Dwom 31
Dawid dwom.
1Wo mu, Awurade na manya guankɔbea;
mma mʼanim ngu ase;
fi wo trenee mu gye me.
2Yɛ aso ma me,
bra ntɛm begye me;
yɛ me bammɔ botan,
aban a mʼatamfo nsa renka me.
3Sɛ woyɛ me botan ne mʼaban nti,
wo din nti di mʼanim na kyerɛ me kwan.
4Gye me fi afiri a wɔasum me no mu,
efisɛ wo ne me guankɔbea.
5Wo nsam na mede me kra hyɛ;
gye me bio, Awurade, Onyankopɔn nokwafo.
6Mikyi wɔn a wɔsom abosom huhuw;
mede me ho to Awurade so.
7Mʼani begye na madi ahurusi wɔ wo dɔ mu,
efisɛ wuhu mʼamanehunu,
na wunim me kra mu haw.
8Womfaa me nhyɛɛ ɔtamfo no nsa
mmom wode me nan asisi petee mu.
9Hu me mmɔbɔ, Awurade, efisɛ me ho yeraw me;
awerɛhow ama mʼani so ayɛ kusuu
ɔyaw ama me kra ne me honam ayɛ mmerɛw.
10Ɔyawdi retew me nkwa so,
na abooboo tew me mfe so;
ɔhaw nti mʼahoɔden kɔ fam,
na me nnompe nso ahodwow.
11Mʼatamfo nyinaa nti,
mayɛ ahohora wɔ me nnamfonom mu;
nnipa a wonim me suro me,
na wɔn a wohu me mmɔnten so guan.
12Obiara werɛ afi me te sɛ nea mawu;
mayɛ sɛ kuku a abɔ.
13Mete asomsɛm dodow a wɔka
ahunahuna atwa me ho ahyia.
Wɔrepam me ti so,
na wɔbɔ pɔw sɛ wobekum me.
14Nanso mede me ho ato wo so, Awurade;
meka se, “Woyɛ me Nyankopɔn.”
15Me mmere wɔ wo nsam
gye me fi mʼatamfo
ne wɔn a wɔtaa me no nsam.
16Tew wʼanim kyerɛ wo somfo;
gye me wɔ wo dɔ a enni huammɔ no mu.
17Mma mʼanim ngu ase, Awurade,
efisɛ masu afrɛ wo;
mmom, ma amumɔyɛfo anim ngu ase
na wɔnna wɔn nna mu komm.
18Mua atorofo ano,
efisɛ wɔde ahantan ne animtiaabu
kasa tia atreneefo.
19Wo papayɛ dɔɔso,
ɛno na woakora ama wɔn a wosuro wo no
ɛno na wode ma wɔn a woguan toa wo no
wɔ nnipa anim.
20Wode wɔn sie wʼanim bammɔ mu
fi nnipa nsusuwii bɔne ho;
wo tenabea hɔ na wode wɔn sie dwoodwoo
fi tɛkrɛma a ɛbɔ sobo ho.
21Ayeyi nka Awurade!
Sɛ wayi ne dɔ nwonwaso akyerɛ me
bere a na mewɔ kuropɔn a atamfo atwa ho ahyia no mu no.
22Mebɔɔ huboa no mekae se:
“Woayi wʼani afi me so!”
Nanso wotee me mmɔborɔsu
bere a mekotow srɛɛ wo no.
23Monnɔ Awurade mo a moyɛ nʼahotewfo nyinaa!
Awurade kora wɔn a wodi nokware so,
na ahomasofo de, otua wɔn ka pɛpɛɛpɛ.
24Monyɛ den na momma mo bo ntɔ mo yam,
mo a mowɔ anidaso wɔ Awurade mu nyinaa.
Psalm 31In Hebrew texts 31:1-24 is numbered 31:2-25.
For the director of music. A psalm of David.
1In you, Lord, I have taken refuge;
let me never be put to shame;
deliver me in your righteousness.
2Turn your ear to me,
come quickly to my rescue;
be my rock of refuge,
a strong fortress to save me.
3Since you are my rock and my fortress,
for the sake of your name lead and guide me.
4Keep me free from the trap that is set for me,
for you are my refuge.
5Into your hands I commit my spirit;
deliver me, Lord, my faithful God.
6I hate those who cling to worthless idols;
as for me, I trust in the Lord.
7I will be glad and rejoice in your love,
for you saw my affliction
and knew the anguish of my soul.
8You have not given me into the hands of the enemy
but have set my feet in a spacious place.
9Be merciful to me, Lord, for I am in distress;
my eyes grow weak with sorrow,
my soul and body with grief.
10My life is consumed by anguish
and my years by groaning;
my strength fails because of my affliction,31:10 Or guilt
and my bones grow weak.
11Because of all my enemies,
I am the utter contempt of my neighbours
and an object of dread to my closest friends –
those who see me on the street flee from me.
12I am forgotten as though I were dead;
I have become like broken pottery.
13For I hear many whispering,
‘Terror on every side!’
They conspire against me
and plot to take my life.
14But I trust in you, Lord;
I say, ‘You are my God.’
15My times are in your hands;
deliver me from the hands of my enemies,
from those who pursue me.
16Let your face shine on your servant;
save me in your unfailing love.
17Let me not be put to shame, Lord,
for I have cried out to you;
but let the wicked be put to shame
and be silent in the realm of the dead.
18Let their lying lips be silenced,
for with pride and contempt
they speak arrogantly against the righteous.
19How abundant are the good things
that you have stored up for those who fear you,
that you bestow in the sight of all,
on those who take refuge in you.
20In the shelter of your presence you hide them
from all human intrigues;
you keep them safe in your dwelling
from accusing tongues.
21Praise be to the Lord,
for he showed me the wonders of his love
when I was in a city under siege.
22In my alarm I said,
‘I am cut off from your sight!’
Yet you heard my cry for mercy
when I called to you for help.
23Love the Lord, all his faithful people!
The Lord preserves those who are true to him,
but the proud he pays back in full.
24Be strong and take heart,
all you who hope in the Lord.
