Ginpierdi ni David ang mga Ammonhon kag mga Arameanhon
(2 Sam. 10:1-19)
1Sang ulihi, napatay si Nahash nga hari sang mga Ammonhon. Kag ang iya anak nga si Hanun amo ang nagbulos sa iya bilang hari. 2Nagsiling si David, “Pakitaan ko sang kaayo si Hanun tungod nga maayo ang iya amay sa akon.” Gani nagpadala si David sang mga opisyal sa pagpakita sang iya pag-unong sa kalisod ni Hanun tungod sa pagkapatay sang iya amay.
Pero sang pag-abot sang mga opisyal ni David kay Hanun didto sa duta sang mga Ammonhon, 3nagsiling ang mga opisyal sang mga Ammonhon kay Hanun, “Nagahunahuna ka bala nga ginadumdom ni David ang imo amay paagi sa pagpadala sang mga tawo sa pag-unong sa imo kalisod? Indi ayhan nagkadto sila diri sa pagpang-espiya sa aton duta kag laglagon ini?”
4Gani ginpadakop ni Hanun ang mga tinawo ni David kag ginpabalbasan ang ila mga burangos. Ginpagutrab man niya ang ila mga bayo halin sa balikawang paidalom kag dayon ginpapauli sila. 5Nahuya gid sila nga magpauli. Sang mabalitaan ni David ang natabo sa iya mga tinawo, nagpadala siya sang mga mensahero sa paghambal sa iya mga tinawo nga magpabilin lang anay sila sa Jerico hasta nga magtubo ang ila mga burangos, kag dayon makapauli na sila.
6Nareyalisar sang mga Ammonhon nga ginpaakig gid nila si David. Gani nagbayad sila sing mga 35 ka tonelada nga pilak agod arkilahan ang karwahe kag mga manugkarwahe sang Aram Naharaim,19:6 Aram Naharaim: isa ka lugar sa Mesopotamia. Aram Maaca, kag Zoba. 7Ang kadamuon sang mga karwahe kag mga manugkarwahe 32,000. Nag-ugyon man sa ila ang hari sang Maaca kag ang iya mga soldado. Nagkampo ini nga mga grupo malapit sa Medeba. Nagguwa man ang mga Ammonhon sa ila mga banwa kag nagpreparar sa pagpakig-away. 8Pagkabati sini ni David, ginpadala niya si Joab kag ang tanan nga maisog nga mga soldado sa pagpakig-away. 9Nagplastar ang mga Ammonhon sa pagpakig-away sa may puwertahan sang ila banwa, samtang ang mga hari nga nag-ugyon sa ila nagplastar sa kapatagan.
10Sang makita ni Joab nga may mga kaaway sa iya atubang kag likod, nagpili siya sang pinakamaayo nga mga soldado sang Israel, kag ginpanguluhan niya sila sa pagpakig-away sa mga Arameanhon. 11Ang nabilin nga mga soldado ginpapanguluhan niya kay Abishai nga iya utod sa pagpakig-away sa mga Ammonhon. 12Nagsiling si Joab kay Abishai, “Kon makita mo nga daw mapierdi na kami sang mga Arameanhon, buligan ninyo kami, kag kon kamo man ang daw mapierdi sang mga Ammonhon buligan namon kamo. 13Magpakabaskog kita! Magpakig-away kita nga may kaisog para sa aton katawhan kag sa mga banwa sang aton Dios. Himuon sang Ginoo kon ano ang maayo para sa iya.”
14Dayon nagsalakay si Joab upod sang iya mga tinawo, kag nagpalalagyo ang mga Arameanhon sa ila. 15Pagkakita sang mga Ammonhon nga nagapalalagyo ang mga Arameanhon, nagpalagyo man sila kay Abishai nga utod ni Joab, kag nagsulod sa ila banwa. Gani nagpauli sila ni Joab sa Jerusalem.
16Sang mareyalisar sang mga Arameanhon nga napierdi sila sang mga Israelinhon, nagpadala sila sang mga mensahero sa mga kaupod nila nga mga Arameanhon didto sa pihak sang Suba sang Eufrates agod pangabayon sila nga magbulig sa ila. Nag-abot ini nga grupo nga ginapanguluhan ni Shofac19:16 Shofac: ukon, Shobac. nga kumander sang mga soldado ni Hadadezer.
17Sang mahibaluan ini ni David, ginpatipon niya ang tanan nga soldado sang Israel sa pagpakig-away. Dayon nagtabok sila sa Suba sang Jordan kag nagplastar nga nagaatubang sa mga Arameanhon, kag dayon nag-inaway sila. 18Pero nagpalalagyo ang mga Arameanhon sa mga Israelinhon. Nakapatay sila ni David sang 7,000 ka manugkarwahe kag 40,000 ka soldado nga nagalakat lang. Napatay man nila si Shofac, ang kumander sang mga soldado. 19Sang makita sang mga sakop ni Hadadezer nga napierdi na sila sang mga Israelinhon, nagpakig-abyan sila kay David kag nagpasakop sa iya. Gani halin sadto indi na magbulig ang mga Arameanhon sa mga Ammonhon.
大衛擊敗亞捫人和亞蘭人
1後來，亞捫王拿轄死了，他兒子繼位。 2大衛說：「我要恩待拿轄的兒子哈嫩，因為他父親曾經恩待我。」他便派臣僕去安慰喪父的哈嫩。大衛的臣僕來到亞捫境內要安慰哈嫩， 3亞捫的官長卻對哈嫩說：「大衛派人來安慰你，你以為他是來弔唁你父親嗎？他的臣僕來見你不過是來探聽虛實，想征服這地方。」 4哈嫩便把大衛的臣僕抓起來，剃去他們一半鬍子，割去他們下身的衣服，然後放走他們。 5消息傳到大衛那裡，他就派人去迎接他們，告訴他們住在耶利哥，等鬍鬚長好了再回來，因為他們倍覺羞辱。
6哈嫩及其他亞捫人知道得罪了大衛，就派人用三十四噸銀子從美索不達米亞、亞蘭瑪迦和瑣巴招兵買馬， 7雇了三萬二千輛戰車和瑪迦王及其軍隊。他們在米底巴附近紮營，亞捫人也從各城出來準備作戰。 8大衛聽見消息後，就派約押率領全體勇士出戰。 9亞捫人在城門前列陣，來助戰的諸王在郊野列陣。
10約押見自己前後受敵，就從以色列軍中挑選一些精兵迎戰亞蘭人， 11把餘下的軍兵交給他的兄弟亞比篩領導，迎戰亞捫人。 12他對亞比篩說：「倘若我勝不過亞蘭人，你便過來支援我；倘若你勝不過亞捫人，我便過去支援你。 13我們要剛強，為我們的人民和我們上帝的城邑而奮勇作戰。願耶和華成全祂自己的旨意！」 14於是，約押率領軍兵進攻亞蘭人，亞蘭人敗逃。 15見亞蘭人敗逃，亞捫人也逃離亞比篩，退回城中。約押便回師耶路撒冷。
16亞蘭人見自己敗在以色列人手下，就派使者調來幼發拉底河那邊的亞蘭人，由哈大底謝的將軍朔法率領。 17大衛聽到消息後，就召集以色列全軍，渡過約旦河，列陣與亞蘭人交戰。 18他們擊潰了亞蘭人，殺了七千名戰車兵、四萬步兵，還殺了他們的將軍朔法。 19哈大底謝的屬下見自己敗於以色列人，便向大衛求和，臣服於他。從此，亞蘭人不敢再支援亞捫人了。
