Akuapem Twi Contemporary Bible

Nnwom 26:1-12

Dwom 26

Dawid dwom.

1Bu me bem, Awurade,

efisɛ, mabɔ bra a asɛm nni ho:

mede me ho too Awurade so

na manhinhim.

2Sɔ me hwɛ, Awurade,

hwehwɛ me koma ne mʼadwene mu.

3Wʼadɔe wɔ mʼanim daa

na mɛnantew wo nokware mu.

4Me ne nnaadaafo ntena

na me ne nyaatwomfo nso nni hwee yɛ.

5Mikyi nnebɔneyɛfo guabɔ

na mempɛ sɛ me ne amumɔyɛfo tena.

6Mehohoro me nsa wɔ bembu mu,

na mekɔ wʼafɔremuka ho ahyia, Awurade,

7na mepae mu ka wʼayeyi

na meka wʼanwonwade nyinaa.

8Mʼani gye ofi a wote mu ho, Awurade,

faako a wʼanuonyam wɔ no.

9Mfa me kra nka nnebɔneyɛfo de ho nkɔ,

ne me nkwa nka mogyapɛfo de ho,

10wɔn a amumɔyɛ nhyehyɛe wɔ wɔn nsam

na adanmude ayɛ wɔn nsa nifa ma.

11Nanso mebɔ ɔbra a ho tew;

hu me mmɔbɔ na gye me nkwa.

12Mʼanan sisi asase tamaa so;

na guabɔ kɛse ase na mɛkamfo Awurade.

Knijga O Kristu

Este capítulo no está disponible momentáneamente. Por favor intente nuevamente luego.