Asɔredan No Si Ho Akyɛde
1Afei, Ɔhene Dawid dan nʼani kyerɛɛ ɔmanfo no kae se, “Me babarima Salomo a Onyankopɔn ayi no sɛ onni Israel so sɛ ɔhene foforo no da so yɛ abofra a onni osuahu biara. Adwuma a ɛda nʼanim no so, na Asɔredan a obesi no nyɛ dan hunu bi. Ɛyɛ Awurade Nyankopɔn no ankasa de. 2Mede nea mitumi yɛ biara adi dwuma, maboaboa nea matumi anya nyinaa ano ama me Nyankopɔn Asɔredan no si. Mprempren, sikakɔkɔɔ, dwetɛ, kɔbere mfrafrae, nnade ne nnua ne apopobibiri abo ne aboɔden abo, aboɔden agude ne abo pa ne abohemaa ahorow nyinaa pii wɔ hɔ. 3Na esiane me ho a mede ama me Nyankopɔn Asɔredan no nti, mede mʼankasa sikakɔkɔɔ ne dwetɛ bɛboa ɔdan no si. Eyinom bɛka adansi no ho nneɛma a maboaboa ano ama asɔredan kronkron no ho. 4Mama Ofir sikakɔkɔɔ a ɛboro nsania ani tɔn ɔha ne dumien ne dwetɛ a wɔahoa ho nsania ani tɔn ahannu aduosia abien a wɔde begu adan no afasu anim, 5ne sikakɔkɔɔ ne dwetɛ nnwuma a aka a adwumfo no bɛyɛ no. Afei, hena na obeyi ne yam de nʼayɛyɛde ama Awurade nnɛ?”
6Na abusua ntuanofo, Israel mmusuakuw ntuanofo, asahene ne asraafo mpanyimfo ne ɔhene adwumayɛfo nyinaa fii ɔpɛ pa mu mae. 7Wɔmaa sikakɔkɔɔ bɛyɛ tɔn ɔha aduɔwɔtwe awotwe, sika ankasa mpem du, dwetɛ bɛyɛ tɔn ahaasa aduɔson anum, kɔbere mfrafrae bɛyɛ tɔn ahansia aduɔson anum ne nnade bɛyɛ tɔn mpem ahaasa ahanson ne aduonum, de boaa Asɔredan no si. 8Wɔmaa aboɔden abo bebree a wɔkɔkoraa no wɔ sikakorabea a ɛwɔ Awurade fi maa Yehiel a ɔyɛ Gerson aseni hwɛɛ so. 9Nnipa no ani gyee ɔma no ho, efisɛ wofi ɔpɛ pa ne koma pa mu na woyiyi maa Awurade, na Ɔhene Dawid ani gyee yiye.
Dawid Kamfo Awurade
10Na ɔhene Dawid kamfoo Awurade wɔ nnipa no nyinaa anim se,
“Awurade,
yɛn agya Israel Nyankopɔn,
ayeyi nka wo daa nyinaa.
11Kɛseyɛ, ahoɔden, anuonyam,
nkonimdi ne tumi yɛ wo de, Awurade.
Biribiara a ɛwɔ ɔsoro ne asase so yɛ wo de,
Awurade, na ahenni yi nso yɛ wo de.
Yɛma wo so sɛ wone ade nyinaa so tumfo.
12Ahonya ne anuonyam fi wo nko ara,
efisɛ woyɛ ade nyinaa sodifo.
Tumi ne ahoɔden nyinaa wɔ wo nsam
na wopɛ mu na wufi ma nnipa yɛ kɛse na wonya ahoɔden.
13Afei, yɛn Nyankopɔn, yɛda wo ase,
na yɛkamfo wo din kronkron no.
