Dwom 71
1Awurade, wo mu na maguan ahintaw;
mma mʼanim ngu ase da.
2Wo trenee no nti, yi me na gye me;
tie me na gye me nkwa.
3Yɛ me nkwagye botan,
faako a metumi akɔ daa;
hyɛ ma wommegye me nkwa,
na wone me botan ne mʼabandennen.
4Me Nyankopɔn, gye me fi amumɔyɛfo nsam,
gye me fi nnebɔneyɛfo ne atirimɔdenfo nsam.
5Na woayɛ mʼanidaso, Asafo Awurade,
mʼahotoso fi me mmabun bere mu.
6Mede me ho ato wo so fi awo mu;
wo na wuyii me fii me na yafunu mu.
Mɛkamfo wo daa.
7Mayɛ nsɛnkyerɛnne ama bebree,
nanso wo ne me guankɔbea dennen.
8Wo nkamfo ahyɛ mʼanom ma,
mekamfo wʼanuonyam da mu nyinaa.
9Ntow me nkyene bere a mabɔ akwakoraa;
mʼahoɔden sa wɔ me mu a, nnyaw me.
10Efisɛ mʼatamfo kasa tia me
wɔn a wɔtwɛn sɛ wobekum me no bɔ mu pam me ti so.
11Wɔka se, “Onyankopɔn agyaw no mu;
momma yentiw no na yɛnkyere no,
na obiara nni hɔ a obegye no.”
12Me Nyankopɔn, mfi me nkyɛn nkɔ akyiri;
Onyankopɔn, yɛ ntɛm bɛboa me.
13Ma wɔn a wɔbɔ me sobo no nsɛe wɔ animguase mu;
wɔn a wɔpɛ sɛ wopira me no
ma ahohora ne animguase nkata wɔn so.
14Nanso me de, menya anidaso daa;
mɛkɔ so akamfo wo.
15Mɛka wo trenee ho asɛm,
ne wo nkwagye da mu nyinaa,
nanso minnim ano.
16Otumfo Awurade, mɛba abɛpae mu aka wo nnwuma akɛse no;
mɛpae mu aka wo trenee, wo nko ara de no, akyerɛ.
17Onyankopɔn, efi me mmabun bere na wokyerɛkyerɛɛ me,
na ebesi nnɛ yi meka wʼanwonwade a woayɛ kyerɛ.
18Mpo sɛ mebɔ akwakoraa na mifuw dwen a,
Onyankopɔn, nnyaw me,
kosi sɛ mɛka wo tumi ho asɛm akyerɛ nkyirimma,
ne wo kɛseyɛ akyerɛ wɔn a wɔbɛba nyinaa.
19Onyankopɔn, wo trenee du ɔsorosoro,
wo a woayɛ nneɛma akɛse.
Onyankopɔn, hena na ɔte sɛ wo?
20Mmom woama mahu ɔhaw bebree a ɛyɛ yaw;
nanso wobɛma me nkwa bio;
na wubeyi me bio,
afi asase yam.
21Wobɛhyɛ me anuonyam bebree
na woakyekye me werɛ bio.
22Mede sanku bɛkamfo wo
me Nyankopɔn, wo trenee nti
mɛto wʼayeyi dwom wɔ sankuten so,
Israel Kronkronni.
23Mʼanofafa de anigye bɛteɛ mu
bere a meto dwom kamfo wo,
me a woagye me no.
24Me tɛkrɛma bɛka wo trenee nnwuma
da mu nyinaa,
efisɛ wɔn a wɔpɛ sɛ wɔhaw me no
kɔ animguase ne basaayɛ mu.
Psalm 71
1Lord, I have gone to you for safety.
Let me never be put to shame.
2You do what is right, so save me and help me.
Pay attention to me and save me.
3Be my rock of safety
that I can always go to.
Give the command to save me.
You are my rock and my fort.
4My God, save me from the power of sinners.
Save me from the hands of those who are mean and evil.
5You are the King and the Lord. You have always been my hope.
I have trusted in you ever since I was young.
6From the time I was born I have depended on you.
You brought me out of my mother’s body.
I will praise you forever.
7To many people I am an example of how much you care.
You are my strong place of safety.
8My mouth is filled with praise for you.
All day long I will talk about your glory.
9Don’t push me away when I’m old.
Don’t desert me when my strength is gone.
10My enemies speak against me.
Those who want to kill me get together and make evil plans.
11They say, “God has deserted him.
Go after him and grab him.
No one will save him.”
12God, don’t be far away from me.
My God, come quickly and help me.
13May those who bring charges against me die in shame.
May those who want to harm me
be covered with shame and dishonor.
14But I will always have hope.
I will praise you more and more.
15I will tell other people about all the good things you have done.
All day long I will talk about how you have saved your people.
But there’s no way I could say how many times you’ve done this.
16Lord and King, I will come and announce your mighty acts.
I will announce all the good things that you alone do.
17God, ever since I was young you have taught me.
To this very day I tell about your wonderful acts.
18God, don’t leave me
even when I’m old and have gray hair.
Let me live to tell my children about your power.
Let me tell all of them about your mighty acts.
19God, your saving acts reach to the skies.
You have done great things.
God, who is like you?
20You have sent many bitter troubles my way.
But you will give me new life.
Even if I’m almost in the grave,
you will bring me back.
21You will honor me more and more.
You will comfort me once again.
22My God, I will use the harp to praise you
because you are always faithful.
Holy One of Israel,
I will use the lyre to sing praise to you.
23My lips will shout with joy
when I sing praise to you.
You have saved me.
24All day long my tongue will say
that you have done what is right.
Those who wanted to harm me have been put to shame.
They have not been honored.
