Ang Bahin sa Pagkaon nga Gihalad ngadto sa mga Dios-dios
1Karon, mahitungod na usab sa mga pagkaon nga gihalad ngadto sa mga dios-dios, kon makakaon ba kita o dili: bisan makaingon kita nga taas na ang atong kahibalo, hinumdoman nato nga ang kahibalo sa tawo usahay mao ang hinungdan sa iyang pagkamapasigarbohon. Mas mahinungdanon nga kita mahigugmaon, kay kini makapalig-on sa uban. 2Ang tawo nga naghuna-huna nga maalamon na siya nagapaila lang nga kulang pa gayod ang iyang kahibalo. 3Apan ang tawo nga nagahigugma sa Dios mao ang giila sa Dios nga iyaha.
4Busa kon mahitungod sa mga pagkaon nga gihalad ngadto sa mga dios-dios, nasayod kita nga ang mga dios-dios dili gayod tinuod nga dios, kay adunay usa lang gayod ka Dios. 5Bisan pag nagaingon ang uban nga adunay mga dios sa langit ug sa yuta, ug bisan pag daghan ang gitawag nga “mga dios” ug “mga ginoo,” 6apan alang kanato adunay usa lang ka Dios, ang atong Amahan nga nagbuhat sa tanang mga butang, ug nagkinabuhi kita alang kaniya. Ug may usa lang gayod ka Ginoo, si Jesu-Cristo. Pinaagi kaniya, nahimo ang tanang butang ug pinaagi usab kaniya kita may kinabuhi.
7Apan adunay mga tumutuo nga wala masayod niini nga kamatuoran. Ug tungod kay kaniadto nagsimba sila sa mga dios-dios, mao kana nga hangtod karon kon mokaon sila sa pagkaon nga gihalad ngadto sa mga dios-dios, sa ilang hunahuna sama ra nga nakig-uban gihapon sila sa pagsimba sa mga dios-dios. Busa nagapakasala sila sa ilang konsensya, tungod kay kulang pa ang ilang nahibaloan, kay alang kanila sala ang ilang gibuhat. 8Hinuon, ang pagkaon walay kalabotan sa atong relasyon sa Dios. Kon mokaon man kita sa mga hinalad o dili, kini dili makapabag-o sa pagtan-aw sa Dios kanato.
9Apan bisan tuod gawasnon kamong mokaon sa bisan unsa, pagmatngon kamo, kay basin kon mao kana ang mahimong hinungdan nga makasala ang mga tawo nga huyang ug pagtuo. 10Pananglitan may kauban ikaw nga wala pa makasabot, ug ikaw nga nakasabot na nakita niyang nagakaon didto sa templo sa mga dios-dios, dili ba makaaghat kini kaniya nga mokaon usab sa pagkaon nga gihalad ngadto sa mga dios-dios bisan pa sa iyang pag-ila nga kini sala? 11Busa tungod sa imong “kahibalo” malaglag ang imong igsoon nga huyang ug pagtuo nga usa usab sa gipakamatyan ni Cristo. 12Niini nga pamaagi nakasala ka kang Cristo, tungod kay nakasala ka sa imong igsoon nga huyang ug pagtuo tungod sa imong gibuhat nga nakapaaghat kaniya sa paghimo sa butang nga supak sa iyang konsensya. 13Busa kon ang akong gikaon mahimong hinungdan nga makasala ang akong igsoon, dili na lang ako mokaon ug karne bisan kanus-a, aron dili makasala ang akong igsoon tungod kanako.
祭偶像的食物
1关于献给偶像的祭物，我们知道大家都有这方面的知识，但知识会使人自高，唯有爱心才能造就人。 2若有人自以为知道些什么，其实他需要知道的，他还不知道。 3但如果有人爱上帝，这人是上帝所认识的。
4论到吃献给偶像的祭物，我们知道世上的偶像算不得什么，只有一位上帝，此外别无他神。 5虽然天上地上有许多被称为神的，好像有许多神、许多主， 6但我们只有一位神，就是父上帝，祂是万物的源头，是我们的归宿。我们也只有一位主，就是耶稣基督，万物都是借着祂存在，我们也是借着祂存在。
7不过，并不是所有的人都有这种知识。有些人因为以前拜惯了偶像，现在吃到某些食物就觉得是祭过偶像的，因而良心不安，觉得自己被玷污了。 8其实食物并不能改变上帝对我们的看法，我们不吃也没有损失，吃了也不会更好。
9但你们要小心，不要让你们的自由绊倒那些信心软弱的人。 10如果有人看见你这明白以上道理的人竟然坐在偶像的庙中吃喝，他虽然良心不安，岂不还是会放胆吃献给偶像的祭物吗？ 11这样，你的知识反而令那软弱的人，就是基督舍命救回的弟兄沉沦。 12你们这样得罪弟兄，伤了他脆弱的良心，就是得罪基督。 13所以，如果我吃某些食物会令我的弟兄在信仰上跌倒，我就情愿永远不吃8:13 “不吃”希腊文是“不吃肉”。，免得令他们跌倒。