14“Na me ne hena na me nkurɔfo ne nnipa bɛn a yetumi kyɛ wo biribi? Biribiara a yɛwɔ no fi wo nkyɛn, na nea yɛde ma wo no yɛ nea wode ama yɛn dedaw no. 15Yɛwɔ ha mmere tiaa bi sɛ nsrahwɛfo ne ahɔho wɔ asase a yɛn agyanom dii kan wɔ so no so. Yɛn nna wɔ asase so te sɛ sunsuma a etwa mu kɔ ntɛm so a wonhu bio. 16Awurade, yɛn Nyankopɔn, saa nneɛma a yɛaboaboa ano de rebesi asɔredan de ahyɛ wo din kronkron anuonyam yi mpo fi wo nkyɛn! Ne nyinaa yɛ wo dea. 17Me Nyankopɔn, minim sɛ wohwehwɛ yɛn koma mu, na sɛ wuhu nokwaredi wɔ mu a, wʼani gye. Wunim sɛ mede adwene pa na ɛyɛɛ eyinom nyinaa, na mahwɛ ahu sɛnea wo nkurɔfo fi koma pa ne anigye mu de wɔn akyɛde aba. 18Awurade, yɛn agyanom Abraham, Isak ne Israel Nyankopɔn, ma wo nkurɔfo nyɛ osetie mma wo daa. Mma ɔdɔ a wɔde dɔ wo no nsesa. 19Ma me babarima Salomo koma nyinaa mu ɔpɛ pa, na onni wʼahyɛde, wo mmara ne wo nkyerɛkyerɛ so, na onsi saa Asɔredan yi a mayɛ ho ahoboa nyinaa no.”
20Afei, Dawid ka kyerɛɛ ɔmanfo no nyinaa se, “Monkamfo Awurade, mo Nyankopɔn!” Na ɔmanfo no nyinaa kamfoo Awurade, wɔn agyanom Nyankopɔn, na wɔkotow buu nkotodwe wɔ Awurade ne ɔhene no anim.
Wosi Salomo Ɔhene
21Ade kyee no, wɔde anantwinini apem, adwennini apem ne nguamma anini apem bɛbɔɔ ɔhyew afɔre maa Awurade. Wɔsan gyinaa Israel anan mu, de ɔnom afɔrebɔde pii ne afɔrebɔde ahorow bae. 22Wɔde ahosɛpɛw didi nomee da no wɔ Awurade anim.
Na bio, wɔhyɛɛ Dawid babarima Salomo ahenkyɛw sɛ wɔn hene foforo. Wɔsraa no ngo wɔ Awurade anim sɛ wɔn ntuanoni, na wɔsraa Sadok nso ngo sɛ wɔn sɔfo. 23Na Salomo tenaa Awurade ahengua no so sɛ nʼagya Dawid nanmusini, na ɔkɔɔ so yiye, na Israel nyinaa tiee no. 24Adehye mpanyimfo nyinaa, asahene ne Dawid mmabarima nyinaa sua kyerɛɛ ɔhene Salomo.
25Na Awurade pagyaw Salomo maa Israelman no maa no nidi nwonwaso, na ɔmaa Salomo ahonya ne anuonyam sen nʼagya.
Dawid Wu
26Enti Yisai babarima Dawid dii Israel nyinaa so hene. 27Odii hene wɔ Israel mfe aduanan a ne nkyerɛmu ne sɛ, odii Hebron so mfe ason, na mfe aduasa abiɛsa nso, ɔtenaa Yerusalem. 28Ɔtenaa ase kyɛe, nyinii yiye, nyaa ahode ne anuonyam ansa na ɔrewu. Na ne babarima Salomo dii nʼade sɛ ɔhene. 29Efi Ɔhene Dawid adedi mfiase de kosi nʼawie mu nsɛm nyinaa, wɔakyerɛw agu ɔdehufo Samuel abakɔsɛm nhoma, odiyifo Natan abakɔsɛm nhoma ne ɔdehufo Gad abakɔsɛm nhoma mu. 30Nʼadedi mu akokodurusɛm ne biribiara a ɛbaa ne so, Israel ne ahenni ahorow a atwa ne ho ahyia nyinaa nso yɛ nsɛm a wɔakyerɛw.
