Davide ndi Yonatani
1Tsono Davide anathawa ku Nayoti ku Rama ndi kupita kwa Yonatani ndipo anamufunsa kuti, “Kodi ine ndinachita chiyani? Kodi ndinalakwa chiyani? Kodi abambo ako ndinawalakwira chiyani kuti azifuna kundipha?”
2Yonatani anayankha kuti, “Sizitheka! Iwe sufa ayi! Taona abambo anga sachita chinthu chilichonse chachikulu kapena chachingʼono wosandiwuza ine. Tsopano abambo anga angandibisire bwanji zimenezi? Sichoncho ayi.”
3Koma Davide analumbira kuti, “Abambo ako akudziwa bwino lomwe kuti iwe umandikonda ndipo iwo amaganiza kuti, Yonatani sayenera kudziwa zimenezi mwina adzamva chisoni kwambiri. Komabe, pali Yehova ndi pali iwe, imfa sinanditalikire.”
4Yonatani anawuza Davide kuti, “Chilichonse chimene iwe ukufuna kuti ndichite, ndidzakuchitira.”
5Ndipo Davide anati, “Taona mawa ndi tsiku la chikondwerero cha mwezi watsopano, ndipo ine ndiyenera kukadya ndi mfumu. Koma undilole ndipite ndikabisale mʼmunda mpaka mkuja madzulo. 6Ngati abambo ako akafunsa za ine, ukawawuze kuti, ‘Davide anandiwumiriza kuti ndimulole apite msanga kwawo ku Betelehemu, chifukwa akupereka nsembe yapachaka ya banja lonse.’ 7Akanena kuti, ‘Wachita bwino,’ ndiye kuti zinthu zindiyendera bwino ine mtumiki wako. Koma ngati akapsa mtima, ndiye udziwe kuti iwo atsimikiza zondichita zoyipa. 8Koma undikomere mtima ine mtumiki wako, pakuti unapangana nane pangano pamaso pa Yehova. Ngati ndine wolakwa undiphe ndiwe, koma usandipereke kwa abambo ako.”
9Yonatani anati, “Sizitheka! Ndikanadziwa kuti abambo anga atsimikiza kuti akuchite choyipa, kodi sindikanakuwuza?”
10Davide anafunsa kuti, “Adzandiwuza ndani ngati abambo ako akuyankhe mwaukali?”
11Yonatani anawuza Davide kuti, “Tiyeni tikayende ku mundako.” Ndipo anapita onse awiri.
12Kenaka Yonatani anawuza Davide kuti, “Yehova Mulungu wa Israeli akhale mboni! Ine ndikadzafunsa abambo anga nthawi yonga ino mmawa kapena mkuja, ndipo ndikadzapeza kuti akukufunira zabwino, ine ndidzatuma mawu kuti udziwe. 13Koma ngati abambo anga atsimikiza kukuchita choyipa, Yehova andilange ine Yonatani, ndipotu kwambiri ngati sindidzakudziwitsa ndi kukulola kuti upite mu mtendere. Yehova akhale nawe monga anakhalira ndi abambo anga. 14Ndikakhalabe ndi moyo udzandionetse kukoma mtima monga kwa Yehova nthawi yonse ya moyo wanga, kuti ine ndisaphedwe. 15Ndipo usadzaleke kuchitira chifundo banja langa. Pamene Yehova adzawatha adani onse a Davide pa dziko lapansi.”
16“Dzina la ine Yonatani lisadzafafanizidwe nawo pamodzi. Yehova alange adani onse a Davide.” 17Kenaka Yonatani anamulumbiritsanso Davide kuti asaleke kumukonda, pakuti ankamukonda monga ankadzikondera yekha.
18Kenaka Yonatani anawuzanso Davide kuti, “Mawa ndi tsiku la chikondwerero cha mwezi watsopano. Zidzadziwika kuti iwe palibe chifukwa mpando wako udzakhala wopanda munthu. 19Mkuja adzakufunafuna. Tsono udzapite pamalo pamene unabisala poyamba paja ndipo ukadikire pa mulu wa miyala uli apowo. 20Ine ndidzaponya mivi itatu pambali pake, ngati ndikulasa chinthu. 21Ndipo ndidzatuma mnyamata ndi kuti, ‘Pita ukatole miviyo!’ Ngati ndidzanena kwa iye kuti, ‘Taona, mivi ili mbali yakuno, kayitole,’ iwe ukatuluke, pakuti ndikulumbira, pali Yehova Wamoyo, ndiye kuti zako zili bwino, palibe choopsa chilichonse. 22Koma ndikadzati, ‘Taona mivi ili patsogolo pako,’ iwe udzachoke chifukwa Yehova ndiye walola kuti uchokepo. 23Tsono zimene tapanganazi Yehova ndiye mboni pakati pa iwe ndi ine mpaka muyaya.”
