Si Samson sa Gaza
1Isa ka adlaw, nagkadto si Samson sa Gaza nga isa ka banwa sang Filistinhon. May nakita siya didto nga isa ka babayi nga nagabaligya sang iya lawas, kag naghulid siya sa sadto nga babayi. 2Nabalitaan sang mga taga-Gaza nga didto si Samson, gani ginpalibutan nila ang banwa kag ginbantayan ang puwertahan sang banwa sa bilog nga gab-i. Wala sila magsalakay sang sadto nga gab-i. Nagdesisyon sila nga patyon nila si Samson sa kaagahon. 3Pero naghulid si Samson sa babayi hasta sang tungang gab-i lang. Dayon nagbangon siya kag nagkadto sa may puwertahan sang banwa. Ginkaptan niya ang puwertahan kag ginhukas dala ang mga haligi kag mga trangka sini. Dayon ginpas-an niya ini kag gindala sa putokputokan sang bukid nga nagaatubang sa Hebron.
Si Samson kag si Delila
4Sang ulihi, naluyag si Samson sa isa ka babayi nga nagaestar sa Sorek nga ililigan sang tubig. Ang iya ngalan amo si Delila. 5Karon, ginkadtuan sang mga pangulo sang mga Filistinhon si Delila kag ginsilingan, “Kombinsiha siya nga isugid niya sa imo ang sekreto kon ngaa puwerte siya kakusog kag kon paano siya mapierdi, agod magapos kag mabihag namon siya. Kon mahimo mo ina, ang kada isa sa amon magahatag sa imo sang 1,100 ka bilog nga pilak.”
6Gani ginpamangkot ni Delila si Samson. Siling niya, “Sugiri ako sang sekreto kon ngaa puwerte sa imo kakusog. Kag halimbawa, kon may maggapos ukon magdakop sa imo paano niya ini himuon?” 7Nagsabat si Samson, “Kon gapuson ako sing pito ka bag-o nga banting sang pana,16:7 banting sang pana: sa English, bowstring. mangin pareho na lang ang akon kusog sa iban nga mga tawo.”
8Sang mahibaluan ini sang mga pangulo sang mga Filistinhon, ginhatagan nila si Delila sang pito ka bag-o nga banting sang pana kag gin-gapos niya si Samson. 9May pila ka mga Filistinhon nga nagapanago sadto sa pihak nga kuwarto. Dayon nagsinggit si Delila, “Samson, may mga Filistinhon nga nag-abot sa pagdakop sa imo.” Pero ginpangbugto lang ni Samson ang mga banting sang pana nga daw pareho lang sa lubid nga nakatandog sa kalayo. Gani wala pa gid nila mahibaluan ang sekreto sang iya kusog.
10Nagsiling si Delila kay Samson, “Gin-into mo lang ako; nagbutig ka sa akon. Sige na, sugiri ako kon paano ka magapos.” 11Nagsiling si Samson, “Kon gapuson ako sang bag-o nga lubid nga wala pa gid magamit, mangin pareho na lang ang akon kusog sa iban nga mga tawo.”
12Gani nagkuha si Delila sang bag-o nga lubid nga wala pa gid magamit kag gin-gapos niya si Samson. May pila ka mga Filistinhon nga nagapanago sadto sa pihak nga kuwarto. Dayon nagsinggit si Delila, “Samson, may mga Filistinhon nga nag-abot sa pagdakop sa imo!” Pero ginpangbugto lang ni Samson ang higot sa iya butkon nga daw pareho lang sa hilo.
13Gani nagsiling liwat si Delila kay Samson, “Hasta subong ginainto mo lang gihapon ako kag ginabutigan. Sige na, sugiri ako kon paano ka magapos.” Nagsiling si Samson, “Kon ihigot mo ang pito ka salapid sang akon buhok sa teral16:13 teral: ukon, hablanan (sa English, loom). Ginagamit ini sa paghimo sang tela. kag hugton sang palpal, mangin pareho na lang ang akon kusog sa iban nga mga tawo.”
14Gani sang nagakatulog si Samson, ginhigot ni Delila ang pito ka salapid sang buhok ni Samson sa teral, kag nagsinggit dayon, “Samson, may mga Filistinhon nga nag-abot sa pagdakop sa imo.” Nakabugtaw si Samson kag ginpalos niya ang iya buhok sa teral.
