Salmo 98Salmo 98 Ang titulo sa Hebreo: Isa ka kanta.
Dayawa ang Dios nga Manughukom
1Magkanta kita sang bag-o nga kanta sa Ginoo,
kay naghimo siya sang makatilingala nga mga butang!
Paagi sa iya kaugalingon nga gahom kag kusog napierdi niya ang aton mga kaaway.
2Ginpakita sang Ginoo sa mga nasyon nga ginbuligan niya kita kag ginpadaog.
3Wala niya ginkalimtan ang iya gugma kag katutom sa aton nga katawhan sang Israel.
Nakita sang tanan nga tawo sa bug-os nga kalibutan98:3 bug-os nga kalibutan: sa literal, pinakapunta sang kalibutan. kon paano kita ginpadaog sang aton Dios.
4Kamo nga mga katawhan sa bug-os nga kalibutan, maghinugyaw kamo sa Ginoo tungod sa kalipay.
Magkanta kamo sing malipayon sa pagdayaw sa iya.
5-6Magkanta kamo sang mga pagdayaw sa Ginoo nga ginatukaran sang mga arpa, mga trumpeta, kag mga budyong.
Kag maghinugyaw kamo sa kalipay sa presensya sang Ginoo nga aton Hari.
7Magkalipay ang kalibutan kag ang tanan nga nagapuyo sa iya,
pati na ang dagat kag ang tanan nga ara sa iya.
8Magpalakpak ang mga suba kag magdulungan kanta sa kalipay ang mga bukid.
9Magkalipay sila sa presensya sang Ginoo
kay magaabot siya sa paghukom sa mga tawo sa kalibutan.
Pagahukman niya sila sing husto, nga wala siya sing may pinilian.
Psalm 98
A psalm.
1Sing to the Lord a new song,
for he has done marvelous things;
his right hand and his holy arm
have worked salvation for him.
2The Lord has made his salvation known
and revealed his righteousness to the nations.
3He has remembered his love
and his faithfulness to Israel;
all the ends of the earth have seen
the salvation of our God.
4Shout for joy to the Lord, all the earth,
burst into jubilant song with music;
5make music to the Lord with the harp,
with the harp and the sound of singing,
6with trumpets and the blast of the ram’s horn—
shout for joy before the Lord, the King.
7Let the sea resound, and everything in it,
the world, and all who live in it.
8Let the rivers clap their hands,
let the mountains sing together for joy;
9let them sing before the Lord,
for he comes to judge the earth.
He will judge the world in righteousness
and the peoples with equity.
