Atoro Adiyifo No
1Atoro adiyifo kɔɔ tetefo no mu, na saa ara nso na atoro adiyifo bɛba mo mu ara ne no. Wɔbɛma nkyerɛkyerɛ bɔne a nokware nni mu na wɔapa Owura a ogyee wɔn no, na ɛnam so ama ɔsɛe aba wɔn so prɛko pɛ. 2Nnipa bebree bɛfa akwammɔne so na esiane nea wɔyɛ no nti, nnipa bɛkasa atia nokware kwan no. 3Saa atoro adiyifo yi nam wɔn sikanibere so bɛto anansesɛm akyerɛ mo de apɛ mo so mfaso. Wɔn temmufo siesiee ne ho akyɛ, na saa ara nso na wɔn sɛefo no nso asɔre agyina.
4Onyankopɔn amfa abɔfo a wɔyɛɛ bɔne no ho ankyɛ wɔn. Ɔtow wɔn guu asaman sum mu baabi, guu wɔn nkɔnsɔnkɔnsɔn, na ɛhɔ na wɔretwɛn atemmu no. 5Onyankopɔn amma tete wiase no amfa ne ho anni. Ɔmaa nsuyiri baa wɔn a na wonsuro Onyankopɔn no so. Wɔn a ogyee wɔn nkwa no ne Noa a ɔkaa trenee ho asɛm no ne nnipa baason bi. 6Onyankopɔn buu Sodom ne Gomora fɔ de ogya sɛee wɔn, de bɔɔ wɔn a wonsuro Onyankopɔn no kɔkɔ. 7Ogyee Lot a ɔyɛ ɔtreneeni no fii nnipa nnebɔneyɛfo nsam. 8Na saa ɔtreneeni no te saa nnipa nnebɔneyɛfo no mu; na afide a na saa nnipa no yɛ no adekyee ne adesae no haw no yiye. 9Sɛ ɛte saa de a, na ɛkyerɛ sɛ Awurade nim ɔkwan a ɔfa so gye nʼakyidifo fi ɔhaw mu, na onim ɔkwan a ɔfa so kora nnipa nnebɔneyɛfo, twe wɔn aso de twɛn atemmuda no. 10Ne titiriw no, eyi fa wɔn a wodi wɔn honam akɔnnɔ akyi na wɔpa Onyankopɔn tumi no ho.
Saa atoro akyerɛkyerɛfo yi wɔ akokoduru na wommu anuonyamfo a wɔwɔ ɔsoro no, efisɛ wonsuro sɛ wɔyaw wɔn. 11Na abɔfo a wɔwɔ ahoɔden ne tumi sen saa atoro akyerɛkyerɛfo yi mpo nka nsɛmmɔne mmu wɔn atɛn wɔ Awurade anim. 12Nanso saa nnipa yi yɛ wɔn nneɛma te sɛ mmoa a wunni adwene, wɔwo wɔn sɛ wɔnkyere wɔn nkum wɔn. Wogu nneɛma biara a wɔnte ase no ho fi. Wɔbɛsɛe wɔn sɛ mmoa.
13Wobetua wɔn ɔhaw a wɔma ɛbaa no so ka. Nea wɔn ani gye ho ne sɛ wɔbɛyɛ biribiara a eye ma wɔn honam akɔnnɔ no awia ketee. Sɛ wɔne mo to nsa didi a, egu wɔn anim ase. Efisɛ saa bere no na wɔka nnaadaasɛm. 14Wɔnhwehwɛ hwee sɛ mmea nguamanfo efisɛ wɔpɛ sɛ daa wɔyɛ bɔne. Wɔdaadaa nnipa a wɔyɛ mmerɛw kɔ bɔne mu. Wɔayɛn wɔn koma ama anibere. Wɔwɔ Onyankopɔn nnome ase. 15Wɔaman afi ɔkwan tee no so enti wɔayera. Wɔafa ɔkwan a Beor ba Bileam a ɔde ne sika a onya no yɛ bɔne no kɔfaa so no so. 16Eyi ma wɔkaa nʼanim wɔ ne bɔne no ho. Nʼafurum de onipa nne kasa de siw odiyifo no adammɔsɛm no ho kwan.
