Yordan Atɔe Fam Asase No Mu Kyekyɛ
1Israelfo mmusuakuw nkae no nyaa nsase wɔ Kanaan sɛ agyapade, sɛnea ɔsɔfo Eleasar,14.1 Aaron babarima ne Eleasar. Nun babarima Yosua ne Israel mmusuakuw ntuanofo no de maa wɔn no. 2Saa mmusuakuw akron ne fa yi nam ntontobɔ so na wonyaa wɔn agyapade no sɛnea Awurade faa Mose so hyɛe no. 3Na Mose ama mmusuakuw abien ne fa no nsase sɛ wɔn agyapade wɔ Asubɔnten Yordan apuei fam dedaw. 4Yosef abusuakuw no de, na abɛyɛ mmusuakuw abien a wɔne Manase ne Efraim. Lewifo no de, wɔamma wɔn asase no mu bi koraa, gye nkurow a wɔbɛtena so ne adidibea a wɔn nguan ne wɔn anantwi bɛkɔ so adidi. 5Enti asase no mu kyekyɛ no, wogyinaa mmara a Awurade de maa Mose no so pɛpɛɛpɛ.
Kaleb Bisa Nʼasase Ase
6Wotuu asomafo fi Yuda abusuakuw mu a Kaleb a ɔyɛ Kenesini, Yefune babarima di wɔn anim baa Yosua nkyɛn wɔ Gilgal. Kaleb ka kyerɛɛ Yosua se, “Kae asɛm a Awurade ka kyerɛɛ Mose, Onyankopɔn nipa, a ɛfa me ne wo ho, bere a na yɛwɔ Kades-Barnea no. 7Bere a Mose, Awurade somfo no somaa me fi Kades-Barnea sɛ menkɔhwehwɛ Kanaan asase no so no, na madi mfe aduanan. Mesan mʼakyi na mifi koma pa mu bɛkaa nea mihuu nyinaa, 8nanso me nuanom a wɔkaa me ho kɔe no hunahunaa nnipa no, buu wɔn aba mu sɛ wonntu wɔn nan nsi Bɔhyɛ Asase no so. Na me fam mu de, mede me ho nyinaa dii Awurade, me Nyankopɔn akyi. 9Enti saa da no, Mose hyɛɛ me bɔ se, ‘Kanaan asase a wokɔnantew so yi bɛyɛ wo ne wʼasefo agyapade sononko daa nyinaa, efisɛ wufi wo koma nyinaa mu adi Awurade, me Nyankopɔn akyi.’
10“Afei, sɛnea wuhu yi, Awurade ahwɛ me so yiye mfe aduanan anum fi bere a Mose hyɛɛ saa bɔ yi bere a na Israelfo nenam sare so no. Nnɛ, madi mfe aduɔwɔtwe anum. 11Me ho yɛ den nnɛ te sɛ da a Mose somaa me no na metumi atu kwan akɔ ɔko ano mprempren te sɛ kan no. 12Enti merebisa na wode bepɔw asase a Awurade de hyɛɛ me bɔ no ama me. Wobɛkae sɛ na yɛyɛ akwansrafo no, yehuu sɛ Anakfo tete nkuropɔn akɛse a wato ɔfasu afa ho mu. Nanso sɛ Awurade ka me ho a, mɛpam wɔn afi asase no so sɛnea Awurade kae no.”
13Na Yosua hyiraa Kaleb, Yefune babarima no de Hebron maa no sɛ agyapade. 14Hebron da so yɛ Kaleb, Yefune a ɔyɛ Kenesini babarima no asefo de, efisɛ ɔde ne koma nyinaa dii Awurade Israel Nyankopɔn akyi. 15Kan no na wɔfrɛ Hebron sɛ Kiriat-Arba. Wɔde Arba yi too Anakfo mu okunini pa ara bi.
Na akokoakoko fii asase no so.
约旦河西土地的分配
1以下是祭司以利亚撒、嫩的儿子约书亚和以色列各支派的首领在迦南分给以色列人的产业， 2是照耶和华给摩西的指示，用抽签的方式分给九个半支派的。 3摩西在约旦河东已经把产业分给了吕便、迦得支派和玛拿西半个支派，只是没有把产业分给利未人。 4约瑟的子孙已分为玛拿西和以法莲两个支派。利未人没有分到地，但有城邑居住，还有城郊可以牧养牲畜，安置财物。 5以色列人照耶和华给摩西的指示分配这些土地。
迦勒分得希伯仑
6那时，犹大支派的人来到吉甲见约书亚，其中有基尼洗族耶孚尼的儿子迦勒。他对约书亚说：“你知道耶和华在加低斯·巴尼亚跟上帝的仆人摩西提到关于你和我的事。 7我四十岁那年，耶和华的仆人摩西从加低斯·巴尼亚派我来侦察这地方，我如实禀告他。 8与我同去的弟兄的禀告令以色列人胆战心惊，但我忠心地追随我的上帝耶和华。 9所以，当日摩西就向我起誓，‘你脚踏过的地方必永远归你和你的子孙作产业，因为你忠心地追随我的上帝耶和华。’ 10耶和华照祂的应许，让我又活了四十五年，这些日子都是跟以色列人在旷野一起度过的。看！我现在已经八十五岁了， 11仍像当年摩西派我出去时那样身强力壮，跟当年一样能征善战。 12现在，求你照耶和华当日向我应许的，把这山区赐给我。你亲耳听到那里有亚衲人，他们的城池高大坚固。但如果耶和华与我同在，我必照着祂的应许把这些人赶走。”
13于是，约书亚便祝福耶孚尼的儿子迦勒，把希伯仑给他，作为他的产业。 14所以，希伯仑至今仍是基尼洗族耶孚尼的儿子迦勒的产业，因为他忠心地追随以色列的上帝耶和华。 15希伯仑从前名叫基列·亚巴，亚巴原是亚衲族中最伟大的人。从此，境内太平，没有战争。