15Gani nagsiling si Delila sa iya, “Siling mo ginahigugma mo ako, pero indi gali matuod. Tatlo na ka beses nga gin-into mo ako. Wala ka gid nanugid kon diin nagahalin ang imo kusog.” 16Adlaw-adlaw niya nga ginapamangkot si Samson hasta sang ulihi natak-an si Samson. 17Gani ginsugiran na lang siya ni Samson sang matuod. Siling ni Samson, “Wala gid maguntingi ang akon buhok bisan kaisa lang. Kay halin sang akon pagkatawo, gindedikar na ako sa Dios bilang isa ka Nazareo. Gani kon maguntingan ang akon buhok, mangin pareho na lang ang akon kusog sa iban nga mga tawo.”
18Nabatyagan ni Delila nga nagasugid si Samson sing matuod. Gani nagpasugo siya nga hambalan ang mga pangulo sang mga Filistinhon nga magbalik tungod kay nagsugid na sa iya si Samson sing matuod. Gani nagbalik ang mga pangulo, dala ang kuwarta nga ibayad kay Delila. 19Ginpatulog ni Delila si Samson sa iya paa, kag sang matulugan na ini, nagtawag siya sang isa ka tawo agod guntingon ang pito ka salapid sang buhok ni Samson. Gani nagluya si Samson, kag ginpadakop siya ni Delila. 20Nagsinggit si Delila, “Samson, may mga Filistinhon nga nag-abot sa pagdakop sa imo.” Pagbangon ni Samson abi niya nga makabuhi pa siya pareho sang ginhimo niya sadto. Pero wala siya kahibalo nga wala na nagbulig ang Ginoo sa iya. 21Gindakop siya sang mga Filistinhon kag ginlukat ang iya mga mata. Dayon gindala nila siya sa Gaza kag ginkadenahan sang saway. Ginpaobra nila siya sa sulod sang prisohan bilang manuggaling sang uyas. 22Pero amat-amat nga nagtubo liwat ang iya buhok.
Ang Pagkapatay ni Samson
23Isa sina ka bes, nagtilipon ang mga pangulo sang mga Filistinhon agod magsaulog kag maghalad sang madamo nga mga halad sa ila dios nga si Dagon. Sa ila nga pagsaulog nagakanta sila: “Ginpadaog kita sang aton dios kontra kay Samson nga aton kaaway.” 24-25Puwerte ang ila kinalipay kag nagsinggit sila, “Dal-a diri si Samson sa paglingaw sa aton!” Gani ginpaguwa si Samson sa prisohan. Kag sang makita siya sang mga tawo, gindayaw nila ang ila dios. Siling nila, “Ginpadaog kita sang aton dios sa aton kaaway nga naglaglag sa aton duta kag nagpamatay sang madamo sa aton.” Dayon ginpatindog nila si Samson sa tunga sang duha ka haligi kag ginhimo nga kaladlawan. 26Nagsiling si Samson sa suluguon16:26 suluguon: ukon, pamatan-on. nga nagatuytoy sa iya, “Pauyata ako sa haligi sang sini nga templo agod makasandig ako.” 27Puno sang tawo ang templo. Ato didto ang tanan nga pangulo sang mga Filistinhon. Sa atop lang, may ara sang 3,000 ka tawo, lalaki kag babayi. Nagakinasadya sila nga nagatan-aw kay Samson.
28Karon, nagpangamuyo si Samson: “O Ginoong Dios, dumduma ako. Kon mahimo, ibalik ang akon kusog bisan kaisa na lang agod nga makabalos ako sa mga Filistinhon sa paglukat nila sang akon mga mata.” 29Nagkapot si Samson sa duha ka sentro nga haligi nga nagatukod sa atop sang templo. Ang tuo niya nga kamot ara sa isa ka haligi kag ang wala ara sa isa pa ka haligi. 30Dayon nagsinggit siya, “Mapatay ako kaupod sang sini nga mga Filistinhon!” Kag gintulod niya ang duha ka haligi sa bug-os niya nga kusog, kag narumpag ang templo sa mga pangulo kag sa tanan nga tawo didto. Mas madamo pa ang iya napatay sang sadto nga tion sang sa nagakabuhi pa siya.
31Ang bangkay ni Samson ginkuha sang iya mga utod kag mga paryente kag ginlubong sa ginlubngan sang iya amay nga si Manoa, didto sa tunga-tunga sang Zora kag Eshtaol. Ginpanguluhan ni Samson ang Israel sa sulod sang 20 ka tuig.
