Salmo 116
Ang Dios Nagaluwas sa Tawo sa Kamatayon
1Ginahigugma ko ang Ginoo,
kay ginapamatian niya ang akon pagpangayo sang bulig sa iya.
2Tungod kay ginapamatian niya ako, indi ako mag-untat sa pagpanawag sa iya samtang nagakabuhi ako.
3Nahadlok ako kay nabatyagan ko nga daw dali na lang ako mapatay;
ang kamatayon daw sa lubid nga nagaburambod sa akon.
Natublag gid ako kag nabalaka,
4gani nagpanawag ako sa Ginoo, “Ginoo, luwasa ako!”
5Ang Ginoo nga aton Dios maluluy-on, matarong, kag mabinalak-on.
6Ginaprotektaran niya ang mga wala sing alam.
Sang wala ako sing may mahimo ginluwas niya ako.
7Dapat magpakalig-on ako tungod kay maayo gid ang Ginoo sa akon,
8kay ginluwas niya ako sa kamatayon, sa kasubo116:8 kasubo: ukon, kasakit. Sa literal, paghibi. kag sa kalaglagan.116:8 kalaglagan: sa literal, pagkasandad.
9Gani magakabuhi ako nga malapit sa Ginoo diri sa kalibutan sang mga buhi.
10Nagatuo gihapon ako, bisan pa nga nagsiling ako,116:10 Nagatuo… nagsiling ako: ukon, Nagtuo ako, gani nagsiling ako. “Puwerte gid ang akon pag-antos.”
11Sa akon kahadlok nagsiling ako, “Wala gid sing tawo nga masaligan.”
12Ano bala ang maibalos ko sa Ginoo sa tanan niya nga kaayo sa akon?
13Magasimba ako sa Ginoo kag magadala ako sang halad nga ilimnon sa pagpasalamat sa iya sa pagluwas niya sa akon.
14Tumanon ko ang akon mga promisa sa iya sa presensya sang tanan niya nga katawhan.
15Nasakitan ang Ginoo kon may mapatay sa iya matutom nga katawhan.116:15 Nasakitan… katawhan: ukon, Bilidhon sa panulok sang Ginoo ang kamatayon sang iya matutom nga katawhan.
16Ginoo, matuod nga alagad mo ako.116:16 matuod nga alagad mo ako: ukon, matuod nga alagad mo ako pareho sa akon iloy nga alagad mo man.
Ginhilway mo ako sa pagkabihag.
17Magasimba ako sa imo
kag magahalad ako sang halad nga bilang pagpasalamat sa imo.
18Tumanon ko ang akon mga promisa sa imo sa presensya sang tanan mo nga katawhan
19didto sa lagwerta sang imo templo sa Jerusalem.
Dayawa ang Ginoo!
Psalm 116
1I love the Lord, for he heard my voice;
he heard my cry for mercy.
2Because he turned his ear to me,
I will call on him as long as I live.
3The cords of death entangled me,
the anguish of the grave came over me;
I was overcome by distress and sorrow.
4Then I called on the name of the Lord:
‘Lord, save me!’
5The Lord is gracious and righteous;
our God is full of compassion.
6The Lord protects the unwary;
when I was brought low, he saved me.
7Return to your rest, my soul,
for the Lord has been good to you.
8For you, Lord, have delivered me from death,
my eyes from tears,
my feet from stumbling,
9that I may walk before the Lord
in the land of the living.
10I trusted in the Lord when I said,
‘I am greatly afflicted’;
11in my alarm I said,
‘Everyone is a liar.’
12What shall I return to the Lord
for all his goodness to me?
13I will lift up the cup of salvation
and call on the name of the Lord.
14I will fulfil my vows to the Lord
in the presence of all his people.
15Precious in the sight of the Lord
is the death of his faithful servants.
16Truly I am your servant, Lord;
I serve you just as my mother did;
you have freed me from my chains.
17I will sacrifice a thank-offering to you
and call on the name of the Lord.
18I will fulfil my vows to the Lord
in the presence of all his people,
19in the courts of the house of the Lord –
in your midst, Jerusalem.
Praise the Lord.116:19 Hebrew Hallelu Yah