24Choncho Davide anakabisala mʼmunda ndipo nthawi ya chikondwerero cha mwezi watsopano itakwana mfumu Sauli anadzakhala pansi kuti adye. 25Iye anakhala pa malo ake a nthawi zonse pafupi ndi khoma moyangʼanana ndi Yonatani, ndipo Abineri anakhala moyandikana ndi Sauli, koma pa malo a Davide panalibe munthu. 26Sauli sananene chilichonse tsiku limenelo pakuti ankaganiza kuti “Chilipo chimene chachitika ndi Davide. Mwina mwake ngosayenera za chipembedzo.” 27Koma pa tsiku lachiwiri la chikondwerero cha mwezi watsopano pamalo pa Davide panalibenso munthu. Kenaka Sauli anafunsa Yonatani kuti, “Nʼchifukwa chiyani mwana wa Yese sanabwere kudzadya, dzulo ngakhale lero?”
28Yonatani anayankha kuti, “Davide anandiwumiriza kuti ndimulole kuti apite ku Betelehemu. 29Anati, ‘Undilole ndipite, chifukwa banja lathu likupereka nsembe mu mzindamo ndipo mʼbale wanga wandiwumiriza kuti ndikakhale nawo. Ngati wandikomera mtima, chonde ndilole ndipite ndikaone abale anga.’ Nʼchifukwa chake sanabwere kudzadya ndi mfumu.”
30Sauli anamupsera mtima Yonatani ndipo namuwuza kuti, “Iwe mwana wobadwa mwa mkazi wamakhalidwe oyipa ndi wowukira! Kodi ukuyesa kuti ine sindikudziwa kuti umagwirizana ndi mwana wa Yese, amene akufuna kukuchititsa manyazi iwe ndi amayi ako? 31Mwana wa Yese akakhala ndi moyo pa dziko lapansi lino, iwe sudzakhala mfumu. Tsopano tumiza munthu akamutenge kubwera naye kwa ine, pakuti Davide ayenera kufa basi!”
32Yonatani anafunsa abambo ake kuti, “Nʼchifukwa chiyani mufuna kuti Davide aphedwe? Iye walakwa chiyani?” 33Apo Sauli anamuponyera mkondo wake kuti amuphe. Tsono Yonatani anadziwa kuti abambo ake atsimikiza mtima kuti aphe Davide.
34Yonatani anachoka pa tebulopo ali wopsa mtima kwambiri. Tsiku lachiwiri la chikondwererocho Yonatani sanadye chakudya. Iye anawawidwa mtima chifukwa abambo ake anatsimikiza zakupha Davide.
35Tsono mmawa Yonatani anapita ku munda kumene anapangana ndi Davide. Anali ndi mnyamata wake. 36Tsono anawuza mnyamatayo kuti, “Thamanga ukatole muvi umene nditi ndiponye.” Mnyamatayo akuthamanga Yonatani anaponya muvi patsogolo pa mnyamatayo. 37Mnyamatayo atafika pamene muvi wa Yonatani unagwera, 38Yonatani anayitananso mnyamatayo kuti, “Fulumira, pita msanga usayime.” Choncho mnyamatayo anatola muvi uja ndi kubwera nayo kwa mbuye wake. 39(Mnyamatayo sanadziwe chimene chimachitika koma Yonatani ndi Davide ndiwo ankadziwa). 40Pambuyo pake Yonatani anapereka zida zake za nkhondo kwa mnyamatayo ndipo anati, “Pita, nyamula ubwerere nazo ku mzinda.”
41Mnyamatayo anapita. Kenaka Davide anatuluka ku mbali ina ya mulu wa miyala uja, nadzigwetsa pansi ndi kugunditsa nkhope yake pansi katatu. Anapsompsona nayamba kulira onse awiri, koma Davide analira kwambiri.
42Yonatani anawuza Davide kuti, “Pita mu mtendere pakuti ife awiri tinalumbira mʼdzina la Yehova kuti, ‘Yehova ndiye akhale mboni pakati pa iwe ndi ine ndiponso pakati pa zidzukulu zako ndi zidzukulu zanga kwa nthawi yonse.’ ” Kenaka Davide anachoka, ndipo Yonatani anabwerera ku mzinda kuja.
