Nagreklamo ang mga Israelinhon kay Moises
1Nagreklamo ang mga Israelinhon tungod sa ila kabudlayan. Pagkabati sini sang Ginoo, naakig siya kag nagpadala siya sang kalayo nga nagsunog sang dulunan sang kampo. 2Tungod sini, nagpangayo sang bulig ang mga Israelinhon kay Moises, kag nagpangamuyo si Moises sa Ginoo. Kag napatay ang kalayo. 3Gani ang amo nga lugar gin-ngalanan nga Tabera,11:3 Tabera: buot silingon sa Hebreo, nagakalayo. kay nagpadala ang Ginoo sang kalayo sa ila.
4Karon, ang grupo sang mga indi Israelinhon nga nag-upod sa mga Israelinhon nagapangita sang mga pagkaon nga gusto nila kaunon, gani pati ang mga Israelinhon nagreklamo nga nagasiling, “Kuntani makakaon kita sang karne. 5Sang didto kita sa Egipto, makakaon kita sang isda nga libre kag sang mga pipino, mga melon, mga sibuyas, kag mga ahos. 6Pero diri wala kita gana magkaon;11:6 wala kita gana magkaon: ukon, nagaluya kita. puro lang manna ang aton ginakaon.”
7Inang manna daw sa mga liso nga magagmay kag maputi.11:7 maputi: Indi klaro ang buot silingon sang Hebreo sini. 8-9Ginapamulot ini sang mga Israelinhon sa duta kada aga, kag ginagaling nila ukon ginabayo sa lusong. Pagkatapos ginaluto nila sa kolon kag ginahimo nga manipis nga tinapay. Ang sabor sini pareho sa tinapay nga ginluto sa mantika nga halin sa olibo.
10Nabatian ni Moises ang reklamo sang kada pamilya sa puwertahan sang ila mga tolda. Puwerte gid ang kaakig sang Ginoo sa ila, kag si Moises nalainan man sa ila ginhimo. 11Nagpamangkot siya sa Ginoo, “Ngaa bala nga ginhatagan mo ako nga imo alagad sang dako nga problema? Ano bala ang ginhimo ko nga wala ka malipay, nga ginhatag mo sa akon ang problema sang sini nga mga tawo? 12Mga anak ko bala sila? Amay bala nila ako? Ngaa ginahambalan mo ako nga atipanon ko sila pareho sa isa ka yaya nga nagakugos sang isa ka lapsag, kag dal-on sila sa duta nga ginpromisa mo sa ila mga katigulangan? 13Sa diin bala ako makuha sang karne para sa sini nga katawhan? Kay nagasagi sila reklamo sa akon nga hatagan ko sila sang karne nga ila makaon. 14Indi ko masarangan nga atipanon sila tanan kon ako lang. Tama ini kabudlay para sa akon. 15Kon amo man lang sini ang pagtratar mo sa akon, patya na lang ako subong. Kon nalipay ka sa akon, indi ako pagpabay-i nga mag-antos.”
16Gani nagsiling ang Ginoo kay Moises, “Patipuna ang 70 sa mga manugdumala sang Israel nga kilala mo gid nga mga pangulo sang katawhan, kag pakadtua sila sa Tolda nga Ginapakigkitaan kag patinduga sila didto upod sa imo. 17Magakunsad ako kag magapakighambal sa imo didto, kag ihatag ko ang iban mo nga awtoridad11:17 awtoridad: sa literal, Espiritu; ukon, espiritu. sa ila agod makabulig sila sa imo sa pagdumala sa mga tawo, agod indi lang ikaw isa ang magpas-an sang sini nga mga responsibilidad.
