Phulusa ndi Madzi Oyeretsera
1Yehova anati kwa Mose ndi Aaroni: 2“Lamulo limene Yehova wapereka ndi ili: Uzani Aisraeli kuti abweretse ngʼombe yayikazi yofiira yopanda chilema chilichonse imenenso sinakhalepo pa goli. 3Muyipereke kwa Eliezara, wansembe ndipo apite nayo kunja kwa msasa. Iphedwe iye ali pomwepo. 4Ndipo Eliezara wansembe atengeko ena mwa magazi a ngʼombeyo ndi chala chake ndi kuwaza kasanu nʼkawiri ku tsogolo kwa tenti ya msonkhano. 5Wansembeyo akuona, ngʼombeyo ayiwotche chikopa chake, mnofu wake, magazi ake ndi zamʼkati zake. 6Wansembe atenge mtengo wamkungudza, hisope ndi kansalu kofiira ndipo aponye zimenezo pakati pa moto umene akuwotchera ngʼombeyo. 7Zitatha izi, wansembeyo ayenera kuchapa zovala zake ndiponso asambe ndi madzi. Iye angathe kupita ku msasa, komabe adzakhala wodetsedwa mpaka madzulo. 8Munthu amene amawotcha ngʼombeyo ayeneranso kuchapa zovala zake ndi kusamba ndi madzi. Iyenso adzakhala wodetsedwa mpaka madzulo.
9“Munthu amene ndi woyeretsedwa achotse phulusa la ngʼombeyo ndi kuliyika pa malo woyeretsedwa kunja kwa msasa. Aisraeli adzasunge phulusalo kuti azikaligwiritsa ntchito polithira mʼmadzi woyeretsera ndi wochotsera tchimo. 10Munthu wochotsa phulusa la ngʼombeyo ayeneranso kuchapa zovala zake. Iyenso adzakhala wodetsedwa mpaka madzulo. Ili likhale lamulo la nthawi zonse kwa Aisraeli ndi alendo okhala pakati pawo.
11“Aliyense wokhudza mtembo wa munthu wina aliyense adzakhala wodetsedwa masiku asanu ndi awiri. 12Adziyeretse yekha ndi madzi pa tsiku lachitatu ndi pa tsiku lachisanu ndi chiwiri ndipo adzayeretsedwa. Koma ngati sadziyeretsa yekha pa tsiku la chitatu ndi lachisanu ndi chiwiri sadzakhala woyeretsedwa. 13Aliyense amene akhudza mtembo wa munthu nʼkulephera kudziyeretsa yekha, ndiye kuti wadetsa Nyumba ya Yehova. Munthu ameneyo achotsedwe pakati pa Aisraeli. Iye ndi wodetsedwa chifukwa sanamuwaze madzi oyeretsa; kudetsedwa kwake kukhalabe pa iyeyo.
14“Pamene munthu wamwalira mu tenti, lamulo lomwe ligwire ntchito ndi ili: Aliyense wolowa mu tentimo ndi amene anali momwemo adzakhala odetsedwa kwa masiku asanu ndi awiri, 15ndiponso chiwiya chilichonse chopanda chivundikiro chidzakhala chodetsedwa.
16“Aliyense wokhudza munthu amene waphedwera kunja ndi lupanga kapena amene wafa ndi imfa ya chilengedwe, kapena aliyense wokhudza fupa la munthu kapena manda, munthu ameneyo adzakhala wodetsedwa kwa masiku asanu ndi awiri.