大卫与约拿单
1大卫从拉玛的拿约逃出来去见约拿单，问他：“我做了什么？犯了什么罪？我什么地方对不起你父亲，他竟追杀我？” 2约拿单答道：“绝无此事，你不会死的！我父亲事无大小都会告诉我的，他不会瞒着我这件事，不会的。” 3大卫发誓说：“你父亲深知你恩待我，他为了不使你伤心，才瞒着你。但我凭永活的耶和华和你的性命起誓，我离死亡仅一步之遥！” 4约拿单说：“你有什么需要？我一定相助。” 5大卫答道：“明天是初一，我本该跟王一起用餐，请让我躲到田间，直到第三天晚上。 6如果你父亲问起我，你就说我恳求你允许我回到故乡伯利恒，因为我全家正在那里献年祭。 7如果你父亲说‘好吧’，仆人就平安无事了。如果他发怒，就表示他决意要杀我。 8请你善待仆人，因你与我在耶和华面前立了盟约。如果我有罪，就请你亲手杀了我，何必把我交给你父亲呢？” 9约拿单答道：“我决不会这样做。如果我知道我父亲决意要杀你，我怎能不通知你呢？” 10大卫说：“你父亲若向你发怒，谁来告诉我呢？” 11约拿单说：“我们一起到田野去吧。”于是，二人一起去了田野。
12约拿单对大卫说：“愿以色列的上帝耶和华作证，明天或后天这个时侯我就会打探到我父亲的意思，如果他善意待你，我会派人通知你。 13如果他有意杀你，而我却不告诉你让你安然逃走，愿耶和华重重地惩罚我。愿耶和华与你同在，像从前与我父亲同在一样。 14在我有生之年，请你照耶和华的慈爱恩待我，免我一死。 15在我死后，即使耶和华把你所有的仇敌都毁灭了，请你仍旧恩待我的后人。” 16于是，约拿单与大卫家立下盟约，说：“倘若大卫不守盟约，愿耶和华借着仇敌惩罚他。” 17约拿单因为像爱自己一样爱大卫，便叫他再次起誓。 18约拿单说：“明天是初一，人们会注意到你缺席。 19到了后天，你要赶快去上次出事时躲藏的以色磐石那里。 20我会朝磐石的旁边射三箭，好像射靶子。 21然后，我会叫一个少年把箭拾回来。如果你听到我对他说，‘箭就在你旁边，把箭拾回来。’那就表示你可以回来了，我凭永活的耶和华起誓，你必平安无事。 22但如果我对少年说，‘箭就在你前面。’你就要离开，因为是耶和华要你离开。 23至于我们之间所立的约，耶和华永远为我们作证。”
24于是，大卫就躲到田野。初一到了，扫罗王入席吃饭， 25他照常坐在靠墙的位置，约拿单坐在对面，押尼珥坐在王的身边，大卫的位子空着。 26那一天，扫罗并没有说什么，他以为大卫可能遇到了使自己不洁净的事，不能赴宴。 27可是到了第二天，大卫的座位还是空的，扫罗就问儿子约拿单：“耶西的儿子为什么这两天都不来赴宴呢？” 28约拿单答道：“大卫恳求我让他回到伯利恒， 29因为他家要在城中献祭，他的哥哥要他去。他求我恩准他去见他的哥哥们。所以，他没有来参加王的宴席。”
30扫罗向约拿单发怒，对他说：“你这邪恶叛逆妇人所生之子！难道我不知道你是站在耶西的儿子那边吗？你这样做不但自取其辱，也使你母亲蒙羞。 31只要耶西的儿子活在世上，你和你的王位就不得安稳。你派人把他抓到我这里，他非死不可。” 32约拿单问：“为什么要杀他？他做了什么？”
33扫罗气得把矛掷向约拿单，想要杀他。约拿单知道父亲决意要杀大卫。 34他怒气冲冲地离席，整天不肯进食，因为他看见父亲如此卑劣地对待大卫，心里非常难过。 35第二天早晨，约拿单按照和大卫的约定带着一个少年来到田野。 36约拿单对少年说：“你跑去把我射的箭拾回来。”少年就向前跑去，约拿单把箭射在他前面。 37少年跑到落箭之处的时候，约拿单就大声叫道：“箭不是在你的前面吗？ 38快快去，不要耽延。”少年连忙把箭拾起来，回到主人那里。 39他不知道主人的用意，只有约拿单和大卫知道。 40约拿单把弓箭交给那少年，吩咐他带回城中。 41少年离开以后，大卫就从磐石南面出来，伏地拜了三拜。二人彼此亲吻，抱头痛哭，大卫更是泣不成声。 42约拿单说：“我们已凭耶和华的名起誓，有耶和华在你我和你我的子孙之间永远为我们的盟约作证，你就安心去吧。”大卫便起身离开，约拿单也回城去了。