18“Dayon silinga ang mga tawo nga magpakatinlo sila,11:18 magpakatinlo sila: buot silingon, tumanon nila ang seremonya sang pagpakatinlo. kay sa buwas may makaon sila nga karne. Isiling ini sa ila: ‘Nabatian ko ang inyo reklamo nga gusto ninyo magkaon sang karne. Kag nagasiling kamo nga mas maayo pa ang inyo kahimtangan sa Egipto. Gani sa buwas hatagan ko kamo sang karne agod makakaon kamo. 19Indi lang isa ka adlaw, ukon duha, ukon lima, ukon napulo, ukon beinte ka adlaw ang inyo pagkaon sini, 20kundi isa ka bulan, hasta nga masum-oran kamo11:20 masum-oran kamo: sa literal, magguluwa ini sa inyo mga ilong. kag indi na kamo magkaon sini. Kay ginsikway ninyo ako nga nagaupod sa inyo, kag nagreklamo kamo sa akon nga kuntani wala na lang kamo naghalin sa Egipto.’ ”
21Pero nagsiling si Moises, “600,000 tanan ang mga tawo nga kaupod ko, kag karon nagasiling ka nga hatagan mo sila sang karne nga ila kan-on sa sulod sang isa ka bulan? 22Bisan ihawon pa namon ang tanan nga karnero kag baka ukon dakpon ang tanan nga isda sa dagat indi ini makaigo sa ila.” 23Nagsiling ang Ginoo kay Moises, “May limitasyon bala ang akon gahom? Makita mo karon kon matabo ang ginsiling ko ukon indi.”
24Gani naglakat si Moises kag ginsilingan niya ang mga tawo sang ginsiling sang Ginoo. Gintipon niya ang 70 sa mga manugdumala kag ginpatindog sa palibot sang Tolda. 25Dayon nagkunsad ang Ginoo paagi sa panganod kag nagpakighambal kay Moises. Kag ginhatag sang Ginoo sa 70 ka manugdumala ang iban nga awtoridad11:25 awtoridad: Tan-awa ang footnote sa bersikulo 17. ni Moises. Kag sang mabaton nila ini naghalambalanon sila,11:25 naghalambalanon sila: Tan-awa man ang natabo sa 1 Sam. 10:5-13. pero wala na ato matabo liwat.
26Ang duha ka tawo nga si Eldad kag si Medad nga nalista upod sa 70 ka manugdumala wala nagkadto sa Tolda kundi nagpabilin sila sa kampo. Pero nabaton man nila ang awtoridad kag naghalambalanon man sila didto sa kampo. 27May isa ka bataon nga lalaki11:27 bataon nga lalaki: Siguro siya si Josue nga ginmitlang sa sunod nga bersikulo. nga nagdalagan pakadto kay Moises kag nagsugid nga nagahalambalanon si Eldad kag si Medad didto sa kampo. 28Si Josue nga anak ni Nun, nga nangin kabulig ni Moises halin sang bataon pa siya, nagsiling kay Moises, “Sir, pauntata sila.” 29Pero nagsabat si Moises, “Nabalaka ka bala kon mangin ano ang resulta sini sa akon pagkapangulo? Kon sa akon lang, gusto ko nga ang tanan nga katawhan sang Ginoo hatagan niya sang awtoridad agod magahalambalanon sila pareho sang mga propeta.” 30Dayon nagbalik si Moises kag ang mga manugdumala sang Israel sa kampo.
31Karon, nagpadala ang Ginoo sang hangin nga nagdala sang mga pitaw halin sa dagat. Naglinupad-lupad sila sa palibot sang kampo, nga mga tatlo ka tapak ang ila antad sa duta kag pila ka kilometro ang ila kalaparon. 32Gani sa sinang bilog nga adlaw nagpangdakop ang mga tawo sang mga pitaw hasta sa bilog nga gab-i, kag pagkasunod pa gid nga adlaw. Wala sing may nakakuha sing manubo sa 30 ka sako, kag ginbulad nila ini sa palibot sang kampo. 33Pero samtang ginausang pa nila ang karne, kag wala pa nila matulon, naakig gid ang Ginoo sa ila, kag ginpadal-an niya sila sang grabe nga kalalat-an. 34Gani gintawag ang amo nga lugar nga Kibrot Hataava11:34 Kibrot Hataava: buot silingon sa Hebreo, lulubngan sang mga dalok-dalok. tungod kay didto ginlubong ang mga tawo nga dalok-dalok sa karne. 35Halin didto, naglakat ang mga Israelinhon sa Hazerot kag didto nagkampo.
