Si Samson kag ang Isa ka Babayi sa Timnah
1Sang isa ka tion, nagkadto si Samson sa Timnah, kag may nakita siya didto nga isa ka dalaga nga Filistinhon. 2Sang magpauli siya, ginsugiran niya ang iya mga ginikanan. Siling niya, “May nakita ako didto sa Timnah nga isa ka babayi nga Filistinhon. Ipaasawa ninyo siya sa akon.”
3Pero nagsabat ang iya mga ginikanan, “Ngaa gusto mo gid magpangasawa halin sa mga Filistinhon nga wala nagatuo sa Dios?14:3 wala nagatuo sa Dios: sa literal, wala matuli. Wala ka gid bala sing may napilian sa aton mga paryente ukon kasimanwa?” Nagsabat si Samson sa iya amay, “Basta, siya ang ipaasawa ninyo sa akon.” 4Wala gali nakahibalo ang mga ginikanan ni Samson nga ang iya desisyon gintugutan sang Ginoo. Kay nagapangita ang Ginoo sang kahigayunan nga magpakig-away sa mga Filistinhon, tungod kay sadto nga tion ang Israel sakop sang mga Filistinhon.
5Karon, nagkadto si Samson sa Timnah upod ang iya mga ginikanan. Sang nagapadulong si Samson14:5 si Samson: sa Septuagint, siya. Sa Hebreo, sila. sa mga talamnan sang ubas sa Timnah, gulpi lang nga ginsugata siya sang isa ka bataon nga leon nga nagangurob. 6Gin-gamhan siya sang Espiritu sang Ginoo, kag ginpihak niya ang leon paagi sa iya mga kamot pareho lang nga daw nagapihak siya sang bataon nga kanding. Pero wala niya ini ginsugid sa iya mga ginikanan. 7Ginkadtuan dayon ni Samson ang babayi kag gin-estorya. Naluyag na gid siya tapat sa babayi.
8Pagkaligad sang mga pila ka adlaw, nagbalik siya sa Timnah agod pakaslan ang babayi. Didto siya nag-agi sa dalan nga sa diin ginpatay niya ang leon agod tan-awon ang lawas sini. Kag nakita niya ang madamo nga mga putyukan kag dugos sa lawas sang leon. 9Ginkandos niya sang iya kamot ang dugos kag ginkaon samtang nagalakat. Sang nagkitaay sila sang iya mga ginikanan, ginhatagan niya sila sang dugos, kag ginkaon man nila ini. Pero wala niya sila ginsugiran nga ginkuha niya ini sa lawas sang patay nga leon.
10Karon nagkadto ang amay ni Samson sa balay sang iya mangin umagad, kag didto nagpapunsyon si Samson suno sa kinabatasan nila nga dapat himuon sang nobyo. 11Sang didto si Samson ginhatagan siya sang 30 ka bataon nga mga lalaki sa pag-upod sa iya. 12Nagsiling si Samson sa ila, “May ipapakot ako sa inyo. Kon mapakot gani ninyo sa indi pa matapos ang pito ka adlaw nga punsyon, hatagan ko kamo sang 30 ka tela nga linen kag 30 man ka malahalon nga bayo. 13Pero kon indi gani ninyo mapakot, kamo ang magahatag sa akon sang 30 ka tela nga linen kag 30 ka malahalon nga bayo.” Nagsabat sila, “Sige, ihambal sa amon ang imo paktakon.”14:13 paktakon: sa English, riddle.
14Nagsiling si Samson,
“Halin sa nagapangaon, nagguwa ang pagkaon,
kag halin sa makusog, nagguwa ang matam-is.”
Nagligad ang tatlo ka adlaw pero wala gid nila ini mapakot. 15Sang ikaapat na nga adlaw, ginsilingan nila ang asawa ni Samson, “Kombinsiha ang imo bana nga isugid niya sa imo ang sabat sa paktakon agod mahibaluan namon. Kon indi, sunugon ka namon pati ang panimalay sang imo amay. Gin-imbitar bala ninyo kami sa sini nga punsyon agod kuhaan sang pagkabutang?”