17Saa nnipa yi te sɛ asuti a ayow anaasɛ omununkum a mframa bɔ no. Onyankopɔn de wɔn asie sum kabii mu wɔ baabi. 18Wɔka ahantansɛm ne nkwaseasɛm na wɔnam wɔn honam akɔnnɔ ho nnaadaa so twetwe wɔn a wɔatwe wɔn ho afi nnebɔneyɛfo ho no. 19Wɔhyɛ wɔn ahofadi ho bɔ wɔ bere a wɔn ankasa yɛ bɔne nkoa efisɛ onipa yɛ biribiara a edi no so no akoa. 20Na sɛ onipa sua yɛn Awurade ne yɛn Agyenkwa Yesu Kristo ho asɛm, na ɔnam so guan fi wiase yi mu akwammɔne so, na akyiri no ɔkɔ bɔne mu bio ma ɔdan bɔne akoa a, ɛno de ɛyɛ hu sen ne kan no. 21Sɛ anka wonnim Kristo koraa a, anka eye ma wɔn sen sɛ wobesua ne ho nsɛm na afei wɔbɛdan wɔn akyi akyerɛ mmara Kronkron a wɔde maa wɔn no. 22Nea ɛbaa wɔn so no kyerɛ sɛ, saa bɛ yi yɛ nokware. “Ɔkraman san kɔtaforo ne fe na prako a wɔaguare no no nso koguare wɔ dontori mu.”
假教师
1以往曾经有假先知在百姓中出现，将来在你们中间也同样会有假教师出现。他们暗地里引进使人沉沦的异端邪说，甚至否认那位买赎他们的主。这些人正迅速地自招灭亡。 2许多人会效法他们邪恶无耻的行为，致使真理之道被人毁谤。 3他们贪婪成性，想用花言巧语在你们身上谋利。这种人的刑罚自古已经判定，他们很快就会灭亡。
4即使天使犯了罪，上帝也没有容忍他们，而是把他们丢在地狱里，囚在幽暗的深坑等候审判。 5上帝也没有容忍远古的世代，曾用洪水淹灭了世上不敬虔的恶人，只留下传讲上帝公义的挪亚和他的七位家人。 6上帝也审判了所多玛和蛾摩拉，将二城毁灭，烧为灰烬，作为以后不敬虔之人的警戒。 7祂只拯救了因恶人的淫乱放荡而忧伤的义人罗得， 8因为义人罗得住在他们当中，天天耳闻目睹他们一切无法无天的丑行，他正直的心很痛苦。 9上帝知道怎样拯救敬虔的人脱离试炼，把不义的人拘禁在刑罚之下，等候审判的日子， 10尤其是那些放纵污秽的情欲、轻视权柄的人。他们胆大妄为，肆无忌惮地毁谤有尊荣的。 11即使力量和权能更大的天使都不敢在主面前用毁谤的话控告有尊荣的。 12但他们好像没有理性，生下来就是预备让人捉去宰杀的牲畜，连自己不懂的事也随口毁谤。他们在毁坏别人的时候，自己也必灭亡。 13他们多行不义，必自食恶果。他们喜爱在大白天寻欢作乐，是你们中间的败类和渣滓，一面和你们同席，一面以欺骗为乐。 14他们眼中充满淫欲，不停地犯罪，引诱那些信心不坚定的人。他们贪婪成性，实在是该受咒诅！ 15他们离弃正道，走入歧途，重蹈比珥之子巴兰先知的覆辙。巴兰贪爱不义之财， 16因自己的罪而受了责备。不能说话的驴竟然像人一样说起话来，制止了他狂妄的行为。
17他们如同枯干的水井和被狂风吹散的雾气，有幽幽黑暗留给他们。 18他们口出狂言，空话连篇，以肉体的邪情私欲为饵，诱惑那些刚刚摆脱了荒谬生活的人。 19他们应许那些人可以得自由，而自己却做罪恶的奴隶，因为人被什么制服，就被什么奴役。
20如果他们借着认识我们的主和救主耶稣基督，已经摆脱了世俗的污秽，但后来又被这些事缠住、俘虏了，他们的处境会比以前更糟糕。 21他们明知道正路，却背弃了传给他们的神圣诫命，这样倒不如不知道的好。 22俗语说得好：“狗转过身来，吃自己所吐的；猪洗干净了，又回到污泥里去打滚。”这些话正好用在他们身上。