17“Za munthu wodetsedwayo: ikani phulusa lochokera ku nsembe ya chiyeretso mu mtsuko ndi kuthiramo madzi abwino. 18Tsono munthu woyeretsedwa atenge hisope, amuviyike mʼmadzi ndi kuwaza tentiyo ndi zipangizo zonse, pamodzi ndi anthu anali mʼmenemo. Ayenera kuwazanso aliyense wakhudza fupa kapena, munthu wochita kuphedwa, kapena amene wafa ndi imfa ya chilengedwe kapenanso amene wakhudza manda. 19Munthu woyeretsedwa ndiye awaze munthu wodetsedwayo pa tsiku lachitatu ndi pa tsiku lachisanu ndi chiwiri, ndipo pa tsiku lachisanu ndi chiwiri amuyeretse. Munthu amene akuyeretsedwayo ayenera kuchapa zovala zake ndi kusamba ndi madzi, ndipo madzulo ake adzakhala woyeretsedwa. 20Koma ngati munthu wodetsedwayo sadziyeretsa yekha, ndiye kuti ayenera kuchotsedwa pakati pa gulu chifukwa anadetsa malo wopatulika a Yehova, popeza sanawazidwe madzi oyeretsa ndiye kuti ndi wodetsedwa. 21Ili ndi lamulo lokhazikika kwa iwo.
“Munthu amene amawaza madzi oyeretsawo ayenera kuchapa zovala zake ndipo yense wokhudza madzi oyeretserawo adzakhala wodetsedwa mpaka madzulo. 22Chilichonse chimene munthu wodetsedwayo achikhudze chidzakhala chodetsedwa ndiponso aliyense wochikhudza adzakhala wodetsedwa mpaka madzulo.”
紅母牛的灰
1耶和華對摩西和亞倫說： 2「要吩咐以色列人遵行我頒佈的以下律法條例。
「以色列人要牽來一頭毫無殘疾、從未負過軛的紅母牛。 3你們要把牛交給以利亞撒祭司，然後牽到營外，當著他的面把牛宰了。 4以利亞撒祭司要用指頭蘸牛血，向會幕前面彈七次。 5然後，要當著他的面焚燒紅母牛，牛的皮、肉、血和糞都要燒掉。 6祭司要把香柏木、牛膝草、朱紅色線扔進燒牛的火裡。 7之後，祭司要洗衣沐浴，才能回營，但要等到傍晚才能潔淨。 8負責燒牛的人也要洗衣、沐浴，並且要等到傍晚才能潔淨。 9要由潔淨的人把紅母牛灰收起來，放在營外潔淨的地方，用於給以色列會眾製作除穢水，作除罪之用。 10收起牛灰的人也要洗淨衣服，等到傍晚才能潔淨。以色列人和寄居的外族人都要永遠遵行這定例。
11「碰過屍體的人，七天不潔淨。 12他要在第三天和第七天用除穢水自潔，才能潔淨，否則就不能潔淨。 13若有人碰過屍體卻不自潔，他就玷污了耶和華的聖幕，要將他從以色列人中剷除，因為除穢水沒有灑在他身上，污穢還留在他身上。 14若有人死在帳篷裡，當時走進帳篷的或在場的人都七天不潔淨。 15帳篷裡沒有蓋的敞口器皿都不潔淨。 16人若在野外碰過被殺或自然死亡之人的屍體，或碰過死人的骸骨或墳墓，就七天不潔淨。 17要拿些除罪用的紅母牛灰，放在器皿裡，倒上清水， 18然後由潔淨的人拿牛膝草蘸這水灑在帳篷及裡面所有的人和器具上，也要灑在碰過骸骨、墳墓、被殺者屍體或自然死亡者屍體的人身上。 19要由潔淨的人在第三天和第七天把水灑在不潔淨的人身上。到第七天，接受潔淨禮的人要洗衣、沐浴，等到傍晚才能潔淨。 20若有人沾了污穢卻沒有用除穢水自潔，他就不潔淨，要將他從會眾中剷除，因為他玷污了耶和華的聖所。 21你們要永遠遵行這定例。灑除穢水的人要洗淨衣服。碰過除穢水的人要等到傍晚才能潔淨。 22不潔淨的人碰過的東西都不潔淨，碰過這些東西的人傍晚之前都不潔淨。」
