Salmo 125 – Ang Pulong Sang Dios HLGN

Ang Pulong Sang Dios

Salmo 125:1-5

Salmo 125

Ang Seguridad sang Katawhan sang Dios

1Ang mga nagasalig sa Ginoo pareho sa Bukid sang Zion nga indi matay-og,

kundi nagapabilin sa wala sing katapusan.

2Subong nga ang mga bukid sa palibot sang Jerusalem nagaprotektar sa sini nga siyudad,

ang Ginoo nagaprotektar man sa iya katawhan subong kag hasta san-o.

3Ang malaot indi gid magpadayon sa pagdumala sa duta nga para sa mga matarong,

kay basi maghimo man sing malain ang mga matarong.

4Ginoo, himua ang maayo sa mga tawo nga maayo, nga nagakabuhi sing husto.

5Pero siluti kaupod sa mga malaot ang imo katawhan nga nagasunod sa indi husto nga pagginawi.

Kabay pa nga maayo lang ang kahimtangan sang Israel!