Dwom 108
Dawid dwom.
1Onyankopɔn, me koma asi pi;
mede me kra nyinaa bɛto wʼayeyi nnwom.
2Munnyan, sanku ne bɛnta!
Menyan anɔpahema.
3Awurade, mɛkamfo wo wɔ aman mu;
mɛto wo ho nnwom wɔ nnipa no mu.
4Wʼadɔe so, ɛkorɔn sen ɔsoro;
wo nokwaredi du wim.
5Onyankopɔn, ɛsɛ sɛ wɔma wo so tra ɔsoro,
na ama wʼanuonyam aba asase nyinaa so.
6Fa wo nsa nifa gye yɛn na boa yɛn,
na ama wɔn a wodɔ wɔn no anya nkwa.
7Onyankopɔn akasa afi ne kronkronbea se,
“Nkonim mu na mɛkyɛ Sekem mu
na masusuw Sukot Bon.
8Gilead yɛ me de; Manase nso saa ara;
Efraim yɛ me dade kyɛw,
Yuda yɛ mʼahempema.
9Moab yɛ me guasɛn,
Edom so na metow me mpaboa gu;
na meteɛ mu nkonimdi so gu Filistifo so.”
10Hena na ɔde me bɛkɔ kuropɔn a wɔabɔ ho ban no mu?
Hena na obedi mʼanim akɔ Edom?
11Onyankopɔn, ɛnyɛ wo na woapo yɛn
na wo ne yɛn asraafo nkɔ ɔsa bio ana?
12Boa yɛn tia ɔtamfo no,
na ɔdesani mmoa nka hwee.
13Onyankopɔn wɔ yɛn afa yi, yebedi nkonim,
na obetiatia yɛn atamfo so.
Psalm 108In Hebrew texts 108:1-13 is numbered 108:2-14.
A song. A psalm of David.
1My heart, O God, is steadfast;
I will sing and make music with all my soul.
2Awake, harp and lyre!
I will awaken the dawn.
3I will praise you, Lord, among the nations;
I will sing of you among the peoples.
4For great is your love, higher than the heavens;
your faithfulness reaches to the skies.
5Be exalted, O God, above the heavens;
let your glory be over all the earth.
6Save us and help us with your right hand,
that those you love may be delivered.
7God has spoken from his sanctuary:
‘In triumph I will parcel out Shechem
and measure off the Valley of Sukkoth.
8Gilead is mine, Manasseh is mine;
Ephraim is my helmet,
Judah is my sceptre.
9Moab is my washbasin,
on Edom I toss my sandal;
over Philistia I shout in triumph.’
10Who will bring me to the fortified city?
Who will lead me to Edom?
11Is it not you, God, you who have rejected us
and no longer go out with our armies?
12Give us aid against the enemy,
for human help is worthless.
13With God we shall gain the victory,
and he will trample down our enemies.