为建殿而献的礼物
1大卫王又对全体会众说：“我儿所罗门是上帝特别拣选的，但他还年轻，缺乏经验。建殿的工程浩大，因为这殿不是为人造的，乃是为耶和华上帝造的。 2我已竭尽所能为我上帝的殿预备了制作金器、银器、铜器、铁器和木器所需的金银铜铁及木头，还有大量的玛瑙、镶嵌用的宝石、彩石、大理石及其他贵重的石头。 3而且，我因为爱慕我上帝的殿，除了预备以上物品外，还把自己珍藏的金银献上，用来建造我上帝的殿。 4我献上一百吨俄斐金、二百四十吨纯银，用来贴殿墙， 5供匠人制作金器银器。今天，有谁乐意向耶和华奉献？”
6结果，各族长、以色列各支派的首领、千夫长、百夫长和负责王室事务的官员都乐意奉献， 7他们为上帝的殿奉献了一百七十吨金子，三百四十吨银子，六百二十吨铜，三千四百吨铁。 8有宝石的人都把宝石交到耶和华殿的库房，由革顺人耶歇保管。 9因为他们诚心诚意地把东西献给上帝，百姓欢喜不已，大卫王也非常欢喜。
大卫颂赞耶和华
10大卫在会众面前颂赞耶和华，说：“我们先祖以色列的上帝耶和华啊，你永永远远当受颂赞！ 11耶和华啊，伟大、权能、荣耀、尊贵和威严都是你的，天上地下的一切都是你的。耶和华啊，国度是你的，你是万有的主宰。 12富贵和尊荣都从你而来，你掌管一切，你手中有权能和力量，能使人尊大、强盛。 13我们的上帝啊，我们称颂你，赞美你荣耀的名。
14“我算什么，我的人民算什么，怎么配向你奉献？因为万物都从你而来，我们只是把从你那里得来的献给你。 15我们在你面前只是客旅，是寄居的，像我们祖先一样；我们在世的日子就像影子一样转瞬即逝。 16我们的上帝耶和华啊，我们为你的圣名建造殿宇所预备的这一切财物都是从你那里来的，都属于你。 17我的上帝啊，我知道你洞察人心，喜爱正直的人。我怀着正直的心甘愿献上这一切，我也看见你这里的子民甘心乐意地将财物献给你。 18我们祖先亚伯拉罕、以撒、以色列的上帝耶和华啊！求你使你的子民常存这样的心志，使他们的心忠于你。 19求你赐给我儿所罗门忠诚的心，以遵行你的诫命、法度和律例，用我预备的材料全力建造殿宇。”
20大卫对全体会众说：“你们要颂赞你们的上帝耶和华。”于是，全体会众颂赞他们祖先的上帝耶和华，向耶和华和王俯伏下拜。
所罗门被立为王
21次日，他们向耶和华献祭。他们代表全以色列献上一千头公牛、一千只公绵羊、一千只羊羔作燔祭，同时还献上奠祭及许多其他祭。 22那一天，他们在耶和华面前欢欢喜喜地吃喝。
他们再次拥立大卫的儿子所罗门做王，在耶和华面前膏立他做首领，又膏立撒督做祭司。 23于是，所罗门登上了耶和华所赐的王位，接替他父亲大卫做王。他凡事亨通，以色列众人都服从他， 24众首领、勇士以及大卫王的众子都效忠于他。 25耶和华使所罗门倍受以色列人尊崇，赐他君王的威严，超过在他之前的所有以色列王。
大卫去世
26耶西的儿子大卫是全以色列的王， 27他在以色列执政共四十年：在希伯仑执政七年，在耶路撒冷执政三十三年。 28大卫年纪老迈，享尽富贵尊荣后，寿终正寝。他儿子所罗门继位。 29大卫王一生的事迹都记在撒母耳先见、拿单先知和迦得先见的史记上。 30书中记述了他的政绩和英勇事迹，以及他和以色列及列国所遭遇的事。
