پەندەکانی سلێمان 4 – KSS & LCB

Amagezi ge gali ku Ntikko

14:1 Nge 1:8Muwulirize baana bange okuyigiriza kwange ng’okwa kitammwe,

era musseeyo omwoyo mufune okutegeera.

2Kubanga mbawa okuyigiriza okulungi;

temulekanga biragiro byange.

3Bwe nnali omuvubuka nga ndi ne kitange,

omwana omu yekka omwagalwa, owa mmange,

44:4 Nge 7:2yanjigiriza n’aŋŋamba nti, “Ebigambo byange bikuumenga ku mutima gwo,

kuuma ebiragiro byange obeere mulamu.

54:5 Nge 16:16Funa amagezi; funa okutegeera,

teweerabiranga era tovanga ku bigambo bya mu kamwa kange.

64:6 2Bs 2:10Togalekanga, nago ganaakukuumanga,

gaagale nago ganaakulabiriranga.

74:7 a Mat 13:44-46 b Nge 23:23Ddala amagezi kye kintu ekisingira ddala obukulu;

noolwekyo fuba ofune amagezi, era fubira ddala nnyo ofune okutegeera.

84:8 1Sa 2:30; Nge 3:18Amagezi gagulumize, nago gajja kukuyimusa,

gaanirize, nago gajja kukuweesa ekitiibwa.

94:9 Nge 1:8-9Amagezi gajja kukutikkira engule ey’ekisa,

era gakuwe n’engule ey’ekitiibwa.”

Enjawulo wakati w’Ab’amagezi n’Abagwenyufu

104:10 Nge 3:2Wuliriza ggwe, mutabani, era okkirize ebigambo byange

olyoke owangaalire ku nsi n’essanyu eringi.

114:11 1Sa 12:23Nkuluŋŋamya mu kkubo ery’amagezi,

ne nkukulembera mu makubo ag’obutuukirivu.

124:12 Yob 18:7; Nge 3:23Bw’onootambulanga, ekigere kyo kireme okuziyizibwa;

era bw’onoddukanga, tojjanga kwesittala.

134:13 Nge 3:22Nywerezanga ddala okuyigirizibwa, tokutanga:

kukuumenga kubanga bwe bulamu bwo.

144:14 Zab 1:1; Nge 1:15Toyingiranga mu kkubo ly’abakozi b’ebibi,

wadde okutambulira mu kkubo ly’abantu aboonoonyi.

15Lyewalenga, tolitambulirangamu,

liveeko okwate ekkubo lyo.

164:16 Zab 36:4; Mi 2:1Kubanga abakozi b’ebibi tebayinza kwebaka okuggyako nga bakoze ebibi,

era otulo tubabulira ddala bwe baba tebalina gwe bakozeeko bulabe.

17Okukola ebibi y’emmere yaabwe,

n’okukozesa eryanyi kye kyokunywa kyabwe.

184:18 a Is 26:7 b 2Sa 23:4; Dan 12:3; Mat 5:14; Baf 2:15Ekkubo ly’abatuukirivu liri ng’enjuba eyakavaayo,

eyeeyongera okwaka okutuusa obudde lwe butangaalira ddala.

194:19 Yob 18:5; Nge 2:13; Is 59:9-10; Yk 12:35Naye ekkubo ly’ababi liri ng’ekizikiza ekikutte,

tebamanyi kibaleetera kwesittala.

204:20 Nge 5:1Mutabani wange wuliriza n’obwegendereza ebigambo byange;

osseeyo omwoyo eri bye nkutegeeza;

214:21 Nge 3:21; 7:1-2ebigambo bino tebikuvangako,

bikuumire ddala mu mutima gwo,

224:22 Nge 3:8; 12:18kubanga bya bulamu eri abo ababifuna,

era biwonya omubiri gwabwe gwonna.

234:23 Mat 12:34; Luk 6:45Ekisinga byonna kuuma omutima gwo,

kubanga y’ensulo y’obulamu bwo.

24Weewalire ddala eby’obubambavu

era n’okwogera ebya swakaba.

25Amaaso go gatunulenga butereevu,

era otunulenga n’obumalirivu eyo gy’olaga.

264:26 Beb 12:13*Ttereeza bulungi amakubo go;

okwate amakubo ageesigika gokka.

274:27 Ma 5:32; 28:14Tokyamanga ku mukono ogwa ddyo oba ogwa kkono;

ebigere byo byewalenga ekkubo ekyamu.