo wakati w’ekirungi n’ekibi.
23Abatuukirivu bye beegomba bivaamu birungi byereere,
naye abakozi b’ebibi bye bakola bisunguwaza.
Omuntu Omugabi
24Omuntu agaba obuteerekereza, yeeyongera bweyongezi kugaggawala;
naye akwatirira kye yandigabye, yeeyongera kwavuwala.
2511:25 Mat 5:7; 2Ko 9:6-9Omuntu agaba anagaggawalanga,
n’oyo ayamba talibulako amuyamba.
26Abantu bakolimira oyo akweka eŋŋaano mu kiseera eky’obwetaavu,
naye oyo agitunda mu kiseera ekyo afuna emikisa.
2711:27 Es 7:10; Zab 7:15-16Oyo anyiikira okukola obulungi afuna okuganja,
naye oyo anoonya ekibi, kimujjira.
2811:28 a Yob 31:24-28; Zab 49:6; 52:7; Mak 10:25; 1Ti 6:17 b Zab 1:3; 92:12-14; Yer 17:8Oyo eyeesiga obugagga bwe aligwa,
naye abatuukirivu banaakulaakulananga ne baba ng’amalagala amalamu.
2911:29 Nge 14:19Omuntu aleeta emitawaana mu maka g’ewaabwe, alisikira mpewo;
era n’omusirusiru aliba muddu w’oyo alina omutima ogw’amagezi.
3011:30 Yak 5:20Ekibala ky’omutuukirivu muti gwa bulamu,
era n’oyo asikiriza emyoyo gy’abantu ne balokoka wa magezi.
3111:31 Nge 13:21; Yer 25:29; 1Pe 4:18Obanga omutuukirivu alifuna ekimusaanidde ku nsi kuno,
oyo atatya Katonda n’omwonoonyi balirema obutafuna ekibasaanidde?
