Kanaanfo So Nkonimdi
1Arad hene a ɔyɛ Kanaanni a ɔte Negeb tee sɛ Israelfo nam Atarim kwan so reba no, ɔboaboaa nʼakofo ano kɔtow hyɛɛ Israelfo no so kyekyeree ebinom nnommum. 2Afei, Israelfo no kaa ntam kyerɛɛ Awurade se, “Sɛ wode saa nnipa yi bɛhyɛ yɛn nsa a, anka yebegu wɔn nkurow akɛse no.” 3Awurade tiee wɔn adesrɛ no na ɔde Kanaanfo no maa wɔn. Israelfo no sɛee wɔn ne wɔn nkurow akɛse pasaa; wɔtoo hɔ din Horma a ase ne “Ɔsɛe.”
Kɔbere Mfrafrae Ɔwɔ
4Afei, Israelfo no fii Bepɔw Hor so de wɔn ani kyerɛɛ Po Kɔkɔɔ sɛ wobetwa dantaban afa Edom ho. Nanso wɔrekɔ no nipa no aba mu bui; 5wonwiinwii tiaa Onyankopɔn ne Mose se, “Adɛn nti na moayi yɛn afi Misraim de yɛn aba sɛ yemmewuwu wɔ sare yi so? Aduan nni ha! Nsu nni ha! Yɛmpɛ saa awerɛhow aduan yi!”
6Enti, Awurade maa awɔ a wɔn ano wɔ bɔre yiye kɔkekaa wɔn mu bebree ma wowuwui. 7Na nnipa no baa Mose nkyɛn bɛsrɛɛ se, “Yɛayɛ bɔne, efisɛ yɛakasa atia Awurade ne wo. Bɔ mpae kyerɛ Awurade na awɔ no nkɔ.” Enti Mose bɔɔ mpae maa nnipa no.
8Awurade ka kyerɛɛ Mose se, “Fa kɔbere yɛ saa awɔ yi mu baako sɛso na fa no sɛn abaa tenten bi so, na sɛ awɔ no bi ka obi na ɔhwɛ no a, ɔrenwu.” 9Enti Mose yɛɛ ɔwɔ sɛso no, de sɛn dua tenten so. Na obiara a ɔwɔ no bi bɛka no no, sɛ ɔma nʼani so hwɛ no a, onwu.
Israelfo Kɔ Moab
10Israelfo no fi hɔ no, wɔtoaa wɔn akwantu no so kɔɔ Obot kɔtenaa hɔ. 11Afei, wɔtoaa so kɔɔ Iye-Haabarim wɔ sare so wɔ Moab apuei fam. 12Wofi hɔ no, wɔtoaa so kɔɔ asuwa Sered Subon mu kɔbɔɔ atenae wɔ hɔ. 13Afei, wotu fii hɔ kɔɔ Asubɔnten Arnon nkyɛn hɔ baabi a wɔne Amorifo bɔ hye. Asubɔnten Arnon na ɛyɛ ɔhye a ɛda Moabfo ne Amorifo ntam. 14Ɛno nti na, wɔka wɔ Awurade akodi nhoma no mu se,
asubɔnten Arnon subon
ne kurow Waheb 15da Amorifo ne Moabfo ntam.
16Israelfo no fi hɔ toaa wɔn akwantu no so kɔɔ Beer a ase ne “Abura.” Ɛha na Awurade ka kyerɛɛ Mose se, “Frɛfrɛ nnipa no nyinaa bra na mɛma wɔn nsu.”
17Ɛhɔ na Israelfo too dwom yi,
“Tue Ao, Abura!
To ho dwom!
18To dwom fa abura a mmapɔmma tutu no ho,
sɛ nnipa mu akunini na wotitii mu;
akunini a wokura ahempeaw ne pema.”
Afei, Israelfo no fii sare no so kɔfaa Matana, 19Nahaliel ne Bamot, 20na wɔkɔɔ Pisga atifi a ɛwɔ Moab bon no mu, baabi a wugyina a wuhu asase tamaa no.
Sihon Ne Og So Nkonimdi
21Israelfo no tuu abɔfo ma wɔde nkra kɔmaa Amorihene Sihon se:
22“Momma yentwa mu mfa mo man yi mu. Yɛbɛfa ɔtempɔn no so tee, na yɛremfi so kosi sɛ yɛbɛtra mo hye. Yɛrentiatia mo nnɔbae so, yɛremfa yɛn nsa nka mo bobe nturo, na yɛrennom mo abura mu nsu kosi sɛ yebefi mo man no mu.”
23Nanso ɔhene Sihon ampene so. Na mmom, ɔboaboaa nʼakofo ano kɔtow hyɛɛ Israelfo no so wɔ sare so hɔ ne wɔn koo wɔ Yahas. 24Nanso Israelfo no kunkum wɔn faa wɔn asase a efi Asubɔnten Arnon kosi asu Yabok ho toaa so kosii Amorifo ahye so a na bammɔ wɔ hɔ no. 25Israelfo no faa Amorifo no nkurow akɛse nyinaa a Hesbon kuropɔn ne ne nkuraase nyinaa ka ho tenaa mu. 26Na Hesbon yɛ Amorihene Sihon kuropɔn. Sihon na da bi ɔko tiaa Moabhene faa ne nsase nyinaa besii Asubɔnten Arnon no.
27Ne saa nti, tete anwensɛm kyerɛwfo kyerɛw eyi faa ne ho se,
“Bra Hesbon, Sihon kuropɔn,
yɛnkyekye na ensi ne dedaw mu.
28“Ogya turuw fii Hesbon
Ogyaframa fii Sihon ahenkurow mu,
Ɛhyew Ar kuropɔn a ɛwɔ Moab;
ɛsɛee kurowmma a wɔwɔ Arnon mmepɔw so.