以色列人发怨言
1民众因为困难而发怨言，传到耶和华耳中。耶和华听见后便向他们发怒，使火在他们中间燃烧，烧毁了营地的边缘部分。 2民众呼求摩西，摩西便向耶和华祷告，火就熄了。 3那地方叫他备拉，因为耶和华的火曾在他们中间燃烧。
4他们中间有一群乌合之众贪恋从前的食物，以色列人也哭着说：“要是有肉吃多好啊！ 5还记得在埃及的时候，我们不花钱就可以吃鱼，还有黄瓜、西瓜、韭菜、葱和蒜。 6我们现在毫无胃口，眼前除了吗哪外，什么都没有。” 7吗哪的形状像芫荽籽，又像珍珠。 8-9每天晚上露水降在营地上时，吗哪也随着降下来。早晨民众到四周捡吗哪，把吗哪磨碎或捣碎后，放在锅里煮，再做成饼，味道就像油饼。 10听见民众都在自己帐篷门口哭泣，惹耶和华发怒，摩西感到难过， 11就对耶和华说：“你为什么为难仆人？我做了什么令你不悦的事，你竟把管理这些民众的重担放在我身上？ 12难道他们是我的骨肉，是我生的吗？为什么你要我像父亲呵护儿子一样，把他们抱到你应许给他们祖先的地方呢？ 13他们都哭着向我要肉吃，我去哪里找肉给他们吃呢？ 14管理民众的责任实在是太重了，我一个人担当不起啊！ 15你既然这样对待我，求你施恩杀了我吧，别让我受苦了！”
16耶和华对摩西说：“你给我招聚七十个以色列人的长老——你所了解的首领，把他们带到会幕，让他们站在你身边。 17我要在那里降临，对你说话，把降在你身上的灵也赐给他们，让他们为你分担管理民众的责任，免得你独自承担。 18你要叫民众洁净自己，到明天就会有肉吃。因为我听见了他们哭着要肉吃、说埃及的日子更好，我必给他们肉吃。 19他们将不止吃一天、两天、五天、十天或二十天， 20而是要吃整整一个月，直到肉从他们鼻孔里喷出来，令他们厌腻。因为他们厌弃我，在我面前哭诉，后悔离开埃及。” 21摩西说：“和我同行的，仅男子就有六十万，你还说要让他们吃整整一个月的肉！ 22就是把牛羊都宰了，把海里的鱼都捕来，恐怕也不够他们吃！” 23耶和华说：“难道我的臂膀能力不够吗？你很快将看见我的话会不会应验。”
24摩西就出去把耶和华的话转告民众，又选了七十位长老，叫他们站在会幕周围。 25耶和华在云中降临，对摩西说话，把降在摩西身上的灵也赐给七十位长老。灵一降在他们身上，他们就说起预言来，但只说了这一次。 26七十位长老中的伊利达和米达没有到会幕去，但耶和华的灵也降在他们身上，他们就在营中说起预言来。 27有一个青年跑去禀告摩西说：“伊利达和米达正在营中说预言。” 28摩西拣选的助手——嫩的儿子约书亚就说：“我主摩西，请你禁止他们。” 29摩西说：“你是怕我的权威受影响吗？愿耶和华的子民都成为先知！愿耶和华把祂的灵降在他们身上！” 30之后，摩西和以色列的长老都返回营中。
耶和华赐下鹌鹑
31耶和华刮起一阵风，把鹌鹑从海面刮到营地四周，达一米之厚，方圆数公里。 32民众花了两天一夜的时间去捕捉鹌鹑，每人至少捉了一吨。他们把鹌鹑摊在营地的周围。 33他们口中的肉还没嚼烂，耶和华的怒气就已向他们发作，降下了大灾。 34因此，那地方叫基博罗·哈他瓦11:34 “基博罗·哈他瓦”意思是“贪欲之墓”。，因为那些贪食者埋葬在那里。 35民众从基博罗·哈他瓦前往哈洗录，在哈洗录住了下来。