16Gani, nagkadto ang babayi kay Samson nga nagahilibion. Siling niya, “Wala mo gali ako ginahigugma. Nagpapakot ka sa akon mga kasimanwa pero wala mo ako ginsugiran sang sabat.” Nagsabat si Samson, “Wala ko gani ginsugid sa akon mga ginikanan, sa imo pa.” 17Halin sadto padayon ang hilibion sang babayi hasta sa ikapito nga adlaw. Gani ginsugid na lang ni Samson sa iya ang sabat tungod kay sige ang iya pagpamilit. Kag ang ginsugid ni Samson sa iya ginsugid man niya sa iya mga kasimanwa. 18Gani antes matapos ang ikapito nga adlaw, ginsabat nila ang paktakon. Siling nila kay Samson,
“Wala na sing may matam-is pa sang sa dugos,
kag wala na sing may makusog pa sang sa leon.”
Nagsabat si Samson,
“Kon wala ninyo ginpilit ang akon asawa,14:18 Kon wala ninyo ginpilit ang akon asawa: sa literal, Kon wala ninyo pag-iarado ang akon bakiya nga baka.
wala kuntani kamo kahibalo sang sabat.”
19Sa liwat gin-gamhan sang Espiritu sang Ginoo si Samson. Nagkadto siya sa Ashkelon kag didto ginpamatay niya ang 30 ka tawo kag ginkuhaan sang mga pagkabutang kag mga bayo. Dayon ginhatag niya ang mga bayo sa mga tawo nga nakasabat sang iya paktakon. Pagkatapos nagpauli siya sa iya mga ginikanan nga akig gid katama tungod sa natabo. 20Ang asawa ni Samson ginpaasawa sa lalaki nga nag-abay sa ila kasal.
參孫娶非利士女子為妻
1參孫下到亭拿，在那裡看中了一個非利士女子。 2他回到家裡便對父母說：「我在亭拿看中一個非利士女子，把她給我娶來做妻子吧！」 3他父母說：「難道我們的親族和同胞中，沒有一個令你滿意的女子嗎？你為什麼要娶未受割禮的非利士人的女子呢？」參孫卻說：「我很喜歡她，請給我把她娶過來吧！」
4他的父母不知道這事是出於耶和華的旨意，祂要找機會對付非利士人。那時，非利士人統治著以色列。
5參孫跟父母一起去亭拿，走到亭拿的葡萄園時，有一頭壯獅吼叫著撲向他。 6耶和華的靈降在參孫身上，他雖然手無寸鐵，竟撕裂了那頭獅子，就像撕裂一隻山羊羔一樣。他沒有把這事告訴父母。 7到了亭拿，參孫跟那女子交談，很喜歡她。 8過了些日子，參孫下去迎娶她，途中他順便去看那隻死獅子，見死獅子體內有一群蜜蜂和一些蜂蜜， 9就用手取了一些蜜，邊走邊吃。到了父母那裡，他給了他們一些，他們也吃了。但他沒有告訴父母蜂蜜是從死獅子體內取的。
10參孫的父親去那女子家，參孫按習俗擺設宴席。 11眾人看見參孫，就安排了三十個人陪他。 12參孫對他們說：「我出一個謎語，如果你們可以在這七天的婚宴期間猜出來，我就送你們三十件細麻衣和三十件外袍。 13如果猜不中，你們就要給我三十件細麻衣和三十件外袍。」他們說：「請你出謎語吧！」 14參孫說：
「食物出自食者，
甜物出自強者。」
三天過後，他們仍然猜不出來。
15到了第四天，他們對參孫的妻子說：「你要哄你的丈夫把謎底說出來，不然我們就把你和你父親一家全燒死。你們邀請我們來，難道是要叫我們傾家蕩產嗎？」 16於是，參孫的妻子向他哭訴說：「你是恨我，不是愛我。你給我的族人出了謎語，卻沒有告訴我謎底。」參孫回答說：「我連父母都沒有告訴，又怎能告訴你呢？」 17在七天的婚宴期間，她一直在丈夫跟前哭哭啼啼。到了第七天，參孫經不住妻子的催逼就把謎底告訴了她。她把謎底告訴了她的族人。 18在第七天日落之前，城裡的人對參孫說：
「有什麼比蜂蜜更甜？
有什麼比獅子更強？」
參孫說：
「你們若不是利用我的小母牛耕田，
肯定猜不出來。」
19耶和華的靈降在參孫身上，他便去亞實基倫殺了三十個人，擄走他們的衣服，交給猜中謎語的那些人，然後怒氣沖沖地回父親家去了。 20參孫的妻子後來歸了他的伴郎。