参孙和大利拉
1一天，参孙去迦萨，看见一个妓女，就与她亲近。 2迦萨人得知参孙来了，便包围那地方，整夜埋伏在城门口，没有动手，心想：“等天一亮，我们就杀掉他。” 3可是，参孙睡到半夜就起来，把城门的门扇连门框和门闩一同拆下，扛到希伯仑对面的山顶上。
4后来，参孙在梭烈谷爱上一位名叫大利拉的女子。 5非利士人的首领就上去见这女子，对她说：“请你哄参孙说出他为何有这么大力气，我们怎样才能制服他，把他绑起来。事后，我们每人会给你一千一百块银子。” 6于是，大利拉问参孙：“求你告诉我，你为什么有这么大力气？用什么办法才能把你绑起来制服你？”
7参孙说：“如果我被七根还没干的青绳子绑着，我的力气便会和普通人一样。” 8非利士人的首领便把七根还没干的青绳子交给大利拉，她用那些绳子把参孙绑起来。 9有人已预先埋伏在她的内室，于是她喊道：“参孙，非利士人来捉你了！”但参孙挣断了绳子，就像挣断火烧过的麻线一样。因此，仍然没有人知道他为何力气过人。
10大利拉对参孙说：“你说谎捉弄我。现在请你告诉我，用什么方法才能绑住你？” 11参孙回答说：“如果用从未用过的新绳子绑住我，我的力气就会和普通人一样。” 12于是，大利拉让人埋伏在内室，她用七根新绳子绑住参孙，然后喊道：“参孙，非利士人来捉你了！”结果，参孙挣断了手臂上的绳子，就像挣断一根线一样。
13大利拉对参孙说：“到现在你还是说谎捉弄我。请你告诉我，用什么方法才能绑住你？”参孙说：“你把我的七根发辨和织布机的线编在一起，用橛子钉牢就可以了。” 14于是，大利拉把他的发辫和织布机的线编在一起，用橛子钉牢，然后喊道：“参孙，非利士人来捉你了！”参孙醒来，挣脱了织布机的橛子和线。
15大利拉对参孙说：“你既然不跟我说真心话，还说什么爱我！你捉弄了我三次，没告诉我你为何力气过人。” 16大利拉天天在他跟前唠叨不停，以致他烦得要死， 17就把秘密告诉了她。他说：“我从不剃发，因为我一出生就献给上帝做拿细耳人了。如果剃掉我的头发，我的力气就会和普通人一样。”
18大利拉见他说出了心中的秘密，就派人去通知非利士人的首领，说：“你们再来一次吧，他已经把秘密告诉我了。”于是，他们带着银子去了。 19大利拉哄参孙枕着她的腿睡觉，然后叫人来剃掉他的七根发辫，使他力气尽失，无力反抗。 20她喊道：“参孙，非利士人来捉你了！”参孙醒来，心想：“我要像前几次一样挣脱捆绑。”他却不知道耶和华已经离开他了。 21非利士人拿住他，剜了他的眼睛，把他带到迦萨，用铜链锁住他，让他在监牢里推磨。 22后来，他的头发又渐渐长出来了。
参孙之死
23非利士人的首领聚在一起向他们的神明大衮献大祭，欢呼说：“我们的神把仇敌参孙交在我们手中了。” 24众人看见参孙，就赞美他们的神明，说：“我们的神把仇敌交在我们手中了，他曾毁坏我们的田地，杀死我们许多人。” 25他们都兴高采烈，并喊道：“把参孙带来让我们消遣消遣。”于是，有人把参孙从监牢里提出来供他们消遣，他们让他站在两根柱子中间。 26参孙对拉着他手的童仆说：“带我到支撑这庙宇的柱子那里，我想靠一靠。” 27那时，庙里挤满了男男女女，非利士人的首领们都在场，房顶上还有三千男女看参孙的热闹。
28参孙向耶和华祷告说：“主耶和华啊，求你眷顾我！上帝啊，求你再次赐给我力量，使我向非利士人报剜眼之仇。” 29参孙就抱住庙宇中央的两根柱子，一手抱一根， 30然后喊道：“我要跟非利士人同归于尽！”于是，他一用力，庙宇倒塌，压住里面的首领和民众。参孙死时杀的人比他活着时杀的还多。 31参孙的兄弟和家人取走他的尸体，葬在琐拉和以实陶之间他父亲玛挪亚的墓地里。参孙做以色列的士师二十年。