29Ao Moabfo, mo sɛe bɛba mu!
Wɔawie mo, mo a mosom Kemos!
Wagyaw ne mmabarima sɛ atutenafo,
Ne ne mmabea
sɛ Amorihene Sihon nnommum.
30“Yɛatu wɔn agu,
efi Hesbon tɔnn kosi Dibon.
Yɛasɛe wɔn ara akosi Nofa
De kɔ ara kosi Medeba.”
31Enti Israelfo no tenaa Amorifo asase no so.
32Mose somaa akwansrafo sɛ wɔnkɔsrasra Yaser fa mu hɔ. Ɔde asraafo toaa wɔn, faa wɔn nkurow nyinaa, pam Amorifo no. 33Afei, wɔde wɔn ani kyerɛɛ kurow kɛse Basan, nanso Basanhene Og de nʼasraafo hyiaa wɔn wɔ Edrei.
34Awurade ka kyerɛɛ Mose se, “Nsuro no, efisɛ mede nʼasraafo ne nʼasase nyinaa ahyɛ wo nsa. Yɛ no sɛnea woyɛɛ Amorihene Sihon a odii Hesbon so no.”
35Israelfo dii nkonim na wokum ɔhene Og ne ne mmabarima ne ne nkurɔfo nyinaa a anka wɔn mu baako mpo. Na Israelfo no faa nʼasase no.
击败迦南人
1住在南地的迦南人亚拉得王听说以色列人取道亚他林而来，就攻打他们，俘虏了一些人。 2以色列人向耶和华许愿说：“要是你将这些人交在我们手中，我们必彻底摧毁21:2 “摧毁”希伯来文有“销毁，以示奉献给耶和华”之意。他们的城邑。” 3耶和华答应了他们的祈求，把迦南人交在他们手中，使他们彻底毁灭了迦南人及其城邑。从此，那地方叫何珥玛21:3 “何珥玛”意思是“毁灭”。。
铜蛇
4以色列人为了绕过以东，便从何珥山出发，沿通往红海的路行进。途中，民众心里烦躁， 5埋怨上帝和摩西说：“你们为什么把我们从埃及带出来，叫我们死在旷野呢？这里无粮无水，我们厌恶这难吃的东西！”
6于是，耶和华派毒蛇进入以色列人中，咬死了许多人。 7他们来找摩西，说：“我们埋怨耶和华和你，犯了罪，求你向耶和华祷告，好叫这些蛇离开我们。”摩西就为他们祷告。 8耶和华对摩西说：“你去造一条蛇挂在杆子上，凡被咬的一望这蛇，就可活命。” 9摩西就造了一条铜蛇，挂在杆子上。被蛇咬的人一望铜蛇，就保住了性命。
前往摩押
10以色列人继续前行，在阿伯安营； 11又从阿伯动身，走到摩押东边的旷野，在以耶·亚巴琳安营； 12又从那里前行，走到撒烈谷安营； 13又从那里出发，走到亚嫩河北岸的旷野安营。那里毗邻亚摩利人的边境，亚嫩河是摩押和亚摩利之间的疆界。 14因此，耶和华的战记上说：“苏法的哇哈伯，亚嫩河谷， 15以及河谷的斜坡——靠近摩押边界并延伸到亚珥城。”
16以色列人又往前走，来到比珥21:16 “比珥”意思是“井”。。耶和华曾在那里对摩西说：“把民众招聚起来，我要给他们水喝。” 17当时，以色列人唱了这首歌：
“井啊，涌出水来！
你们要歌颂这口井，
18它是首领挖的，
是民中的贵族掘的，
用令牌和权杖挖掘的。”
他们从旷野前往玛他拿， 19从玛他拿前往拿哈列，从拿哈列前往巴末， 20从巴末前往摩押的谷地，从那里的毗斯迦山顶可以俯视旷野。
击败亚摩利王和巴珊王
21以色列人派使者去见亚摩利王西宏，说： 22“请允许我们从贵国经过，我们只走大路，不会踏入田地和葡萄园，也不会喝井里的水，直到走出贵国的土地。” 23但西宏拒绝了他们的请求，并招聚军队到旷野攻击他们。两军在雅杂交锋。 24以色列人杀了西宏，占领了他的土地——从亚嫩河到雅博河，远至防守严密的亚扪人边界。 25以色列人攻占了亚摩利人的所有城邑，包括希实本及其周围的村庄，住在其中。 26希实本是亚摩利王西宏的都城。西宏曾与摩押的先王交战，占领了他所有的领土，远至亚嫩河。 27因此有人作诗说：
“来希实本吧！
重建西宏的城。
28希实本烈焰熊熊，
西宏的城火光冲天，
烧毁摩押的亚珥，
吞噬亚嫩河的高岗。
29摩押啊，你大祸临头了！
拜基抹神明的人啊，
你们要灭亡了！
基抹任由自己的儿子逃亡、
女儿被亚摩利王西宏掳走。
30但我们击溃了亚摩利人，
从希实本一直到底本都被摧毁，
从挪法到米底巴都沦为废墟。”
31于是，以色列人住在亚摩利境内。 32摩西派人去雅谢打探，然后出兵攻占了雅谢及其周围的村庄，赶走那里的亚摩利人。 33以色列人回师前往巴珊，巴珊王噩率全军出动，在以得来迎战以色列人。 34耶和华对摩西说：“不要怕他，因为我已把他及其众民和土地交在你手中。你要像从前对付希实本的亚摩利王西宏一样对付他。” 35于是，以色列人杀了噩及其儿子和人民，一个不留，并夺取了他的国土。
